Read Revised Akuapem Twi DC-KYERƐW KRONKRON 1 Timoteo 4 Bible Online

1 Timoteo 4 - Revised Akuapem Twi DC-KYERƐW KRONKRON bible

1 Timoteo 4

¹ Na honhom no ka no pefee sɛ nna no mu no, ebinom bɛfam nnaadaa ahonhom ne ahonhommɔne nkyerɛkyerɛ ho atwe wɔn ho afi gyidi no ho,

²atorokyerɛfo nkontompo nti. Wɔn na wɔn ahonim awu.

³ Wosiw aware ho kwan ka se wontua wɔn ho nnuan a Onyankopɔn bɔe sɛ gyidifo ne wɔn a wɔahu nokware mfa aseda nni bi no.

⁴ Na Onyankopɔn abɔde nyinaa ye, na sɛ yɛde aseda gye a, ɛnne ɛnsɛ sɛ yekyi biribiara;

⁵efisɛ wɔde Onyankopɔn asɛm ne mpaebɔ na ɛtew ho.

⁶Sɛ wode eyinom kyerɛ anuanom no a, wobɛyɛ Kristo Yesu somfo pa a wɔde gyidi ne nkyerɛkyerɛ pa a wudii akyiri no nsɛm ayɛn no.

⁷ Na mmerewa anansesɛm huhuw no de gu, na bɔ onyamesom pa ho mmɔden;

⁸ na ɔhonam mu mmɔdemmɔ so mfaso sua, na onyamesom pa ho wɔ mfaso ade nyinaa mu, na ɛwɔ nkwa a ɛwɔ hɔ yi ne nea ɛrebɛba no ho bɔhyɛ.

⁹ Ɛyɛ nokwasɛm a ɛsɛ sɛ wogye koraa.

¹⁰ Eyi nti na yɛyɛ adwuma brɛ na yɛpere, efisɛ yɛde yɛn ani ato Onyankopɔn teasefo a ɔyɛ nnipa nyinaa, ne titiriw no gyidifo, Agyenkwa no so.

¹¹Eyinom na tu ho fo dennennen na kyerɛkyerɛ!

¹² Mma obi mmmu wo aberante a woyɛ no abomfiaa, na mmom yɛ gyidifo nhwɛso ɔkasa mu, abrabɔ mu, ɔdɔ mu, gyidi mu, ahotew mu.

¹³Bata akenkan, afotu ne nkyerɛkyerɛ ho kosi sɛ mɛba.

¹⁴ Mma wo mu adom akyɛde a wɔnam nkɔmhyɛ ne mpanyimfo nsa a wɔde guu wo so de maa wo no nnna hɔ kwa.

¹⁵Eyinom ho na bɔ mmɔden, eyinom mu na keka wo ho, na wo nkɔso ada adi ade nyinaa mu.

¹⁶ Ma w’ani mmra wo ho ne kyerɛ no so na tena mu, efisɛ woyɛ saa a, wubegye wo ho ne w’atiefo nkwa.