Read Revised Akuapem Twi DC-KYERƐW KRONKRON Atemmufo 5 Bible Online

Atemmufo 5 - Revised Akuapem Twi DC-KYERƐW KRONKRON bible

Atemmufo 5

¹Na Debora ne Abinoam ba Barak too dwom da no ara sɛ:

²Sɛ Israel mu atitiriw dii wɔn anim, na ɔman no nso yii wɔn yam bae nti, munhyira AWURADE.

³Ahene, muntie! Abirempɔn, monyɛ aso! Me de, AWURADE na mɛto no dwom, mɛto AWURADE, Israel Nyankopɔn, sanku dwom.

⁴ AWURADE, wufi Seir bae no, wufi Edom asase so reba no, asase wosowee, ɔsoro nso tuei, omununkum nso tuee nsu.

⁵ Mmepɔw popoe AWURADE anim, Mekyerɛ Sinai, wɔ AWURADE, Israel Nyankopɔn no, anim.

⁶ Anat ba Samgar bere so, Yael bere so, atempɔn daa mpan, akwantemfo nantew akwamfo akɔntɔnkye so.

⁷Asafohene sae Israel mu, wɔsae kosii sɛ me, Debora, mesɔree, mesɔree sɛ ɛna Israel mu.

⁸ Wɔpopaw anyame foforo, ɛno na dɔm baa kurow apon akyi. So wohuu kyɛm ne peaw Israel mu nnipa ɔpeduanan mu?

⁹Me koma da Israel atitiriw a wofi ɔman no mu yii wɔn yam bae no so: Munhyira AWURADE!

¹⁰ Mo a motete mfurummere afufu so, mo a motete nkuntu a ɛsom bo so, mo a monenam akwan so, monto dwom!

¹¹Nea anka apereperefo teɛm wɔ anomee no, ɛhɔ ara na wɔnkamfo AWURADE trenee, ne nniso trenee Israel mu. Ɛno na AWURADE man sian kɔɔ kurow no apon mu.

¹²Sɔre, ka wo ho, Debora! Sɔre, ka wo ho to dwom! Sɔre, Barak, na fa wo nnommum nnommum, Abinoam ba.

¹³Ɛno mu na nkae bi sian kɔhyɛɛ atumfo, AWURADE man sian kɔhyɛɛ dɔmmarima maa me.

¹⁴ Wofi Efraim a wɔn ntini muni dii Amalek so, bedii wo Benyamin akyi, wo man mma no mu; Makir mu na mpanyin fi sian bae, na Sebulon mu nso wɔn a wokura ɔsafohene poma.

¹⁵Na Isakar mu asafohene kaa Debora ho, na Isakar yɛɛ Barak akyidua, wodii n’akyi kɔɔ obon no mu. Ruben mmusuakuw mu na koma mu pɔwbɔ a ɛsosoe wɔ.

¹⁶Ɛdɛn nti na wote nguamman no ntam retie nguankuw no mu mmɔtɔwahyɛn? Ruben mmusuakuw mu na koma mu apɛɛpɛɛ akɛse wɔ.

¹⁷Gilead te Yordan agya; na Dan de, ɛdɛn nti na ɔte nea ahyɛn nam? Aser te mpoano, na ne dɔnnɔn ho na ɔte.

¹⁸Sebulon yɛ ɔman a ɔde ne kra sɔɔ owu hwɛe, ne Naftali nso wɔ petee mu sorɔnsorɔmmea.

¹⁹Ahene bae bedii ako, ɛno mu na Kanaan ahene bɛkoe Taanak, Megido asu no ano, wɔannya dwetɛ asade bi.

²⁰ Wofi soro bedii ako, nsoromma fifii wɔn akwan so ne Sisera koe.

²¹Kison asu sesaw wɔn kɔe, tete dɔm asu no, Kison asu no. Me kra tiatia so ahoɔden so.

²²Ɛno na apɔnkɔ de wɔn tɔte pempem fam ammirikatu mu, n’ahoɔdenfo ammirikatu nti.

²³AWURADE bɔfo kae sɛ: Monnome Meros, nnome na monnome emutefo no, sɛ wɔammedi ammoa AWURADE, wɔammɛboa AWURADE antia dɔm kɛse no.

²⁴Wonhyira Yael, mmea mu, Kenini Heber yere no, wonhyira no ntamadan mu, mmea mu.

²⁵ Nsu na ɔsrɛ anom na ɔmaa no nufusu, kora fɛfɛ mu na ɔde nufusu ani srade bae

²⁶Ɔteɛɛ ne nsa soo bofunnua mu, na ne nifa kuraa adwumayɛfo asae, na ɔde bɔɔ Sisera pɛtɛw ne ti, ofitii n’asontɔre mu de bɔɔ mu.

²⁷Ɔtew hwee ne nan ase daa hɔ, ɔtew hwee ne nan ase; nea ɔtew hwee no, ɛhɔ ara na owui.

²⁸Mfɛnsere mu na Sisera ne na fa hwɛ, na otwa agyaadwo ahunaniankansa mu: Ɛdɛn na ne teaseɛnam kyɛ ne ba yi? Ɛdɛn na ne nteaseɛnam anan ka akyiri yi?

²⁹N’ahotenafo mu anyansafo bua no, na ɔno nso gye n’ankasa nsɛm no so:

³⁰So wɔrennya asade nkyɛ? Ababaa biako anaa baanu mma ɔbarima biako, ntade a wɔahyɛ no aduru asade mma Sisera, ntade a wɔahyɛ no aduru adi mu adwinni asade, mpaanedwuma ntama nworannworan ahorow abien a ɛbɛkata me kɔn mu sɛ asade?

³¹ Ao! AWURADE saa na ma w’atamfo nyinaa nsɛe, na w’adɔfo nyɛ sɛ owia a efi n’ahoɔden mu. Na asase no so dwoe mfe aduanan.