Read Roman Urdu Geo paidāish 36 Bible Online

paidāish 36 - Roman Urdu Geo bible

paidāish 36

¹yih esau kī aulād kā nasabnāmā hai (esau ko adom bhī kahā jātā hai):

²esau ne tīn kan'ānī auratoṅ se shādī kī: hittī ādmī ailon kī beṭī adā se, anā kī beṭī uhlībāmā se jo hiwwī ādmī sibaon kī nawāsī thī

³aur ismāīl kī beṭī bāsamat se jo nabāyot kī bahan thī.

⁴adā kā ek beṭā ilīfaz aur bāsamat kā ek beṭā raūel paidā huā.

⁵uhlībāmā ke tīn beṭe paidā hue, yaūs, yālām aur qorah. esau ke yih tamām beṭe mulk-e-kan'ān meṅ paidā hue.

⁶bād meṅ esau dūsre mulk meṅ chalā gayā. us ne apnī bīwiyoṅ, beṭe-beṭiyoṅ aur ghar ke rahne wāloṅ ko apne tamām maweshiyoṅ aur mulk-e-kan'ān meṅ hāsil kie hue māl samet apne sāth liyā.

⁷wuh is wajah se chalā gayā ki donoṅ bhāiyoṅ ke pās itne rewaṛ the ki charāne kī jagah kam paṛ gaī.

⁸chunāṅche esau pahāṛī ilāqe saīr meṅ ābād huā. esau kā dūsrā nām adom hai.

⁹yih esau yānī saīr ke pahāṛī ilāqe meṅ ābād adomiyoṅ kā nasabnāmā hai:

¹⁰esau kī bīwī adā kā ek beṭā ilīfaz thā jabki us kī bīwī bāsamat kā ek beṭā raūel thā.

¹¹ilīfaz ke beṭe temān, omar, safo, jātām, qanaz

¹²aur amālīq the. amālīq ilīfaz kī haram timnā kā beṭā thā. yih sab esau kī bīwī adā kī aulād meṅ shāmil the.

¹³raūel ke beṭe nahat, zārah, sammā aur mizzā the. yih sab esau kī bīwī bāsamat kī aulād meṅ shāmil the.

¹⁴esau kī bīwī uhlībāmā jo anā kī beṭī aur sibaon kī nawāsī thī ke tīn beṭe yaūs, yālām aur qorah the.

¹⁵esau se muḳhtalif qabīloṅ ke sardār nikle. us ke pahlauṭhe ilīfaz se yih qabāilī sardār nikle: temān, omar, safo, qanaz,

¹⁶qorah, jātām aur amālīq. yih sab esau kī bīwī adā kī aulād the.

¹⁷esau ke beṭe raūel se yih qabāilī sardār nikle: nahat, zārah, sammā aur mizzā. yih sab esau kī bīwī bāsamat kī aulād the.

¹⁸esau kī bīwī uhlībāmā yānī anā kī beṭī se yih qabāilī sardār nikle: yaūs, yālām aur qorah.

¹⁹yih tamām sardār esau kī aulād haiṅ.

²⁰mulk-e-adom ke kuchh bāshinde horī ādmī saīr kī aulād the. un ke nām lotān, sobal, sibaon, anā,

²¹dīson, esar aur dīsān the. saīr ke yih beṭe mulk-e-adom meṅ horī qabīloṅ ke sardār the.

²²lotān horī aur hemām kā bāp thā. (timnā lotān kī bahan thī.)

²³sobal ke beṭe alwān, mānahat, aibāl, safo aur onām the.

²⁴sibaon ke beṭe ayyāh aur anā the. isī anā ko garm chashme mile jab wuh bayābān meṅ apne bāp ke gadhe charā rahā thā.

²⁵anā kā ek beṭā dīson aur ek beṭī uhlībāmā thī.

²⁶dīson ke chār beṭe hamdān, ishbān, yitrān aur kirān the.

²⁷esar ke tīn beṭe bilhān, zāwān aur aqān the.

²⁸dīsān ke do beṭe ūz aur arān the.

²⁹yihī yānī lotān, sobal, sibaon, anā, dīson, esar aur dīsān saīr ke mulk meṅ horī qabāil ke sardār the.

³¹is se pahle ki isrāīliyoṅ kā koī bādshāh thā zail ke bādshāh yake bād dīgare mulk-e-adom meṅ hukūmat karte the:

³²bālā bin bor jo dinhābā shahr kā thā mulk-e-adom kā pahlā bādshāh thā.

³³us kī maut par yūbāb bin zārah jo busrā shahr kā thā.

³⁴us kī maut par hushām jo temāniyoṅ ke mulk kā thā.

³⁵us kī maut par hasad bin bidad jis ne mulk-e-moāb meṅ midiyāniyoṅ ko shikast dī. wuh awīt kā thā.

³⁶us kī maut par samlā jo masriqā kā thā.

³⁷us kī maut par sāūl jo daryā-e-furāt par rahobot shahr kā thā.

³⁸us kī maut par bāl-hanān bin akbor.

³⁹us kī maut par hasad jo fāū shahr kā thā (bīwī kā nām mahetab-el bint matrid bint mezāhāb thā).

⁴⁰esau se adomī qabīloṅ ke yih sardār nikle: timnā, alwah, yatet, uhlībāmā, ailā, fīnon, qanaz, temān, mibsār, majdī'el aur irām. adom ke sardāroṅ kī yih fahrist un kī maurūsī zamīn kī ābādiyoṅ aur qabīloṅ ke mutābiq hī bayān kī gaī hai. esau un kā bāp hai.