Read Roman Urdu Geo paidāish 5 Bible Online

paidāish 5 - Roman Urdu Geo bible

paidāish 5

¹zail meṅ ādam kā nasabnāmā darj hai. jab allāh ne insān ko ḳhalaq kiyā to us ne use apnī sūrat par banāyā.

²us ne unheṅ mard aur aurat paidā kiyā. aur jis din us ne unheṅ ḳhalaq kiyā us ne unheṅ barkat de kar un kā nām ādam yānī insān rakhā.

³ādam kī umr 130 sāl thī jab us kā beṭā set paidā huā. set sūrat ke lihāz se apne bāp kī mānind thā, wuh us se mushābahat rakhtā thā.

⁴set kī paidāish ke bād ādam mazīd 800 sāl zindā rahā. us ke aur beṭe-beṭiyāṅ bhī paidā hue.

⁵wuh 930 sāl kī umr meṅ faut huā.

⁶set 105 sāl kā thā jab us kā beṭā anūs paidā huā.

⁷is ke bād wuh mazīd 807 sāl zindā rahā. us ke aur beṭe-beṭiyāṅ bhī paidā hue.

⁸wuh 912 sāl kī umr meṅ faut huā.

⁹anūs 90 baras kā thā jab us kā beṭā qīnān paidā huā.

¹⁰is ke bād wuh mazīd 815 sāl zindā rahā. us ke aur beṭe-beṭiyāṅ bhī paidā hue.

¹¹wuh 905 sāl kī umr meṅ faut huā.

¹²qīnān 70 sāl kā thā jab us kā beṭā mahalal-el paidā huā.

¹³is ke bād wuh mazīd 840 sāl zindā rahā. us ke aur beṭe-beṭiyāṅ bhī paidā hue.

¹⁴wuh 910 sāl kī umr meṅ faut huā.

¹⁵mahalal-el 65 sāl kā thā jab us kā beṭā yārid paidā huā.

¹⁶is ke bād wuh mazīd 830 sāl zindā rahā. us ke aur beṭe-beṭiyāṅ bhī paidā hue.

¹⁷wuh 895 sāl kī umr meṅ faut huā.

¹⁸yārid 162 sāl kā thā jab us kā beṭā hanūk paidā huā.

¹⁹is ke bād wuh mazīd 800 sāl zindā rahā. us ke aur beṭe-beṭiyāṅ bhī paidā hue.

²⁰wuh 962 sāl kī umr meṅ faut huā.

²¹hanūk 65 sāl kā thā jab us kā beṭā matūsilah paidā huā.

²²is ke bād wuh mazīd 300 sāl allāh ke sāth chaltā rahā. us ke aur beṭe-beṭiyāṅ bhī paidā hue.

²³wuh kul 365 sāl duniyā meṅ rahā.

²⁴hanūk allāh ke sāth sāth chaltā thā. 365 sāl kī umr meṅ wuh ġhāib huā, kyūṅki allāh ne use uṭhā liyā.

²⁵matūsilah 187 sāl kā thā jab us kā beṭā lamak paidā huā.

²⁶wuh mazīd 782 sāl zindā rahā. us ke aur beṭe aur beṭiyāṅ bhī paidā hue.

²⁷wuh 969 sāl kī umr meṅ faut huā.

²⁸lamak 182 sāl kā thā jab us kā beṭā paidā huā.

²⁹us ne us kā nām nūh yānī tasallī rakhā, kyūṅki us ne us ke bāre meṅ kahā, “hamārā khetībāṛī kā kām nihāyat taqlīfdih hai, is lie ki allāh ne zamīn par lānat bhejī hai. lekin ab ham beṭe kī mārifat tasallī pāeṅge.”

³⁰is ke bād wuh mazīd 595 sāl zindā rahā. us ke aur beṭe-beṭiyāṅ bhī paidā hue.

³¹wuh 777 sāl kī umr meṅ faut huā.

³²nūh 500 sāl kā thā jab us ke beṭe sim, hām aur yāfat paidā hue.