Read Roman Urdu Geo 1-tawārīḳh 24 Bible Online

1-tawārīḳh 24 - Roman Urdu Geo bible

1-tawārīḳh 24

¹hārūn kī aulād ko bhī muḳhtalif gurohoṅ meṅ taqsīm kiyā gayā. hārūn ke chār beṭe nadab, abīhū, ilīazar aur itamar the.

²nadab aur abīhū apne bāp se pahle mar gae. aur un ke beṭe nahīṅ the. ilīazar aur itamar imām ban gae.

³dāūd ne imāmoṅ ko ḳhidmat ke muḳhtalif gurohoṅ meṅ taqsīm kiyā. sadoq aur aḳhīmalik ne is meṅ dāūd kī madad kī (sadoq ilīazar kī aulād meṅ se aur aḳhīmalik itamar kī aulād meṅ se thā).

⁴ilīazar kī aulād ko 16 gurohoṅ meṅ aur itamar kī aulād ko 8 gurohoṅ meṅ taqsīm kiyā gayā, kyūṅki ilīazar kī aulād ke itne hī zyādā ḳhāndānī sarparast the.

⁵tamām zimmādāriyāṅ qur'ā ḍāl kar in muḳhtalif gurohoṅ meṅ taqsīm kī gaīṅ, kyūṅki ilīazar aur itamar donoṅ ḳhāndānoṅ ke bahut sāre aise afsar the jo pahle se maqdis meṅ rab kī ḳhidmat karte the.

⁶yih zimmādāriyāṅ taqsīm karne ke lie ilīazar aur itamar kī aulād bārī bārī qur'ā ḍālte rahe. qur'ā ḍālte waqt bādshāh, isrāīl ke buzurg, sadoq imām, aḳhīmalik bin abiyātar aur imāmoṅ aur lāwiyoṅ ke ḳhāndānī sarparast hāzir the. mīrmunshī samāyāh bin natanī'el ne jo ḳhud lāwī thā ḳhidmat ke in gurohoṅ kī fahrist zail kī tartīb se likh lī jis tarah wuh qur'ā ḍālne se muqarrar kie gae.

⁷1. yahūyarīb, 2. yadāyāh,

⁸3. hārim, 4. saūrīm,

⁹5. malkiyāh, 6. miyāmīn,

¹⁰7. haqqūz, 8. abiyāh,

¹¹9. yashūa, 10. sakaniyāh,

¹²11. iliyāsib, 12. yaqīm,

¹³13. ḳhuffāh, 14. yasbiāb,

¹⁴15. biljā, 16. immer,

¹⁵17. ḳhazīr, 18. fizzīz,

¹⁶19. fatahiyāh, 20. yahizqel,

¹⁷21. yakīn, 22. jamūl,

¹⁸23. dilāyāh, 24. māziyāh.

¹⁹imāmoṅ ko isī tartīb ke mutābiq rab ke ghar meṅ ā kar apnī ḳhidmat saranjām denī thī, un hidāyāt ke mutābiq jo rab isrāīl ke ḳhudā ne unheṅ un ke bāp hārūn kī mārifat dī thīṅ.

²⁰zail ke lāwiyoṅ ke mazīd ḳhāndānī sarparast haiṅ: amrām kī aulād meṅ se sūbāel, sūbāel kī aulād meṅ se yahadiyāh

²¹rahabiyāh kī aulād meṅ se yissiyāh sarparast thā,

²²izhār kī aulād meṅ se salūmīt, salūmīt kī aulād meṅ se yahat,

²³habrūn kī aulād meṅ se baṛe se le kar chhoṭe tak yariyāh, amariyāh, yahzī'el aur yaqamiām,

²⁴uzzī'el kī aulād meṅ se mīkāh, mīkāh kī aulād meṅ se samīr,

²⁵mīkāh kā bhāī yissiyāh, yissiyāh kī aulād meṅ se zakariyāh,

²⁶mirārī kī aulād meṅ se mahlī aur mūshī, us ke beṭe yāziyāh kī aulād,

²⁷mirārī ke beṭe yāziyāh kī aulād meṅ se sūham, zakkūr aur ibrī,

²⁸mahlī kī aulād meṅ se ilīazar aur qīs. ilīazar beaulād thā jabki qīs ke hāṅ yarahmiel paidā huā.

³⁰mūshī kī aulād meṅ se mahlī, idar aur yarīmot bhī lāwiyoṅ ke in mazīd ḳhāndānī sarparastoṅ meṅ shāmil the.

³¹imāmoṅ kī tarah un kī zimmādāriyāṅ bhī qur'ā-andāzī se muqarrar kī gaīṅ. is silsile meṅ sab se chhoṭe bhāī ke ḳhāndān ke sāth aur sab se baṛe bhāī ke ḳhāndān ke sāth sulūk barābar thā. is kār-rawāī ke lie bhī dāūd bādshāh, sadoq, aḳhīmalik aur imāmoṅ aur lāwiyoṅ ke ḳhāndānī sarparast hāzir the.