Read Roman Urdu Geo 1-tawārīḳh 25 Bible Online

1-tawārīḳh 25 - Roman Urdu Geo bible

1-tawārīḳh 25

¹dāūd ne fauj ke ālā afsaroṅ ke sāth āsaf, haimān aur yadūtūn kī aulād ko ek ḳhās ḳhidmat ke lie alag kar diyā. unheṅ nabuwwat kī rūh meṅ sarod, sitār aur jhāṅjh bajānā thā. zail ke ādmiyoṅ ko muqarrar kiyā gayā:

²āsaf ke ḳhāndān se āsaf ke beṭe zakkūr, yūsuf, nataniyāh aur asarelāh. un kā bāp guroh kā rāhnumā thā, aur wuh bādshāh kī hidāyāt ke mutābiq nabuwwat kī rūh meṅ sāz bajātā thā.

³yadūtūn ke ḳhāndān se yadūtūn ke beṭe jidaliyāh, zarī, yasāyāh, simaī, hasbiyāh, aur mattitiyāh. un kā bāp guroh kā rāhnumā thā, aur wuh nabuwwat kī rūh meṅ rab kī hamd-o-sanā karte hue sitār bajātā thā.

⁴haimān ke ḳhāndān se haimān ke beṭe buqqiyāh, mattaniyāh, uzzī'el, sabūel, yarīmot, hananiyāh, hanānī, iliyātā, jiddāltī, rūmamtī-azar, yasbiqāshā, mallūtī, hautīr aur mahāziyot.

⁵in sab kā bāp haimān dāūd bādshāh kā ġhaibbīn thā. allāh ne haimān se wādā kiyā thā ki maiṅ terī tāqat baṛhā dūṅgā, is lie us ne use 14 beṭe aur tīn beṭiyāṅ atā kī thīṅ.

⁶yih sab apne apne bāp yānī āsaf, yadūtūn aur haimān kī rāhnumāī meṅ sāz bajāte the. jab kabhī rab ke ghar meṅ gīt gāe jāte the to yih mausīqār sāth sāth jhāṅjh, sitār aur sarod bajāte the. wuh apnī ḳhidmat bādshāh kī hidāyāt ke mutābiq saranjām dete the.

⁷apne bhāiyoṅ samet jo rab kī tāzīm meṅ gīt gāte the un kī kul tādād 288 thī. sab ke sab māhir the.

⁸un kī muḳhtalif zimmādāriyāṅ bhī qur'ā ke zarī'e muqarrar kī gaīṅ. is meṅ sab ke sāth sulūk ek jaisā thā, ḳhwāh jawān the yā būṛhe, ḳhwāh ustād the yā shāgird.

⁹qur'ā ḍāl kar 24 gurohoṅ ko muqarrar kiyā gayā. har guroh ke bārah bārah ādmī the. yūṅ zail ke ādmiyoṅ ke gurohoṅ ne tashkīl pāī: 1. āsaf ke ḳhāndān kā yūsuf, 2. jidaliyāh,

¹⁰3. zakkūr,

¹²5. nataniyāh,

¹³6. buqqiyāh,

¹⁴7. yasarelāh,

¹⁵8. yasāyāh,

¹⁶9. mattaniyāh,

¹⁷10. simaī,

¹⁸11. azarel,

¹⁹12. hasbiyāh,

²⁰13. sūbāel,

²¹14. mattitiyāh,

²²15. yarīmot,

²³16. hananiyāh,

²⁴17. yasbiqāshā,

²⁵18. hanānī,

²⁶19. mallūtī,

²⁷20. iliyātā,

²⁸21. hautīr,

²⁹22. jiddāltī,

³⁰23. mahāziyot,

³¹24. rūmamtī-azar. har guroh meṅ rāhnumā ke beṭe aur kuchh rishtedār shāmil the.