Read Roman Urdu Geo azrā 10 Bible Online

azrā 10 - Roman Urdu Geo bible

azrā 10

¹jab azrā is tarah duā kar rahā aur allāh ke ghar ke sāmne paṛe hue aur rote hue qaum ke qusūr kā iqrār kar rahā thā to us ke irdgird isrāīlī mardoṅ, auratoṅ aur bachchoṅ kā baṛā hujūm jamā ho gayā. wuh bhī phūṭ phūṭ kar rone lage.

²phir ailām ke ḳhāndān ke sakaniyāh bin yihī'el ne azrā se kahā, “wāqaī ham ne paṛosī qaumoṅ kī auratoṅ se shādī karke apne ḳhudā se bewafāī kī hai. to bhī ab tak isrāīl ke lie ummīd kī kiran bāqī hai.

³āeṅ, ham apne ḳhudā se ahd bāndh kar wādā kareṅ ki ham un tamām auratoṅ ko un ke bachchoṅ samet wāpas bhej deṅge. jo bhī mashwarā āp aur allāh ke ahkām kā ḳhauf mānane wāle dīgar log hameṅ deṅge wuh ham kareṅge. sab kuchh sharīat ke mutābiq kiyā jāe.

⁴ab uṭheṅ! kyūṅki yih muāmalā durust karnā āp hī kā farz hai. ham āp ke sāth haiṅ, is lie hauslā rakheṅ aur wuh kuchh kareṅ jo zarūrī hai.”

⁵tab azrā uṭhā aur rāhnumā imāmoṅ, lāwiyoṅ aur tamām qaum ko qasam khilāī ki ham sakaniyāh ke mashware par amal kareṅge.

⁶phir azrā allāh ke ghar ke sāmne se chalā gayā aur yūhanān bin iliyāsib ke kamre meṅ dāḳhil huā. wahāṅ us ne pūrī rāt kuchh khāe pie baġhair guzārī. ab tak wuh jilāwatanī se wāpas āe hue logoṅ kī bewafāī par mātam kar rahā thā.

⁷sarkārī afsaroṅ aur buzurgoṅ ne faislā kiyā ki yarūshalam aur pūre yahūdāh meṅ elān kiyā jāe, “lāzim hai ki jitne bhī isrāīlī jilāwatanī se wāpas āe haiṅ wuh sab tīn din ke andar andar yarūshalam meṅ jamā ho jāeṅ. jo bhī is daurān hāzir na ho use jilāwatanoṅ kī jamā'at se ḳhārij kar diyā jāegā aur us kī tamām milkiyat zabt ho jāegī.”

⁹tab yahūdāh aur binyamīn ke qabīloṅ ke tamām ādmī tīn din ke andar andar yarūshalam pahuṅche. naweṅ mahīne ke bīsweṅ din [6] sab log allāh ke ghar ke sahan meṅ jamā hue. sab muāmale kī sanjīdagī aur mausam ke sabab se kāṅp rahe the, kyūṅki bārish ho rahī thī.

¹⁰azrā imām khaṛe ho kar kahne lagā, “āp allāh se bewafā ho gae haiṅ. ġhairyahūdī auratoṅ se rishtā bāndhne se āp ne isrāīl ke qusūr meṅ izāfā kar diyā hai.

¹¹ab rab apne bāpdādā ke ḳhudā ke huzūr apne gunāhoṅ kā iqrār karke us kī marzī pūrī kareṅ. paṛosī qaumoṅ aur apnī pardesī bīwiyoṅ se alag ho jāeṅ.”

¹²pūrī jamā'at ne buland āwāz se jawāb diyā, “āp ṭhīk kahte haiṅ! lāzim hai ki ham āp kī hidāyat par amal kareṅ.

¹³lekin yih koī aisā muāmalā nahīṅ hai jo ek yā do din meṅ durust kiyā jā sake. kyūṅki ham bahut log haiṅ aur ham se sanjīdā gunāh sarzad huā hai. nīz, is waqt barsāt kā mausam hai, aur ham zyādā der tak bāhar nahīṅ ṭhahar sakte.

¹⁴behtar hai ki hamāre buzurg pūrī jamā'at kī numāindagī kareṅ. phir jitne bhī ādmiyoṅ kī ġhairyahūdī bīwiyāṅ haiṅ wuh ek muqarrarā din maqāmī buzurgoṅ aur qāziyoṅ ko sāth le kar yahāṅ āeṅ aur muāmalā durust kareṅ. aur lāzim hai ki yih silsilā us waqt tak jārī rahe jab tak rab kā ġhazab ṭhanḍā na ho jāe.”

¹⁵tamām log muttafiq hue, sirf yūnatan bin asāhel aur yahziyāh bin tiqwā ne faisle kī muḳhālafat kī jabki masullām aur sabbatī lāwī un ke haq meṅ the.

¹⁶to bhī isrāīliyoṅ ne mansūbe par amal kiyā. azrā imām ne chand ek ḳhāndānī sarparastoṅ ke nām le kar unheṅ yih zimmādārī dī ki jahāṅ bhī kisī yahūdī mard kī ġhairyahūdī aurat se shādī huī hai wahāṅ wuh pūre muāmale kī tahqīq kareṅ. un kā kām dasweṅ mahīne ke pahle din [7] shurū huā aur pahle mahīne ke pahle din [8] takmīl tak pahuṅchā.

¹⁸darj-e-zail un ādmiyoṅ kī fahrist hai jinhoṅ ne ġhairyahūdī auratoṅ se shādī kī thī. unhoṅ ne qasam khā kar wādā kiyā ki ham apnī bīwiyoṅ se alag ho jāeṅge. sāth sāth har ek ne qusūr kī qurbānī ke taur par menḍhā qurbān kiyā. imāmoṅ meṅ se qusūrwār: yashūa bin yūsadaq aur us ke bhāī māsiyāh, ilīazar, yarīb aur jidaliyāh,

²⁰immer ke ḳhāndān kā hanānī aur zabadiyāh,

²¹hārim ke ḳhāndān kā māsiyāh, ilyās, samāyāh, yihī'el aur uzziyāh,

²²fashhūr ke ḳhāndān kā iliyūainī, māsiyāh, ismāīl, natanī'el, yūzabad aur iliāsā.

²³lāwiyoṅ meṅ se qusūrwār: yūzabad, simaī, qilāyāh yānī qalītā, fatahiyāh, yahūdāh aur ilīazar.

²⁴gulūkāroṅ meṅ se qusūrwār: iliyāsib. rab ke ghar ke darbānoṅ meṅ se qusūrwār: sallūm, talam aur ūrī.

²⁵bāqī qusūrwār isrāīlī: parūs ke ḳhāndān kā ramiyāh, yazziyāh, malkiyāh, miyāmīn, ilīazar, malkiyāh aur bināyāh.

²⁶ailām ke ḳhāndān kā mattaniyāh, zakariyāh, yihī'el, abdī, yarīmot aur ilyās,

²⁷zattū ke ḳhāndān kā iliyūainī, iliyāsib, mattaniyāh, yarīmot, zabad aur azīzā.

²⁸babī ke ḳhāndān kā yūhanān, hananiyāh, zabbī aur atlī.

²⁹bānī ke ḳhāndān kā masullām, mallūk, adāyāh, yasūb, siyāl aur yarīmot.

³⁰pakhat-moāb ke ḳhāndān kā adnā, kilāl, bināyāh, māsiyāh, mattaniyāh, bazlī'el, binnūī aur manassī.

³¹hārim ke ḳhāndān kā ilīazar, yissiyāh, malkiyāh, samāyāh, shamāūn,

³²binyamīn, mallūk aur samariyāh.

³³hāshūm ke ḳhāndān kā mattanī, mattattāh, zabad, ilīfalat, yaremī, manassī aur simaī.

³⁴bānī ke ḳhāndān kā mādī, amrām, ūel,

³⁵bināyāh, badiyāh, kalūhī,

³⁶waniyāh, marīmot, iliyāsib,

³⁷mattaniyāh, mattanī aur yāsī.

³⁸binnūī ke ḳhāndān kā simaī,

³⁹salamiyāh, nātan, adāyāh,

⁴⁰maknadbī, sāsī, sārī,

⁴¹azarel, salamiyāh, samariyāh,

⁴²sallūm, amariyāh aur yūsuf.

⁴³nabū ke ḳhāndān kā yaī'el, mattitiyāh, zabad, zabīnā, yaddī, yoel aur bināyāh.

⁴⁴in tamām ādmiyoṅ kī ġhairyahūdī auratoṅ se shādī huī thī, aur un ke hāṅ bachche paidā hue the.