Read Roman Urdu Geo nahmiyāh 12 Bible Online

nahmiyāh 12 - Roman Urdu Geo bible

nahmiyāh 12

¹darj-e-zail un imāmoṅ aur lāwiyoṅ kī fahrist hai jo zarubbābal bin siyāltī'el aur yashūa ke sāth jilāwatanī se wāpas āe. imām: sirāyāh, yarmiyāh, azrā,

²amariyāh, mallūk, hattūsh,

³sakaniyāh, rahūm, marīmot,

⁴iddū, jinnatūn, abiyāh,

⁵miyāmīn, muadiyāh, biljā,

⁶samāyāh, yūyārīb, yadāyāh,

⁷sallū, amūq, ḳhilqiyāh, aur yadāyāh. yih yashūa ke zamāne meṅ imāmoṅ aur un ke bhāiyoṅ ke rāhnumā the.

⁸lāwī: yashūa, binnūī, qadmī'el, saribiyāh, yahūdāh aur mattaniyāh. mattaniyāh apne bhāiyoṅ ke sāth rab ke ghar meṅ hamd-o-sanā ke gīt gāne meṅ rāhnumāī kartā thā.

⁹baqbūqiyāh aur unnī apne bhāiyoṅ ke sāth ibādat ke daurān un ke muqābil khaṛe hote the.

¹⁰imām-e-āzam yashūa kī aulād: yashūa yūyaqīm kā bāp thā, yūyaqīm iliyāsib kā, iliyāsib yoyadā kā,

¹¹yoyadā yūnatan kā, yūnatan yaddū kā.

¹²jab yūyaqīm imām-e-āzam thā to zail ke imām apne ḳhāndānoṅ ke sarparast the. sirāyāh ke ḳhāndān kā mirāyāh, yarmiyāh ke ḳhāndān kā hananiyāh,

¹³azrā ke ḳhāndān kā masullām, amariyāh ke ḳhāndān kā yūhanān,

¹⁴mallūk ke ḳhāndān kā yūnatan, sabaniyāh ke ḳhāndān kā yūsuf,

¹⁵hārim ke ḳhāndān kā adnā, mirāyot ke ḳhāndān kā ḳhilqī,

¹⁶iddū ke ḳhāndān kā zakariyāh, jinnatūn ke ḳhāndān kā masullām,

¹⁷abiyāh ke ḳhāndān kā zikrī, minyamīn ke ḳhāndān kā ek ādmī, muadiyāh ke ḳhāndān kā filtī,

¹⁸biljā ke ḳhāndān kā sammūa, samāyāh ke ḳhāndān kā yahūnatan,

¹⁹yūyārīb ke ḳhāndān kā mattanī, yadāyāh ke ḳhāndān kā uzzī,

²⁰sallī ke ḳhāndān kā qallī, amūq ke ḳhāndān kā ibar,

²¹ḳhilqiyāh ke ḳhāndān kā hasbiyāh, yadāyāh ke ḳhāndān kā natanī'el.

²²jab iliyāsib, yoyadā, yūhanān aur yaddū imām-e-āzam the to lāwī ke sarparastoṅ kī fahrist tayyār kī gaī aur isī tarah fāras ke bādshāh dārā ke zamāne meṅ imāmoṅ ke ḳhāndānī sarparastoṅ kī fahrist.

²³lāwī ke ḳhāndānī sarparastoṅ ke nām imām-e-āzam yūhanān bin iliyāsib ke zamāne tak tārīḳh kī kitāb meṅ darj kie gae.

²⁴lāwī ke ḳhāndānī sarparast hasbiyāh, saribiyāh, yashūa, binnūī aur qadmī'el ḳhidmat ke un gurohoṅ kī rāhnumāī karte the jo rab ke ghar meṅ hamd-o-sanā ke gīt gāte the. un ke muqābil mattaniyāh, baqbūqiyāh aur abadiyāh apne gurohoṅ ke sāth khaṛe hote the. gīt gāte waqt kabhī yih guroh aur kabhī us ke muqābil kā guroh gātā thā. sab kuchh us tartīb se huā jo mard-e-ḳhudā dāūd ne muqarrar kī thī. masullām, talmūn aur aqqūb darbān the jo rab ke ghar ke darwāzoṅ ke sāth wāqe godāmoṅ kī pahrādārī karte the.

²⁵

²⁶yih ādmī imām-e-āzam yūyaqīm bin yashūa bin yūsadaq, nahmiyāh gawarnar aur sharīat ke ālim azrā imām ke zamāne meṅ apnī ḳhidmat saranjām dete the.

²⁷fasīl kī maḳhsūsiyat ke lie pūre mulk ke lāwiyoṅ ko yarūshalam bulāyā gayā tāki wuh ḳhushī manāne meṅ madad karke hamd-o-sanā ke gīt gāeṅ aur jhāṅjh, sitār aur sarod bajāeṅ.

²⁸gulūkār yarūshalam ke gird-o-nawāh se, natūfātiyoṅ ke dehāt,

²⁹bait-jiljāl aur jibā aur azmāwat ke ilāqe se āe. kyūṅki gulūkāroṅ ne apnī apnī ābādiyāṅ yarūshalam ke irdgird banāī thīṅ.

³⁰pahle imāmoṅ aur lāwiyoṅ ne apne āp ko jashn ke lie pāk-sāf kiyā, phir unhoṅ ne ām logoṅ, darwāzoṅ aur fasīl ko bhī pāk-sāf kar diyā.

³¹is ke bād maiṅ ne yahūdāh ke qabīle ke buzurgoṅ ko fasīl par chaṛhnī diyā aur gulūkāroṅ ko shukrguzārī ke do baṛe gurohoṅ meṅ taqsīm kiyā. pahlā guroh fasīl par chalte chalte junūb meṅ wāqe kachre ke darwāze kī taraf baṛh gayā.

³²in gulūkāroṅ ke pīchhe hūsāyāh yahūdāh ke ādhe buzurgoṅ ke sāth chalā

³³jabki in ke pīchhe azariyāh, azrā, masullām,

³⁴yahūdāh, binyamīn, samāyāh aur yarmiyāh chale.

³⁵āḳhirī guroh imām the jo turam bajāte rahe. in ke pīchhe zail ke mausīqār āe: zakariyāh bin yūnatan bin samāyāh bin mattaniyāh bin mīkāyāh bin zakkūr bin āsaf

³⁶aur us ke bhāī samāyāh, azarel, milalī, jilalī, māī, natanī'el, yahūdāh aur hanānī. yih ādmī mard-e-ḳhudā dāūd ke sāz bajāte rahe. sharīat ke ālim azrā ne julūs kī rāhnumāī kī.

³⁷chashme ke darwāze ke pās ā kar wuh sīdhe us sīṛhī par chaṛh gae jo yarūshalam ke us hisse tak pahuṅchātī hai jo ‘dāūd kā shahr’ kahlātā hai. phir dāūd ke mahal ke pīchhe se guzar kar wuh shahr ke maġhrib meṅ wāqe pānī ke darwāze tak pahuṅch gae.

³⁸shukrguzārī kā dūsrā guroh fasīl par chalte chalte shimāl meṅ wāqe tanūroṅ ke burj aur ‘moṭī dīwār’ kī taraf baṛh gayā, aur maiṅ bāqī logoṅ ke sāth us ke pīchhe ho liyā.

³⁹ham ifrāīm ke darwāze, yasānā ke darwāze, machhlī ke darwāze, hanan-el ke burj, miyā burj aur bheṛ ke darwāze se ho kar muhāfizoṅ ke darwāze tak pahuṅch gae jahāṅ ham ruk gae.

⁴⁰phir shukrguzārī ke donoṅ guroh rab ke ghar ke pās khaṛe ho gae. maiṅ bhī buzurgoṅ ke ādhe hisse

⁴¹aur zail ke turam bajāne wāle imāmoṅ ke sāth rab ke ghar ke sahan meṅ khaṛā huā: iliyāqīm, māsiyāh, minyamīn, mīkāyāh, iliyūainī, zakariyāh aur hananiyāh.

⁴²māsiyāh, samāyāh, ilīazar, uzzī, yūhanān, malkiyāh, ailām aur azar bhī hamāre sāth the. gulūkār izraḳhiyāh kī rāhnumāī meṅ hamd-o-sanā ke gīt gāte rahe.

⁴³us din zabah kī baṛī baṛī qurbāniyāṅ pesh kī gaīṅ, kyūṅki allāh ne ham sab ko bāl-bachchoṅ samet baṛī ḳhushī dilāī thī. ḳhushiyoṅ kā itnā shor mach gayā ki us kī āwāz dūrdarāz ilāqoṅ tak pahuṅch gaī.

⁴⁴us waqt kuchh ādmiyoṅ ko un godāmoṅ ke nigarān banāyā gayā jin meṅ hadie, fasloṅ kā pahlā phal aur paidāwār kā daswāṅ hissā mahfūz rakhā jātā thā. un meṅ shahroṅ kī fasloṅ kā wuh hissā jamā karnā thā jo sharīat ne imāmoṅ aur lāwiyoṅ ke lie muqarrar kiyā thā. kyūṅki yahūdāh ke bāshinde ḳhidmat karne wāle imāmoṅ aur lāwiyoṅ se ḳhush the

⁴⁵jo apne ḳhudā kī ḳhidmat tahārat ke rasm-o-riwāj samet achchhī tarah anjām dete the. rab ke ghar ke gulūkār aur darbān bhī dāūd aur us ke beṭe sulaimān kī hidāyāt ke mutābiq hī ḳhidmat karte the.

⁴⁶kyūṅki dāūd aur āsaf ke zamāne se hī gulūkāroṅ ke līḍar allāh kī hamd-o-sanā ke gītoṅ meṅ rāhnumāī karte the.

⁴⁷chunāṅche zarubbābal aur nahmiyāh ke dinoṅ meṅ tamām isrāīl rab ke ghar ke gulūkāroṅ aur darbānoṅ kī rozānā zarūriyāt pūrī kartā thā. lāwiyoṅ ko wuh hissā diyā jātā jo un ke lie maḳhsūs thā, aur lāwī us meṅ se imāmoṅ ko wuh hissā diyā karte the jo un ke lie maḳhsūs thā.