Read Roman Urdu Geo zabūr 87 Bible Online

zabūr 87 - Roman Urdu Geo bible

zabūr 87

¹qorah kī aulād kā zabūr. gīt. us kī bunyād muqaddas pahāṛoṅ par rakhī gaī hai.

²rab siyyūn ke darwāzoṅ ko yāqūb kī dīgar ābādiyoṅ se kahīṅ zyādā pyār kartā hai.

³ai allāh ke shahr, tere bāre meṅ shāndār bāteṅ sunāī jātī haiṅ. (silāh)

⁴rab farmātā hai, “maiṅ misr aur bābal ko un logoṅ meṅ shumār karūṅga jo mujhe jānte haiṅ.” filistiyā, sūr aur ethūpiyā ke bāre meṅ bhī kahā jāegā, “in kī paidāish yihīṅ huī hai.”

⁵lekin siyyūn ke bāre meṅ kahā jāegā, “har ek bāshindā us meṅ paidā huā hai. allāh t'ālā ḳhud use qāim rakhegā.”

⁶jab rab aqwām ko kitāb meṅ darj karegā to wuh sāth sāth yih bhī likhegā, “yih siyyūn meṅ paidā huī haiṅ.” (silāh)

⁷aur log nāchte hue gāeṅge, “mere tamām chashme tujh meṅ haiṅ.”