Read Roman Urdu Geo ahbār 15 Bible Online

ahbār 15 - Roman Urdu Geo bible

ahbār 15

¹rab ne mūsā aur hārūn se kahā,

²“isrāīliyoṅ ko batānā ki agar kisī mard ko jaryān kā marz ho to wuh ḳhārij hone wāle māe ke sabab se nāpāk hai,

³chāhe māe bahtā rahtā ho yā ruk gayā ho.

⁴jis chīz par bhī marīz leṭtā yā baiṭhtā hai wuh nāpāk hai.

⁵jo bhī us ke leṭne kī jagah ko chhue yā us ke baiṭhne kī jagah par baiṭh jāe wuh apne kapṛe dho kar nahā le. wuh shām tak nāpāk rahegā.

⁷isī tarah jo bhī aise marīz ko chhue wuh apne kapṛe dho kar nahā le. wuh shām tak nāpāk rahegā.

⁸agar marīz kisī pāk shaḳhs par thūke to yihī kuchh karnā hai aur wuh shaḳhs shām tak nāpāk rahegā.

⁹jab aisā marīz kisī jānwar par sawār hotā hai to har chīz jis par wuh baiṭh jātā hai nāpāk hai.

¹⁰jo bhī aisī chīz chhue yā use uṭhā kar le jāe wuh apne kapṛe dho kar nahā le. wuh shām tak nāpāk rahegā.

¹¹jis kisī ko bhī marīz apne hāth dhoe baġhair chhue wuh apne kapṛe dho kar nahā le. wuh shām tak nāpāk rahegā.

¹²miṭṭī kā jo bartan aisā marīz chhue use toṛ diyā jāe. lakaṛī kā jo bartan wuh chhue use ḳhūb dhoyā jāe.

¹³jise is marz se shifā milī hai wuh sāt din intizār kare. is ke bād wuh tāzā pānī se apne kapṛe dho kar nahā le. phir wuh pāk ho jāegā.

¹⁴āṭhweṅ din wuh do qumriyāṅ yā do jawān kabūtar le kar mulāqāt ke ḳhaime ke darwāze par rab ke sāmne imām ko de.

¹⁵imām un meṅ se ek ko gunāh kī qurbānī ke taur par aur dūsre ko bhasm hone wālī qurbānī ke taur par chaṛhāe. yūṅ wuh rab ke sāmne us kā kaffārā degā.

¹⁶agar kisī mard kā nutfā ḳhārij ho jāe to wuh apne pūre jism ko dho le. wuh shām tak nāpāk rahegā.

¹⁷har kapṛā yā chamṛā jis se nutfā lag gayā ho use dhonā hai. wuh bhī shām tak nāpāk rahegā.

¹⁸agar mard aur aurat ke hambistar hone par nutfā ḳhārij ho jāe to lāzim hai ki donoṅ nahā leṅ. wuh shām tak nāpāk raheṅge.

¹⁹māhwārī ke waqt aurat sāt din tak nāpāk hai. jo bhī use chhue wuh shām tak nāpāk rahegā.

²⁰is daurān jis chīz par bhī wuh leṭtī yā baiṭhtī hai wuh nāpāk hai.

²¹jo bhī us ke leṭne kī jagah ko chhue yā us ke baiṭhne kī jagah par baiṭh jāe wuh apne kapṛe dho kar nahā le. wuh shām tak nāpāk rahegā.

²⁴agar mard aurat se hambistar ho aur usī waqt māhwārī ke din shurū ho jāeṅ to mard ḳhūn lagne ke bāis sāt din tak nāpāk rahegā. jis chīz par bhī wuh leṭtā hai wuh nāpāk ho jāegī.

²⁵agar kisī aurat ko māhwārī ke din chhoṛ kar kisī aur waqt kaī dinoṅ tak ḳhūn āe yā ḳhūn māhwārī ke dinoṅ ke bād bhī jārī rahe to wuh māhwārī ke dinoṅ kī tarah us waqt tak nāpāk rahegī jab tak ḳhūn ruk na jāe.

²⁶jis chīz par bhī wuh leṭtī yā baiṭhtī hai wuh nāpāk hai.

²⁷jo bhī aisī chīz ko chhue wuh apne kapṛe dho kar nahā le. wuh shām tak nāpāk rahegā.

²⁸ḳhūn ke ruk jāne par aurat mazīd sāt din intizār kare. phir wuh pāk hogī.

²⁹āṭhweṅ din wuh do qumriyāṅ yā do jawān kabūtar le kar mulāqāt ke ḳhaime ke darwāze par imām ke pās āe.

³⁰imām un meṅ se ek ko gunāh kī qurbānī ke lie aur dūsre ko bhasm hone wālī qurbānī ke lie chaṛhāe. yūṅ wuh rab ke sāmne us kī nāpākī kā kaffārā degā.

³¹lāzim hai ki isrāīliyoṅ ko aisī chīzoṅ se dūr rakhā jāe jin se wuh nāpāk ho jāeṅ. warnā merā wuh maqdis jo un ke darmiyān hai un se nāpāk ho jāegā aur wuh halāk ho jāeṅge.

³²lāzim hai ki is qism ke muāmaloṅ se aise nipṭo jaise bayān kiyā gayā hai. is meṅ wuh mard shāmil hai jo jaryān kā marīz hai aur wuh jo nutfā ḳhārij hone ke bāis nāpāk hai.

³³is meṅ wuh aurat bhī shāmil hai jis ke māhwārī ke ayyām haiṅ aur wuh mard jo nāpāk aurat se hambistar ho jātā hai.”