Read Roman Urdu Geo yashūa 19 Bible Online

yashūa 19 - Roman Urdu Geo bible

yashūa 19

¹jab qur'ā ḍālā gayā to shamāūn ke qabīle aur us ke kunboṅ ko dūsrā hissā mil gayā. us kī zamīn yahūdāh ke qabīle ke ilāqe ke darmiyān thī.

²use yih shahr mil gae: bair-sabā (sabā), molādā,

³hasār-sūāl, bālā, azam,

⁴iltolad, batūl, hurmā,

⁵siqlāj, bait-markabot, hasār-sūsā,

⁶bait-labāot aur sārūhn. in shahroṅ kī tādād 13 thī. har shahr ke gird-o-nawāh kī ābādiyāṅ us ke sāth ginī jātī thīṅ.

⁷in ke ilāwā yih chār shahr bhī shamāūn ke the: ain, rimmon, itar aur asan. har shahr ke gird-o-nawāh kī ābādiyāṅ us ke sāth ginī jātī thīṅ.

⁸in shahroṅ ke gird-o-nawāh kī tamām ābādiyāṅ bālāt-bair yānī najab ke rāmā tak un ke sāth ginī jātī thīṅ. yih thī shamāūn aur us ke kunboṅ kī milkiyat.

⁹yih jagheṅ is lie yahūdāh ke qabīle ke ilāqe se lī gaīṅ ki yahūdāh kā ilāqā us ke lie bahut zyādā thā. yihī wajah hai ki shamāūn kā ilāqā yahūdāh ke bīch meṅ hai.

¹⁰jab qur'ā ḍālā gayā to zabūlūn ke qabīle aur us ke kunboṅ ko tīsrā hissā mil gayā. us kī junūbī sarhad yuqniām kī nadī se shurū huī aur phir mashriq kī taraf dabāsat, mar'alā aur sārīd se ho kar kislot-tabūr ke ilāqe tak pahuṅchī. is ke bād wuh muṛ kar mashriqī sarhad ke taur par dābarat ke pās āī aur chaṛhtī chaṛhtī yafīa pahuṅchī.

¹¹

¹²

¹³wahāṅ se wuh mazīd mashriq kī taraf baṛhtī huī jāt-hifar, et-qāzīn aur rimmon se ho kar neā ke pās āī.

¹⁴zabūlūn kī shimālī aur maġhribī sarhad hannāton meṅ se guzartī guzartī wādī-e-iftāh-el par ḳhatm huī.

¹⁵bārah shahr un ke gird-o-nawāh kī ābādiyoṅ samet zabūlūn kī milkiyat meṅ āe jin meṅ qattāt, nahlāl, simron, idālā aur bait-laham shāmil the.

¹⁶zabūlūn ke qabīle ko yihī kuchh us ke kunboṅ ke mutābiq mil gayā.

¹⁷jab qur'ā ḍālā gayā to ishkār ke qabīle aur us ke kunboṅ ko chauthā hissā mil gayā.

¹⁸us kā ilāqā yazrael se le kar shimāl kī taraf phail gayā. yih shahr us meṅ shāmil the: kasūlot, shūnīm,

¹⁹hafāraim, shiyūn, anāḳharat,

²⁰rabbīt, qisiyon, ibaz,

²¹raimat, ain-jannīm, ain-haddā aur bait-fassīs.

²²shimāl meṅ yih sarhad tabūr pahāṛ se shurū huī aur shaḳhsūmā aur bait-shams se ho kar daryā-e-yardan tak utar āī. 16 shahr un ke gird-o-nawāh kī ābādiyoṅ samet ishkār kī milkiyat meṅ āe.

²³use yih pūrā ilāqā us ke kunboṅ ke mutābiq mil gayā.

²⁴jab qur'ā ḍālā gayā to āshar ke qabīle aur us ke kunboṅ ko pāṅchwāṅ hissā mil gayā.

²⁵us ke ilāqe meṅ yih shahr shāmil the: ḳhilqat, halī, batan, akshāf,

²⁶alammalik, am'ād aur misāl. us kī sarhad samundar ke sāth sāth chaltī huī karmil ke pahāṛī silsile ke dāman meṅ se guzarī aur utartī utartī saihūr-libnāt tak pahuṅchī.

²⁷wahāṅ wuh mashriq meṅ bait-dajūn kī taraf muṛ kar zabūlūn ke ilāqe tak pahuṅchī aur us kī maġhribī sarhad ke sāth chaltī chaltī shimāl meṅ wādī-e-iftāh-el tak pahuṅchī. āge baṛhtī huī wuh bait-imaq aur naī'el se ho kar shimāl kī taraf muṛī jahāṅ kābūl thā.

²⁸phir wuh ibrūn, rahob, hammūn aur qānā se ho kar baṛe shahr saidā tak pahuṅchī.

²⁹is ke bād āshar kī sarhad rāmā kī taraf muṛ kar fasīldār shahr sūr ke pās āī. wahāṅ wuh hūsā kī taraf muṛī aur chaltī chaltī akzīb ke qarīb samundar par ḳhatm huī.

³⁰22 shahr un ke gird-o-nawāh kī ābādiyoṅ samet āshar kī milkiyat meṅ āe. in meṅ ummā, afīq aur rahob shāmil the.

³¹āshar ko us ke kunboṅ ke mutābiq yihī kuchh milā.

³²jab qur'ā ḍālā gayā to naftālī ke qabīle aur us ke kunboṅ ko chhaṭā hissā mil gayā.

³³junūb meṅ us kī sarhad daryā-e-yardan par laqqūm se shurū huī aur maġhrib kī taraf chaltī chaltī yabniel, adāmī-naqb, ailon-zānanīm aur half se ho kar aznūt-tabūr tak pahuṅchī. wahāṅ se wuh maġhribī sarhad kī haisiyat se huqqoq ke pās āī. naftālī kī junūbī sarhad zabūlūn kī shimālī sarhad aur maġhrib meṅ āshar kī mashriqī sarhad thī. daryā-e-yardan aur yahūdāh [3] us kī mashriqī sarhad thī.

³⁴

³⁵zail ke fasīldār shahr naftālī kī milkiyat meṅ āe: saddīm, sair, hammat, raqqat, kinnarat,

³⁶adāmā, rāmā, hasūr,

³⁷qādis, idraī, ain-hasūr,

³⁸irūn, mijdal-el, hurīm, bait-anāt aur bait-shams. aise 19 shahr the. har shahr ke gird-o-nawāh kī ābādiyāṅ bhī us ke sāth ginī jātī thīṅ.

³⁹naftālī ko yihī kuchh us ke kunboṅ ke mutābiq milā.

⁴⁰jab qur'ā ḍālā gayā to dān ke qabīle aur us ke kunboṅ ko sātwāṅ hissā milā.

⁴¹us ke ilāqe meṅ yih shahr shāmil the: sur'ā, istāl, īr-shams,

⁴²sha'ālabbīn, ayyālon, itlā,

⁴³ailon, timnat, aqrūn,

⁴⁴iltaqih, jibbatūn, bālāt,

⁴⁵yahūd, banī-barq, jāt-rimmon,

⁴⁶me-yarqūn aur raqqūn us ilāqe samet jo yāfā ke muqābil hai.

⁴⁷afsos, dān kā qabīlā apne is ilāqe par qabzā karne meṅ kāmyāb na huā, is lie us ke mardoṅ ne lasham shahr par hamlā karke us par fath pāī aur us ke bāshindoṅ ko talwār se mār ḍālā. phir wuh ḳhud wahāṅ ābād hue. us waqt lasham shahr kā nām dān meṅ tabdīl huā. (dān un ke qabīle kā bāp thā.)

⁴⁸lekin yashūa ke zamāne meṅ dān ke qabīle ko us ke kunboṅ ke mutābiq mazkūrā tamām shahr aur un ke gird-o-nawāh kī ābādiyāṅ mil gaīṅ.

⁴⁹pūre mulk ko taqsīm karne ke bād isrāīliyoṅ ne yashūa bin nūn ko bhī apne darmiyān kuchh maurūsī zamīn de dī.

⁵⁰rab ke hukm par unhoṅ ne use ifrāīm kā shahr timnat-sirah de diyā. yashūa ne ḳhud is kī darḳhwāst kī thī. wahāṅ jā kar us ne shahr ko az sar-e-nau tāmīr kiyā aur us meṅ ābād huā.

⁵¹ġharz yih wuh tamām zamīneṅ haiṅ jo ilīazar imām, yashūa bin nūn aur qabīloṅ ke ābāī gharānoṅ ke sarbarāhoṅ ne sailā meṅ mulāqāt ke ḳhaime ke darwāze par qur'ā ḍāl kar taqsīm kī thīṅ. yūṅ taqsīm karne kā yih kām mukammal huā.