Read Romanian Cornilescu Reference Bible Cyrillic script – Библия Думитру Корнилеску Екзодул 24 Bible Online

Екзодул 24 - Romanian Cornilescu Reference Bible Cyrillic script – Библия Думитру Корнилеску bible

Екзодул 24

¹ஆண்டவர் மோசேயிடம், “ஆரோன், நாதாபு, அபிகூ ஆகியோருடனும், இஸ்ரயேலின் எழுபது பெரியோர்களுடனும் ஆண்டவரிடமாய் ஏறிவாருங்கள்: தொலையில் நின்று தொழுதுகொள்ளுங்கள்.

²மோசே மட்டும் ஆண்டவர் அருகில் வரலாம்: ஏனையோர் அருகில் வரலாகாது: மக்கள் அவரோடு மலை மேலேறி வரக்கூடாது” என்று கூறினார்.

³எனவே, மோசே மக்களிடம் வந்து ஆண்டவர் சொன்ன அனைத்து வார்த்தைகளையும் விதிமுறைகளையும் அறிவித்தார்.மக்கள் அனைவரும் ஒரே குரலாக: “ஆண்டவர் கூறிய வார்த்தைகள் அனைத்தையும் நாங்கள் செயல்படுத்துவோம்” என்று விடையளித்தனர்.

⁴மோசே ஆண்டவரின் வாக்குகள் அனைத்தையும் எழுதி வைத்தார்.அதிகாலையில் அவர் எழுந்து மலையடிவாரத்தில் ஒரு பலிபீடத்தையும், இஸ்ரயேலின் பன்னிரண்டு குலங்களுக்காகப் பன்னிரண்டு தூண்களையும் எழுப்பினார்.

⁵அவர் இஸ்ரயேல் மக்களின் இளைஞர்களை அனுப்பி வைக்க, அவர்களும் ஆண்டவருக்கு எரிபலிகள் செலுத்தினர்.மாடுகளை நல்லுறவுப் பலிகளாகவும் ஆண்டவருக்குப் பலியிட்டனர்.

⁶மோசே இரத்தத்தில் ஒரு பாதியை எடுத்துக் கலங்களில் விட்டு வைத்தார்.மறு பாதியைப் பலிபீடத்தின் மேல் தெளித்தார்.

⁷அவர் உடன்படிக்கையின் ஏட்டைஎடுத்து மக்கள் காதுகளில் கேட்கும்படி வாசித்தார். அவர்கள், “ஆண்டவர் கூறிய அனைத்தையும் நாங்கள் செயல்படுத்திக் கீழ்ப்படிந்திருப்போம்” என்றனர்.

⁸அப்போது மோசே இரத்தத்தை எடுத்து மக்கள்மேல் தெளித்து, “இவ்வனைத்து வார்த்தைக்குமிணங்க, ஆண்டவர் உங்களோடு செய்துள்ள உடன்படிக்கையின் இரத்தம் இதோ” என்றார்.

⁹பின்னர் மோசே, ஆரோன், நாதாபு, அபிகூ ஆகியோரும் இஸ்ரயேலின் எழுபது பெரியோர்களும் மேலேறிச் சென்று,

¹⁰இஸ்ரயேலின்கடவுளைக் கண்டார்கள்.அவர் பாதங்களின் கீழுள்ள தளம் நீல மணிக்கல் இழைத்த வேலைப்பாடு போன்றும், தௌளிய வான்வெளி போன்றும் இருந்தது.

¹¹இஸ்ரயேல் மக்களின் தலைவர்கள் மேல் அவர் கைவைக்கவில்லை.அவர்கள் கடவுளைக் கண்டனர்: உண்டு குடித்தனர்.

¹²ஆண்டவர் மோசேயை நோக்கி, “என்னிடம் மலைமேல் ஏறிவந்து இங்கேயே இரு.அவர்களுக்குக் கற்பிக்க நான் எழுதியுள்ள சட்டதிட்டங்கள் அடங்கிய கற்பலகைகளை உன்னிடம் அளிப்பேன்” என்றார்.

¹³மோசே தம் துணையாளர் யோசுவாவுடன் எழுந்து சென்றார்.பின் மோசே கடவுளின் மலையின்மேல் ஏறிச் செல்கையில்,

¹⁴அவர் பெரியோர்களை நோக்கி, “நாங்கள் உங்களிடம் திரும்பி வரும்வரை நீங்கள் இவ்விடத்திலேயே எங்களுக்காகக் காத்திருங்கள்.இதோ ஆரோனும், கூரும் உங்களோடு இருக்கிறார்கள்.வழக்கு ஏதுமிருப்பவன் அவர்களை அணுகட்டும்” என்றார்.

¹⁵பின்னர் மோசே மலைமேல் ஏறிச்செல்ல, ஒரு மேகம் மலையை மூடிற்று.

¹⁶ஆண்டவரின் மாட்சி சீனாய் மலைமேல் தங்கிற்று.மேகம் மலையை ஆறுநாள்களாக மூடியிருந்தது.ஏழாம் நாள் அவர் மேகத்தின் நடுவினின்று மோசேயை அழைத்தார்.

¹⁷மலை உச்சியில் ஆண்டவரது மாட்சியின் காட்சி, பற்றியெரியும் நெருப்புப்போன்று இஸ்ரயேல் மக்களின் கண்களுக்குத் தெரிந்தது.

¹⁸மோசே மேகத்தின் இடையே புகுந்து, மலைமேல் ஏறிச் சென்றார்.மோசே மலையில் நாற்பது பகலும் நாற்பது இரவும் தங்கியிருந்தார்.