Read Romanian Cornilescu Reference Bible Cyrillic script – Библия Думитру Корнилеску Иосуа 6 Bible Online

Иосуа 6 - Romanian Cornilescu Reference Bible Cyrillic script – Библия Думитру Корнилеску bible

Иосуа 6

¹இஸ்ரயேல் மக்களுக்கு அஞ்சி, எரிகோ இறுக்கமாக அடைக்கப்பட்டது.ஒருவரும் வெளியே வரவுமில்லை: உள்ளே போகவுமில்லை.

²கடவுள் யோசுவாவிடம்,”பார்! எரிகோவையும், அதன் மன்னனையும், அதன் வலிமை மிக்க போர்வீரர்களையும் உன் கையில் ஒப்படைத்துவிட்டேன்.

³போர்வீரர்களாகிய நீங்கள் அனைவரும் நகரை வளைத்துக் கொண்டு அதை ஒருமுறை சுற்றி வாருங்கள்.இவ்வாறு ஆறு நாள்கள் செய்யுங்கள்.

⁴ஏழு குருக்கள் கொம்புகளால் ஆகிய எக்காளங்களைப் பேழைக்கு முன் ஏந்திச் செல்லட்டும்.ஏழாம் நாளில் நீங்கள் நகரை ஏழுமுறை சுற்றி வாருங்கள்.அப்பொழுது குருக்கள் எக்காளங்களை முழங்கட்டும்.

⁵அவர்களுடைய எக்காளத்தின் நீண்ட முழக்கத்தை நீங்கள் கேட்டவுடன், நிங்கள் அனைவரும் பேரொலி எழுப்புங்கள்.அப்பொழுது நகரின் மதில்கள் இடிந்துவிழும்.உடனே மக்கள் அவரவர்களுக்கு முன்னே உள்ள பகுதிக்கு ஏறிச்செல்ல வேண்டும்” என்றார்.

⁶நூனின் மகனாகிய யோசுவா குருக்களை அழைத்து அவர்களிடம்,”உடன்படிக்கைப் பேழையைத் தூக்கிக் கொள்ளுங்கள்.ஏழு குருக்களும் ஏழு எக்காளங்களை ஆண்டவரது பேழைக்குமுன் ஏந்திக்கொண்டு போகட்டும்” என்று உரைத்துவிட்டு,

⁷மக்களை நோக்கி,”முன்னால் போங்கள்: நகரைச் சுற்றி வாருங்கள்.போர்வீரர்கள் ஆண்டவரது பேழைக்குமுன் செல்லட்டும்” என்றார்.

⁸இவ்வாறு யோசுவா மக்களுக்குக் கூறியவுடன் கொம்புகளால் ஆகிய ஏழு எக்காளங்களை ஏந்திய ஏழு குருக்கள் ஆண்டவரின் முன் எக்காளம் முழங்கிக்கொண்டே நடந்து சென்றனர்.உடன்படிக்கைப் பேழை அவர்களுக்குப் பின் சென்றது.

⁹முன்னணி வீரர் எக்காளங்களை ஊதிய குருக்களுக்குமுன் நடந்து சென்றனர்.பின்னணி வீரர் பேழைக்குப்பின் நடந்து சென்றனர்.எக்காளங்கள் தொடர்ந்து முழங்கின.

¹⁰யோசுவா மக்களை நோக்கி,”நான் சொல்லும் நாள்வரை நீங்கள் ஆரவாரம் செய்யாமலும், யாதோர் ஓசை எழுப்பாமலும் இருங்கள்.உங்கள் வாயினின்று ஒரு வார்த்தையும் புறப்படலாகாது.நான் கூறும்பொழுது ஆர்ப்பரியுங்கள்” என்று கட்டளையிட்டார்.

¹¹ஆண்டவரின் பேழை நகரை ஒருமுறை சுற்றி வந்தது.பின்னர் அவர்கள் பாளையத்திற்கு வந்து அங்கே இரவைக் கழித்தார்கள்.

¹²யோசுவா அதிகாலையில் எழுந்தார்.குருக்கள் ஆண்டவரின் பேழையைச் சுமந்து சென்றார்கள்.

¹³கொம்புகளாலான ஏழு எக்காளங்களை ஏந்திய ஏழு குருக்கள் ஆண்டவரின் பேழைக்குமுன் அவற்றை முழங்கிக்கொண்டே நடந்து சென்றனர்.முன்னணி வீரர் அவர்களுக்கு முன் நடந்து சென்றனர்.பின்னணி வீரர் ஆண்டவரின் பேழைக்குப்பின் நடந்து சென்றனர்.எக்காளங்கள் தொடர்ந்து முழங்கின.

¹⁴இரண்டாம் நாளிலும் அவர்கள் நகரை ஒருமுறை சுற்றி வந்தனர்.பின்னர் பாளையத்திற்குத் திரும்பினர்.இவ்வாறு ஆறுநாள்கள் செய்தனர்.

¹⁵ஏழாம் நாள் வைகறையில் அவர்கள் எழுந்து முன்போலவே நகரை ஏழுமுறை சுற்றி வந்தனர்.அன்று மட்டும் நகரை ஏழுமுறை சுற்றி வந்தனர்.

¹⁶ஏழாவது முறை குருக்கள் எக்காளங்களை முழங்குகையில் யோசுவா மக்களிடம்,”இப்பொழுது ஆரவாரம் செய்யுங்கள்.ஏனெனில் ஆண்டவர் உங்களிடம் நகரை ஒப்படைத்துவிட்டார்.

¹⁷நகரும் அதனுள் இருக்கும் அனைத்தும் ஆண்டவருக்குரியன.ஆகவே அவை அழிவுக்குரியன.விலைமாது இராகாபும் அவருடன் வீட்டில் உள்ள அனைவரும் உயிருடன் இருப்பர்.ஏனெனில் நாம் அனுப்பிய போர்வீரர்களை அவர் ஒளித்துவைத்தார்.

¹⁸நீங்கள் அழிந்து போகாதபடி கைப்பற்றிய பொருள்களிலிருந்து விலகி நில்லுங்கள்.நீங்கள் அழிவுக்குரியவற்றிலிருந்து எதையாவது கவர்ந்தால், இஸ்ரயேலின் பாளையத்தையும் அழிவுக்குரியதாக்கிக் கலங்கச் செய்வீர்கள்.

¹⁹எல்லா வெள்ளியும் பொன்னும் வெண்கல இரும்புப் பாத்திரங்களும் ஆண்டவருக்குப் புனிதமானவை.எனவே ஆண்டவரின் கருவூலத்தைச் சேரும்” என்றார்.

²⁰மக்கள் ஆரவாரம் செய்தனர்.எக்காளங்கள் முழங்கின.எக்காளத்தின் ஓசையைக் கேட்ட மக்கள் பேரொலி எழுப்பினர்.மதில் இடிந்து விழுந்தது.மக்கள் நகரினுள் நுழைந்தனர்.அவர்கள் ஒவ்வொருவரும் அவரவர்களுக்கு முன்னிருந்த பகுதியைத் தாக்கி நகரைக் கைப்பற்றினர்.

²¹நகரில் இருந்த அனைத்தையும் அழித்தனர்.ஆண்பெண், இளைஞர் முதியோர், ஆடு, மாடு கழுதை அனைத்தையும் வாள் முனையால் அழித்தனர்.

²²நாட்டை உளவு பார்த்த இரண்டுபேரிடம் யோசுவா,”விலைமாதின் வீட்டுக்குச் செல்லுங்கள்.அவருக்கு வாக்களித்தபடி அங்கிருந்து அப்பெண்ணையும், அவருக்குரிய அனைத்தையும் வெளியே கொண்டுவாருங்கள்” என்றார்.

²³உளவு பார்த்த இளைஞர்கள் சென்றனர்.இராகாபையும் அவர் தந்தையையும் தாயையும் அவர் சகோதரர்களையும் அவருக்கிருந்த அனைத்தையும் வெளியே கொண்டுவந்தனர்.அவருடைய உறவினர்களையும் அழைத்து வந்தனர்.அவர்களை இஸ்ரயேலின் பாளையத்திற்கு வெளியே தங்கச் செய்தனர்.

²⁴நகரையும் அதனுள் இருந்த அனைத்தையும் நெருப்பிலிட்டு எரித்தனர்.வெள்ளியையும், பொன்னையும், வெண்கல இரும்புப் பாத்திரங்களையும் மட்டுமே ஆண்டவரது வீட்டின் கருவூலத்தின் சேர்த்தனர்.

²⁵விலைமாது இராகாபையும் அவர் தந்தையின் வீட்டாரையும் அவரைச் சார்ந்த அனைவரையும் யோசுவா உயிருடன் காப்பாற்றினார்.அவர் இஸ்ரயேல் நடுவில் இன்றுவரை வாழ்கின்றார்.ஏனெனில் எரிகோவை உளவு பார்க்க அனுப்பப்பட்ட தூதர்களை அவர் ஒளித்துவைத்தார்.

²⁶அச்சமயம் யோசுவா எழுந்து,”எரிகோ என்னும் இந்நகரை மீண்டும் கட்டும் மனிதன் சபிக்கப்பட்டவன்.அவன் கடைக்கால் இடுகையில் தன் முதல் மகனையும், அதன் வாயிற்கால்களை இடுகையில் தன் கடைசி மகனையும் இழப்பான்” என்றார்.

²⁷ஆண்டவர் யோசுவாவுடன் இருந்தார்.அவரது புகழ் நாடு முழுவதும் பரவிற்று.