Read Romanian Cornilescu Reference Bible Cyrillic script – Библия Думитру Корнилеску Жудекэторий 13 Bible Online

Жудекэторий 13 - Romanian Cornilescu Reference Bible Cyrillic script – Библия Думитру Корнилеску bible

Жудекэторий 13

¹இஸ்ரயேல் மக்கள் ஆண்டவரின் பார்வையில் தீயதெனப்பட்டதை மீண்டும் செய்தனர்.ஆண்டவர் அவர்களைப் பெலிஸ்தியர் கையில் நாற்பது ஆண்டுகள் ஒப்படைத்தார்.

²சோராவைச் சார்ந்தவரும் தாண் குலத்தவருமான ஒருவர் இருந்தார்.அவர் பெயர் மனோவாகு.அவர் மனைவி மலடியாய் இருந்ததால், குழந்தை பெறவில்லை.

³ஆண்டவரின் தூதர் அப்பெண்ணுக்குத் தோன்றி அவரிடம்,”நீ மலடியாய் இருந்ததால் இதுவரை குழந்தை பெற்றெடுக்கவில்லை.ஆனால், இனி நீ கருவுற்று ஒரு மகனைப் பெற்றெடுப்பாய்.

⁴இப்பொழுது கவனமாயிரு! திராட்சை இரசமோ மதுபானமோ அருந்தாதே! தீட்டான எதையும் உண்ணாதே.

⁵ஏனெனில் நீ கருவுற்று ஒரு மகனைப் பெற்றெடுப்பாய்.சவரக் கத்தி அவன் தலைமீது படக்கூடாது.ஏனெனில் பையன் பிறப்பிலிருந்தே கடவுளுக்கென”நாசீர்” ஆக இருப்பான்.அவன் இஸ்ரயேல் மக்களைப் பெலிஸ்தியரின் கையிலிருந்து விடுவிக்கத் தொடங்குவான்” என்றார்.

⁶அப்பெண் தம் கணவரிடம் வந்து கூறியது:”கடவுளின் மனிதர் என்னிடம் வந்தார்.அவரது தோற்றம் கடவுளின் தூதரின் தோற்றம் போல் பெரிதும் அச்சத்திற்குரியதாக இருந்தது.அவர் எங்கிருந்து வந்தவர் என்று நான் அவரைக் கேட்கவில்லை.அவரும் எனக்குத் தம் பெயரை அறிவிக்கவில்லை.

⁷அவர் என்னிடம்,”இதோ! நீ கருவுற்று ஒரு மகனைப் பெற்றெடுப்பாய்.ஆகவே நீ திராட்சை இரசமோ மதுபானமோ அருந்தாதே.தீட்டான எதையும் உண்ணாதே.ஏனெனில் பையன் பிறந்த நாள் முதல் இறக்கும் நாள் வரை, கடவுளுக்கென நாசீராக இருப்பான்” என்றார்.”

⁸மனோவாகு ஆண்டவரை நோக்கி,”என் தலைவரே! நீர் அனுப்பிய கடவுளின் மனிதர் மீண்டும் எங்களிடம் வந்து, பிறக்கப்போகும் குழந்தைக்கு நாங்கள் என்ன செய்யவேண்டும் என்பதைக் கற்றுத் தரட்டும்” என்று கூறி வேண்டினார்.

⁹கடவுள் மனோவாகின் வேண்டுதலைக் கேட்டார்.கடவுளின் தூதர் மீண்டும் அப்பெண்ணிடம் வந்தார்.அப்போது அவர் வயலில் அமர்ந்திருந்தார்.அவருடைய கணவர் மனோவாகு அவருடன் இல்லை.

¹⁰அவர் தம் கணவரிடம் விரைந்து ஓடிச் சென்று அவரிடம்,”இதோ! அன்று என்னிடம் வந்த மனிதர் எனக்குத் தோன்றியுள்ளார்” என்று தெரிவித்தார்.

¹¹மனோவாகு எழுந்து தம் மனைவியின் பின்னே சென்றார்.அவர் அம்மனிதரிடம் வந்து,”இப்பெண்ணிடம் பேசிய மனிதர் நீர்தாமா?” என்று கேட்டார்.அதற்கு அவர்,”நான் தான்” என்றார்.

¹²மனோவாகு”உம் வார்த்தைகள் நிறைவேறும்பொழுது பையனின் நெறிமுறையும் செயலும் எப்படியிருக்கும்?” என்று கேட்டார்.

¹³ஆண்டவரின் தூதர் மனோவாகிடம்,”நான் இப்பெண்ணிடம் சொன்ன அனைத்தையும் அவள் கவனமாய்க் கடைப்பிடிக்கட்டும்.

¹⁴திராட்சைக் கொடியிலிருந்து வரும் எதையும் அவள் உண்ணக்கூடாது.திராட்சை இரசமோ மதுபானமோ அவள் அருந்தக்கூடாது.தீட்டான எதையும் அவள் உண்ணக்கூடாது.நான் அவளுக்குக் கட்டளையிட்ட அனைத்தையும் அவள் கடைப்பிடிக்கட்டும்” என்றார்.

¹⁵மனோவாகு ஆண்டவரின் தூதரிடம்,”தயவு கூர்ந்து சற்று நேரம் காத்திரும்.உமக்காக ஓர் ஆட்டுக்குட்டியைச் சமைக்கின்றோம்” என்றார்.

¹⁶ஆண்டவரின் தூதர் மனோவாகிடம்,”நீ என்னைக் காத்திருக்க வைத்தாலும், நான் உனது உணவை உண்ண மாட்டேன்.நீ ஒரு எரி பலியைச் செலுத்துவதாக இருந்தால், அதை ஆண்டவருக்குச் செலுத்து” என்றார்.ஏனெனில் மனோவாகு அவர் ஆண்டவரின் தூதர் என்பதை அறியவில்லை.

¹⁷மனோவாகு ஆண்டவரின் தூதரிடம்,”உமது பெயர் என்ன? உம் வார்த்தைகள் நிறைவேறும் பொழுது நாங்கள் உம்மைப் பெருமைப்படுத்துவோம்” என்றார்.

¹⁸ஆண்டவரின் தூதர் அவரிடம்,”எனது பெயரை ஏன் கேட்கின்றாய்? அது வியப்புக்கு உரியது” என்றார்.

¹⁹மனோவாகு ஓர் ஆட்டுக்குட்டியைக் கொண்டுவந்து உணவுப்படையலுடன் பாறைமீது ஆண்டவருக்கு ஒப்புக்கொடுத்தார்.அப்பொழுது, மனோவாகும் அவர் மனைவியும் காணும் வண்ணம் ஆண்டவர் வியப்பானதொன்றைச் செய்தார்.

²⁰பலிபீடத்திலிருந்து தீப்பிழம்பு வான்நோக்கி மேல் எழும்பியபோது, அப்பிழம்பில் ஆண்டவரின் தூதரும் மேல் நோக்கிச் சென்றார்.மனோவாகும் அவர் மனைவியும் அதைப்பார்த்து முகம் தரைப்பட விழுந்தனர்.

²¹ஆண்டவரின் தூதர் மனோவாகிற்கும் அவர் மனைவிக்கும் மீண்டும் தோன்றவில்லை.மனோவாகு அவர் ஆண்டவரின் தூதர் என்பதை அறிந்து கொண்டார்.

²²மனோவாகு தம் மனைவியிடம்,”நாம் செத்தோம்.ஏனெனில் நாம் கடவுளைப் பார்த்து விட்டோம்” என்றார்.

²³அவர் மனைவி அவரிடம்,”ஆண்டவர் நம்மைக் கொல்வதாயிருந்தால் நம் கையிலிருந்து எரிபலியையும் உணவுப் படையலையும் ஏற்றிருக்கமாட்டார்: இவற்றை எல்லாம் காட்டியிருக்க மாட்டார்: இதை நமக்கு இப்போது அறிவித்திருக்கவும் மாட்டார்” என்றார்.

²⁴அப்பெண் ஒரு மகனைப் பெற்றெடுத்து அவனுக்குச் சிம்சோன் எனப் பெயரிட்டார்.பையன் வளர்ந்து பெரியவனானான்.ஆண்டவர் அவனுக்கு ஆசி வழங்கினார்.

²⁵சோராவுக்கும், எசுத்தாவேலுக்குமிடையே அவன் இருக்கும்போது தான் ஆண்டவரின் ஆவி அவனைத் தூண்டத் தொடங்கியது.