Read Romanian Cornilescu Reference Bible Cyrillic script – Библия Думитру Корнилеску Жудекэторий 8 Bible Online

Жудекэторий 8 - Romanian Cornilescu Reference Bible Cyrillic script – Библия Думитру Корнилеску bible

Жудекэторий 8

¹எப்ராயிம் மக்கள் கிதியோனிடம்,”என்ன, எங்களுக்கு இப்படிச் செய்து விட்டீரே? நீர் மிதியானியருக்கு எதிராகப் போரிடச் சென்றபொழுது எங்களைக் கூப்பிடவில்லையே!” என்று சொல்லி அவர்கள் அவரோடு தீவிரமாக வாக்குவாதம் செய்தனர்.

²அவர் அவர்களிடம்,”நான் இப்பொழுது உங்களைவிட என்ன சாதித்து விட்டேன்? எப்ராயிமின்இரண்டாம் திராட்சைப்பழப் பறிப்பு அபியேசரின் முதல் பறிப்பைவிடச் சிறந்ததல்லவா?

³ஆண்டவர் மிதியானியரின் சிற்றரசர்கள் ஒரேபையும் செயேபையும் உங்கள் கையில் ஒப்படைத்தார்.நான் உங்களைவிட என்ன சாதித்துவிட முடிந்தது?” என்று சொன்னதும், அவர்மீது அவர்கள் கொண்ட சினம் தணிந்தது.

⁴கிதியோன் யோர்தானுக்கு வந்து அதைக் கடந்தார்.அவரும் அவரோடு இருந்த முந்நூறு பேரும் களைப்புற்றிருந்தாலும் துரத்திச் சென்றனர்.

⁵அவர் சுக்கோத்து மக்களிடம்,”என் பின்னே வரும் இவர்களுக்கு உணவு கொடுங்கள்.ஏனெனில் இவர்கள் களைத்திருக்கின்றனர்.நான் மிதியானிய அரசர்களான செபாகு.சல்முன்னா என்பவர்களைத் தொடர்ந்து துரத்திக்கொண்டு செல்கிறேன்” என்றார்.

⁶“செபாகையும் சல்முன்னாவையம் நீ பிடித்துவிட்டாயா? உமது படைக்கு நாங்கள் ஏன் உணவு கொடுக்கவேண்டும்?” என்று சுக்கோத்தின் மக்கள் கேட்டனர்.

⁷கிதியோன்,”அவ்வாறே ஆண்டவர் செபாகையும் சல்முன்னாவையும் என்கையில் ஒப்படைக்கும்பொழுது நான் உங்கள் உடலைப் பாலைநில முட்களாலும் நெருஞ்சிகளாலும் கிழப்பேன்” என்றார்.

⁸அங்கிருந்து பெனுவேலுக்குச் சென்று இதேபோல அவர்களிடமும் கேட்டார்.சுக்கோத்து மக்கள் பதிலளித்தது போலவே, பெனுவேல் மக்களும் அவருக்குப் பதிலளித்தனர்.

⁹பெனுவேல் மக்களிடம்,”நான் வெற்றியுடன் திரும்பி வரும்பொழுது இந்தக் கோபுரத்தை இடித்துத் தள்ளுவேன்” என்றார்.

¹⁰செபாகும் சல்முன்னாவும் கற்கோரில் இருந்தனர்.பதினைந்தாயிரம் பேர் கொண்ட படையும் அவர்களோடு இருந்தது.அவர்கள் அனைவரும் கிழக்கில் வாழும் மக்களின் படை அனைத்திலிருந்தும் எஞ்சி இருந்தவர்கள்.ஏற்கெனவே ஓர் இலட்சத்து இருபதாயிரம் போர் வீரர் மடிந்திருந்தனர்.

¹¹கிதியோன் கூடாரங்களில் வாழ்வோரின் பாதைவழியாக நோபாவுக்கும் யோக்பகாவுக்கும் கிழக்காகச் சென்று, எதிர்பாராத நேரத்தில் படையைத் தாக்கினார்.

¹²செபாகும் சல்முன்னாவும் தப்பி ஓடினர்.அவர் அவர்கள் பின்னே துரத்திச் சென்று மிதியானின் இரண்டு அரசர்களான செபாகையும் சல்முன்னாவையும் பிடித்தார்.படைமுழுவதையும் சிதறடித்தார்.

¹³யோவாசின் மகன் கிதியோன் போரிலிருந்து எரேசு மேட்டின் வழியாகத் திரும்பிக்கொண்டிருந்தார்.

¹⁴அவர் சுக்கோத்தைச் சார்ந்த ஓர் இளைஞனைப் பிடித்து அவனை விசாரித்தனர்.அவன் அவருக்குச் சுக்கோத்தின் தலைவர்களும் பெரியோர்களுமாக எழுபத்தேழுபேரின் பெயர்களை எழுதிக்கொடுத்தான்.

¹⁵அவர் சுக்கோத்து மக்களிடம் வந்து,”இப்பொழுதே செபாகையும் சல்முன்னாவையும் பிடித்துவிட்டாய்? களைப்புற்ற உன் வீரர்களுக்கு நாங்கள் ஏன் உணவு கொடுக்க வேண்டும் என்று கூறி என்னைப் பழித்தீர்களே! அந்தச் செபாகையும் சல்முன்னாவையும் இதோ பாருங்கள்” என்று கூறினார்.

¹⁶பாலைநில முட்களையும் நெருஞ்சிகளையும் கொண்டு நகரின் பெரியோர்களை வதைத்துச் சுக்கோத்து மக்களுக்குப் பாடம் புகட்டினார்.

¹⁷பெனுவேலின் கோபுரத்தை இடித்து நகரின் மக்களைக் கொன்றார்.

¹⁸செபாகிடமும் சல்முன்னாவிடமும்,”நீங்கள் போரில் கொன்ற மனிதர்கள் எத்தகையோர்?” என்று கேட்டார்.அவர்கள்,”உம்மைப் போல் அவர்கள் ஒவ்வொருவரும் அரச மைந்தரைப் போல் தோற்றமளித்தனர்” என்றனர்.

¹⁹அவர்,”அவர்கள் என் சகோதரர்கள்,”என் தாயின் மக்கள்: நீங்கள் அவர்களை உயிரோடு விட்டிருந்தால் நான் உங்களைக் கொல்லமாட்டேன்.இது வாழும் ஆண்டவர் மீது ஆணை!” என்றார்.

²⁰அவர் தம் தலைமகன் எத்தேரிடம்,”எழு! அவர்களைக் கொல்” என்றார்.இளைஞன் தன் வாளை உருவவில்லை.ஏனெனில் அவன் இன்னும் சிறுவனாக இருந்ததால் அஞ்சினான்.

²¹செபாகும் சல்முன்னாவும்,”நீயே எழுந்து எங்களைத் தாக்கு.ஆளைப்போன்றே அவனது ஆற்றல்” என்றனர்.கிதியோன் எழுந்து செபாகையும் சல்முன்னாவையும் கொன்றார்.அவர்களது ஒட்டகங்களின் கழுத்தில் இருந்த இளம்பிறை அணிகளை எடுத்துக் கொண்டார்.

²²இஸ்ரயேலர் கிதியோனிடம்,”எங்களை ஆள்வீர்! நீரூம் உம் மகனும், உம் மகனின் மகனும் ஆள்வீர்களாக! ஏனெனில் நீர் மிதியானியரின் கையிலிருந்து எங்களை விடுவித்தீர்!” என்றனர்.

²³கிதியோன் அவர்களிடம்,”நான் உங்களை ஆளமாட்டேன்.என் மகனும் உங்களை ஆளமாட்டான்.ஆண்டவரே உங்களை ஆள்வார்” என்றார்.

²⁴அவர் அவர்களிடம்,”நான் உங்களிடம் ஒரு வேண்டுகோள் விடுக்கின்றேன்.நீங்கள் ஒவ்வொரு வரும் கொள்ளையடித்தவற்றிலிருந்து காதணியை எனக்குக் கொடுங்கள்” என்றார்.ஏனெனில் இஸ்மயேலரான மிதியானியர் தங்கக் காதணிகள் அணிவது வழக்கம்.

²⁵இஸ்ரயேலர்,”நாங்கள் உறுதியாகச் செய்வோம்” என்றனர்.அவர்கள் ஒரு துணியை விரித்தனர்.அதன்மீது ஒவ்வொருவனும் தான் கொள்ளையடித்தவற்றிலிருந்து காதணியைப் போட்டான்.

²⁶அவர் கேட்ட தங்கக் காதணிகளின் எடை ஆயிரத்து எழுநூறு செக்கேல் ஆகும்.அத்தோடு இளம்பிறை அணிகள், தொங்கணிகள், மிதியான் அரசர்களின் பட்டாடைகள், அவர்களுடைய ஒட்டகங்களின் கழுத்தின்மீது இருந்த அணிகலன்கள் ஆகியவற்றையும் கொடுத்தனர்.

²⁷கிதியோன் அவற்றைக் கொண்டு ஓர் ஏப்போதைச் செய்து தம் நகராகிய ஒபிராவில் அதை நிறுவினார்.இஸ்ரயேலர் அனைவரும் அங்கே வேசித்தனம் செய்தனர்.கிதியோனுக்கும் அவர் குடும்பத்தாருக்கும் அது ஒரு கண்ணியாக இருந்தது.

²⁸மிதியானியர் இஸ்ரயேல் மக்கள் முன்னிலையில் தாழ்த்தப்பட்டனர்.அவர்களால் தலைதூக்க முடியவில்லை.கிதியோனின் காலத்தில் நாற்பது ஆண்டுகள் நாட்டில் அமைதி நிலவியது.

²⁹யோவாசின் மகன் எருபாகால் திரும்பிச்சென்று தம் வீட்டில் வாழ்ந்தார்.

³⁰கிதியோனுக்கு அவருடைய சொந்த மக்கள் எழுபது பேர்.ஏனெனில் அவருக்குப் பல மனைவியர் இருந்தனர்.

³¹செக்கேமிலிருந்த அவருடைய வைப்பாட்டி அவருக்கு ஓர் ஆண்மகனைப் பெற்றெடுத்தாள்.அவர் அவனுக்கு அபிமெலக்கு என்று பெயரிட்டார்.

³²யோவாசின் மகன் கிதியோன் மிகுந்த வயதாகி இறந்தார்.அவரை அபியேசருக்குரிய ஒபிராவில் அவர் தந்தை யோவாசின் கல்லறையில் அடக்கம் செய்தனர்.

³³கிதியோன் இறந்த பின் இஸ்ரயேல் மக்கள் மீண்டும் பாகாலிடம் திரும்பி வேசித்தனம் செய்தனர்.பாகால் பெரித்ததைத் தங்கள் தெய்வமாக வைத்துக்கொண்டனர்.

³⁴தங்களைச் சூழ்ந்து வாழ்ந்த எதிரிகளின் கையிலிருந்து விடுவித்த தங்கள் கடவுளாகிய ஆண்டவரை இஸ்ரயேல் மக்கள் நினைவிற் கொள்ளவில்லை.

³⁵கிதியோன் என்ற எருபாகால் இஸ்ரயேலுக்குச் செய்த அனைத்து நன்மைகளுக்கும் தக்க நன்றியை அவர்கள் அவரது வீட்டுக்குக் காட்டவில்லை.