Read Rongmei Naga THAUREYMEI 36 Bible Online

THAUREYMEI 36 - Rongmei Naga bible

THAUREYMEI 36

¹Mi hei Esau (Edom) kikta nunc e.

²Esau hei Kanaanmei luc nunc ta kaw the: Hittimei Elon rui puanhmei Ada, Hivimei Zibeon rui puanhmei Ana nac aluhpui Oholibama;

³khatni Ismael rui puanhmei Nebaiot tanpui Basemat hei nunc hei e.

⁴Ada rui Eliphaz puanc e; Basmat rui Reuel puanc e;

⁵khatni Oholibama rui Jeus, Jalam, khatni Kora puanc e. Mi hei Kanaan kandic khou rui puanhmei Esau nac nunc the.

⁶Mi tangv Esau rui kanow nunc, kanac mpouh aluh nunc, kakai khou bammei maansei guay Kanaan kandic khou rui lungc patloumei katuang kiruai guay khatni katuang puatchei guay phungc lana kakai nac Jakob khou rui tatpatna kandih baih thangc tat kan the.

⁷Kamei rui tatpatmei lam thu Jakob lev lungc bammei kandic tei chan mak khe; kaney tuang kiruai geic langv tina lungc kariu bam khang chan mak khe.

⁸Kumna Esau tei Edom tuang chyngramv khou lungc tat kan the.(Esau hei Edom twna ni thay e.)

⁹Mi nunc hei Esau kikta, Edommei lungc pat reymei pupouc nunc e.

¹⁰Mi hei Esau nac nunc the, Esau now Ada rui Eliphaz khatni kanow Basemat rui Reuel puanc e.

¹¹Eliphaz rui Teman, Omar, Zepho Gatam khatni Kenaz puancdat re.

¹²Timna hei Esau rui puanhmei Eliphaz tuang laamvnow e, kamei rui Amalek puanclou e. Mi nunc hei Esau now Ada rui puanhmei e.

¹³Reuel rui Nahat, Zera, Shamma, khatni Miza puanc e. Mi hei Esau now Basemat rui puanhmei e. Gatam, khatni Kenaz ta puanclou e. Laamvnow akhat, Timna rui ni mpouh akhat, Amalek ta puanclou e.

¹⁴Zibeon nac Ana rui puanhmei Esau now Oholibama rui mpouh gaanv thumh: Jeus, Jalam, khatni Kora ta puanclou e.

¹⁵Mi hei Esau khou rui lungc keymei kaikhwang nunc e. Esau nac mpouh nareimei Eliphaz khou rui Teman, Omar, Zepho Kenaz,

¹⁶Kora, Gatam, khatni Amalek kaikhwang nunc hei lungc guang the. Mi nunc hei Esau now Ada khou rui lungc guangmei nunc e.

¹⁷Esau nac mpouh Reuel khou rui Nahat, Zera, Shamma, khatni Miza kaikhwang nunc hei lungc guang the. Mi nunc hei Esau now Basemat rui puancloumei nunc e.

¹⁸Esau now Oholibama khou rui Jeus, Jalam, khatni Kora kaikhwang hei cha pat the. Mi nunc hei Esau now Ana nacpui Oholibama khou rui guangmei kapy nunc the.

¹⁹Mi kaikhwang nunc hei Esau(Edom twna ni thay e) kikta e, kaniw hei kapy nunc the.

²⁰Edom khou dilungmei swna lungc bammei nunc tuang kaikhwang nunc tei Horimei Seir rui Lotan, Sobal, Zibeon Ana

²¹Dishon, Ezer khatni Dishan hei guay the.

²²Lotan khou rui Hori khatni Heman kaikhwang hei lungc guang e. (Lotan tanpui Timna twmeipui akhat nai khwan e.)

²³Sobal khou rui Alvan, Manahat, Ebal, Sepho, khatni Onam kaikhwang lungc pat khwan e.

²⁴Zibeon nac mpouh gaanv nei, Aia khatni Ana twmei puanc khwan e. (Mi Ana hei kapu tuang kuanniam gaengc bam khou tazikramv khou suhmei duipuakkai pang phutowmeipu tei e.)

²⁵Ana rui Dishon khatni Oholibama kanac aluh akhat puanc e.

²⁶Kumna Dishon rui Hemdan, Esban, Ethran khatni Cheran puanc e.

²⁷Ezer khou rui Bilhan, Zaavan, khatni Akan kaikhwang lungc guang khwan e.

²⁸Dishan khou rui Uz khatni Aran kaikhwang lungc guang khwan e.

²⁹Mi hei Horimei kaikhwang Edom kandic khou lungc bammei nunc e. Lotan, Sobal, Zibeon, Ana

³⁰Dishon, Ezar, khatni Dishan hei guay the. Mi hei Seir ramv khou lunghmei Horimei kapy nunc e.

³¹Isarael khou guangh akhat na sini nai makpui ganv khou mi guangc nunc hei Edom kandic khou guangh swna lungc bam khwan e.

³²Beor nac mpouh Bela rui Edom khou guanghtuna bam khwan e, kaguanghdic tuang kaidai zanc rui Dinhaba e.

³³Bela theic kan pwkhou Bozramei Zera nac mpouh Jobab rui guangh swdat khwan e.

³⁴Jobab theic kan pwkhou Temanimei Husham rui kaphaan lyndat khwan e.

³⁵Husham thei kan pwkhou, Moab kandic khou lungc bammei Midianmei ta rihngamloumeipu Bedad nac mpouh Hadad rui guanghtu dat khwan e. Katuang kaidai zanc rui Avit tw e.

³⁶Hadad theic kan pwkhou Masrekamei Samla rui guangh tudat the.

³⁷Samla theic kan pwkhou Euphratis duithuak ramv khou lunghmei Rehobotmeipu Shaul rui guanghtu dat the.

³⁸Shaul rui theic kan pwkhou Akbor nac mpouh Baalhanan rui guanghtu dat the.

³⁹Baalhanan rui theic kan pwkhou Hadad rui guanghtu dat the, Katuang kaidai zanc kiu thu Pau e. Kanow zanc rui Mehetabel tw e, kamei hei Mezahap tou e.

⁴⁰Mi nunc hei Esau khou rui lungc guangmei kaikhwang khatni kabamv zanc pang the, Timna, Alva Jethet,

⁴¹Oholibama, Ela, Pinon

⁴²Kenaz, Teman, Mibzar,

⁴³Magdiel khatni Iram the; mi guay hei Esau khou rui guangmei Edommei tuang kaikhwang nunc e. Kaniw rui lunghmei kabamv zanc khou phuaklou the.