Read Rongmei Naga THAUREYMEI 5 Bible Online

THAUREYMEI 5 - Rongmei Naga bible

THAUREYMEI 5

¹Mi hei Adam kikta chak keymei lwan the. (Ravguangc rui maansei kasiamh khou kata luicna damclou the.

²Kamei rui ntumei khatni nggaanvmei swna damclouna, kaney ta suaihiamlou the, kumna kaney ta “Maansei” twna kaw the.)

³Adam kamei tingkwm 130 tangc pwkhou kamei kumhmei nah mpouh akhat lungc guang the, kumna kazanc Set twna kaw the.

⁴Mi tangv tei, Adam tei tingkwm 800 lungclou dat re. Kanac mpouh aluh baih baihmei ni puanclou e,

⁵kumna katingkwm 930 khou kamei theic kan the.

⁶Set tei katingkwm 105 tangc pwkhou nah mpouh akhat, Enos ta puanclou e;

⁷mi tangv tei tingkwm 807 lungclou dat re. Kamei mpouh aluh baih baihmei ni puanclou datna

⁸katingkwm 912 khou kamei theic kan the.

⁹Enos tei katingkwm 90 khou nah mpouh akhat, Kenan ta puanclou e,

¹⁰kumna mi tangv tei tingkwm 815 lungclou dat re. Kamei mpouh aluh baih baihmei ni puanclouna

¹¹katingkwm 905 khou kamei theic kan the.

¹²Kenan tei katingkwm 70 tangc pwkhou kanac mpouh gaanv khat Mahalalel ta puanclou e.

¹³Mi tangv tei kamei tingkwm 840 lungclou dat re. Kanac mpouh aluh baih baihmei ni puanclouna

¹⁴katingkwm 910 khou kamei theic kan the.

¹⁵Mahalalel tei katingkwm 65 khou nah mpouh akhat Jared ta puanclou e.

¹⁶Mi tangv tei tingkwm 830 lungclou dat re. Kamei mpouh aluh baih baihmei ni puanclouna

¹⁷katingkwm 895 khou kamei theic kan the.

¹⁸Jared tei katingkwm 162 khou nah mpouh akhat Enok ta puanclou e.

¹⁹Mi tangv tei tingkwm 800 lungclou dat re. Kamei mpouh aluh baih baihmei ni puanclouna

²⁰Katingkwm 962 khou kamei theic kan the.

²¹Enok tei katingkwm 65 tangc pwkhou nah mpouh akhat, Methusela ta puanclou e.

²²Mi tangv tei rui Enok Ravguangc lev lamluaina tingkwm 300 lungclou dat re, kumna mpouh aluh baih baihmei ni puanclou e.

²³Kamei tingkwm 365 lungclou duc e.

²⁴Kamei kapanty khou Ravguangc lev lamluaina lungclouna mi tangv tei kamei bam mak khe, kalam thu Ravguangc rui kata laa tat kan the.

²⁵Methusela tei tingkwm 187 khou nah mpouh akhat Lamek ta puanclou e.

²⁶Mi tangv tei kamei tingkwm 782 lungclou dat re. Kamei nah mpouh aluh baih baihmei ni puanclou datna

²⁷katingkwm 969 khou kamei theic kan the.

²⁸Lamek tei tingkwm 182 khou nah mpouh akhat puanclou e.

²⁹“Ravguangc rui siangloumei kandic kahak khou hei rui, aniu rui taanc ranvna bammei khou rui mi nac hei rui aniu ta tiduaklou puni the,” twna kamei rui kazanc Nouha twna phuaklou the.

³⁰Mi tangv tei Lamek tingkwm 595 lungclou e. Kamei nah mpouh aluh baih baihmei ni puanclouna

³¹katingkwm 777 khou kamei theic kan the.

³²Nouha tei katingkwm 500 tangv nah mpouh gaanv thumh Shem, Ham, khatni Japhet ta puanclou e.