Read Rongmei Naga 1 KINCHAKH 20 Bible Online

1 KINCHAKH 20 - Rongmei Naga bible

1 KINCHAKH 20

¹Guanh guang datmei lauphwnswan khou, guangh nunc rui rihchaeng tat raph rap bammei ganv khou, Joab rui rihmei nunc ta nduanghna Ammonmei kandic khou rih key the tiki guangh David thu Jerusalem khou bam khwan e. Kaniw rui Rabba kaidai dingbinna adowna mi kaidai tei swmutlou the.

²Ammonmei tuang ravmaengc Milkom py khou kilogram 34 dou nritmei kachaekc tuang pyrun nai khwan e. Mi khou tei kunghmei tauc naimei tei David rui laana katuang pyrun khou lou the. Mi kaidai khou tei rui ramh mpeyna ni laaguang khwan e.

³Kamei rui mi kaidaimei nunc ta tei nym lana thinggabaeng, ntanh lausuakphu, khatni nrih tisinna taanv titaanc khwan e. Ammonmei tuang kaidai baih baihmei khou meic guay ta ni hei tei kumcna swlou khwan e. Mi tangv tei kamei nunc ta nduanghna Jerusalem khou guang dat the.

⁴Mi tangv tei Gezer khou Philistinmei lev rihthau dat the. Mi ganv khou tei Hushamei Sibbekai rui liantuangh Sippai twmeipu ta swluaina Philistinmei ta rih ngam the.

⁵Philistinmei lev rih akhat thau dat khwan e kumna Jair nac mpouh Elhanan rui Gatmei Goliat, katuang buy guay tambangc di daihmeipu, kainac Lami ta swluai khwan e.

⁶Gat khou rih akhat thau dat khwan e. Mi kaidai khou tei kaphay kabaanczung charuk charukmei liantuangh nai khwan e. Kamei tei rey nungc tuang liantuangh kik khwan e.

⁷Kamei rui Isaraelmei ta khaengc tina David chana Shamma nac mpouh Jonathan rui mipu ta tei swluai the.

⁸David khatni kamei nunc rui swluai kanmei mi liantuangh gaanv thumh hei Gatmei liantuangh nunc kikta nunc e.