Read Rongmei Naga 1 KINCHAKH 23 Bible Online

1 KINCHAKH 23 - Rongmei Naga bible

1 KINCHAKH 23

¹David kamei gaanvthaih sih guang pwkhou, kamei rui kanac mpouh Solomon ta Isaraelmei guangc tiswlou the.

²Guangh David rui Isaraelmei kapy swmei guay, amuh guay khatni Levimei guay ta kaw guang kaduai the.

³Levimei nggaanvmei tingkwm 30 khou rui karuc ku kanmei guay sing phuc the. Kaniw kaguayna tei 38,000 tangc the.

⁴Guangh rui kaniw gaanv 24,000 ta Ravkai taanv khou tei taanh khang langlou the, 6000 ta latlu pat mak khang zauh khang khatni pat maanvmei tuang nai e thei katiamh khang lou the,

⁵4000 rui rigaanv khang lou the, khatni 4000 rui guangh rui tiiloumei ludow na guay sinna RINGHPOUC ta thuanc bam khang lou the.

⁶David rui Levimei ta tei puinac theilayna kalangv kathumh khang tamclou the. Mi kiu thu Gershon, Kohat, khatni Merari hei e.

⁷Gershon tei kanac mpouh gaanvnei: Ladan khatni Shimei nai khwan e.

⁸Ladan tei kanac mpouh gaanv thumh— Jehiel, Zetham, khatni Joel nai khwan e.

⁹Kaniw guay hei Ladan khou rui lungc keymei puinac nunc tuang kapy nunc e. (Shimei tei ni kanac mpouh gaanv thumh— Shelomot, Haziel, khatni Haran nai khwan e.)

¹⁰Shimei tei kanac mpouh gaanv padeih: gaanvthaihmei khou rui thauna Jahat, Zina, Jeus, khatni Beria nai khwan e.

¹¹Jeus khatni Beria tei kaney kikta nai geic rap mak ge, kum tina kaney ta puinac khat khang chak kariulou the.

¹²Kohat tei kanac mpouh gaanv padeih— Amram, Izhar, Hebron, khatni Uzziel nai khwan e.

¹³Kanac gaanvthaihmei Amram hei Aron lev Mousi pu e. (Aron khatni kakikta guay ta tei nthanmei puat sinsw khang reic patlou the. Agaw nteimei, RINGHPOUC siamruai swmei, khatni kazanc khou rui meic nunc khou suaihiamloumei taanv guay hei kaniw tuang thouc khwan e.

¹⁴Tiki Ravguangc mei Mousi nac mpouh nunc ta ni Levimei pang khou kazauhlou khwan e.)

¹⁵Mousi tei kanac mpouh gaanvnei, Gershom lev Eliezar nai khwan e.

¹⁶Gershom nac mpouh pang khou kapy swmei rui Shebuel khwan e.

¹⁷Eliezar tei kanac mpouh gaanv khat Rehabia na puanc khwan e. Rehabia tei thu kakikta mpeyna nai dat khwan e.

¹⁸Kohat nac mpouh kaneimei— Izhar tei kanac mpouh gaanv khat— Shelomit nai khwan e. Kamei hei kakai puinacmei tuang kapy the.

¹⁹Kohat nac mpouh gaanv thumhmei Hebron tei kanac mpouh gaanv padeih: Jeria, Amaria, Jehaziel, khatni Jekameam nai khwan e.

²⁰Kohat nac mpouh padeihmei Uzziel tei kanac mpouh gaanvnei, Mika lev Isshia nai khwan e.

²¹Merari tei kanac mpouh gaanvnei, Mahli lev Mushi nai khwan e. Mahli tei ni kanac mpouh gaanvnei— Eleazar lev Kis nai khwan e.

²²Eleazar tei kanac mpouh maekna aluh nunc na puanclou khwan e. Kanac aluh nunc tei Kis nac nunc now sw dat khwan e.

²³Merari nac mpouh kaneimei— Mushi tei kanac mpouh gaanv thumh— Mahli, Eder, khatni Jeremot puanclou khwan e.

²⁴Mi hei Levi kiktamei puinac swna meic kathuicna zanc hyloumei kiu the. Kakiktamei, tingkwm 20 rucmei guay RINGHPOUC tuang Ravkai khou kaniw thouc nai the.

²⁵David rui sa the, “Isarael Racguangc RINGHPOUC rui kamei nunc khou nchu-nzaenghmei tiilou the, kumna kamei kahak Jerusalem khou tingsaengzaeng lungc bam puni the.

²⁶Kumna RINGHPOUC ta kalummei pheykai khatni mi khou tei sinswmei na guay tei Levimei nunc rui puanc kalaic dat bam khang tei kage maek khe.”

²⁷David rui nkhamhmei swna kadylou duhmei theilayna tingkwm 20 tanghmei Levimei guay tei taanv sinsw khang zanh chanc khwan the,

²⁸kumna kaniw khang tei kabangc khoumei taanv guay hei tiilou khwan the: Aron kikta amuh guay ta kalummei taanv khou nkhavloumei, kaimav khatni kailangv guay tei sigay zaucloumei, nthanmei puat guay tei swtanac makna loumei,

²⁹Ravguangc khang katloumei ntyan twmei thu— ntyan buay, khay lou makmei ntyan dwm, rawloumei ntyan puatkat, Olive thauc loumei ntyan buay kaniw thouc swmei; Ravkai tuang puatkat guay karith nthaumei;

³⁰lauthwan tingzyn RINGHPOUC ta thuanhmei hei guay hei e.

³¹Mi hei Sabbath nungc khaengmei khou, bw thanh Ngai khou, khatni baih baihmei ngai guay khou taanc the. Levimei thouc phungc nimei meic sing tei hei zu nina e twmei kariak swna tat khang kasiamhlou the. RINGHPOUC ta kalum bam nimei taanv tei Levimei thouc khang tiilou the.

³²RINGHPOUC ta kalummei pheykai khatni Ravkai khou tei kaniw thouc sw khang tiilou the. Aron kiktamei rui kalummei tuang taanv taanhmei khou tei nkhavmei tei kaniw thouc the.