Read Rongmei Naga 1 KINCHAKH 24 Bible Online

1 KINCHAKH 24 - Rongmei Naga bible

1 KINCHAKH 24

¹Mi hei Aron kiktamei kang the. Aron tei kanac mpouh gaanv padeih: Nadab, Abihu, Eleazar, khatni Ithamar nai khwan e.

²Nadab lev Abihu tei kaney kikta maekna kaney pu suangc theic rey khwan the, kumna kaney kainac Eleazar lev Ithamar rui amuh sw the.

³Guangh David rui Aron kiktamei guay ta tei kaniw tuang taanv theilayna kalangv kalangv nzanhlou the. Mi taanv khou hei kata Eleazar kikta Zadok lev Ithamar kikta Ahimelek rui nkhavlou khwan e.

⁴Eleazar kiktamei tei kakang 16 khang khatni Ithamar kiktamei tei kakang tachat khang damc patlou khwan e. Kalam thu Eleazar kiktamei khou kaikhunh kapy swmei nggaanvmei geic khwan e.

⁵Eleazar khatni Ithamar kikta khou Ravkai khou meicdaihmei khatni bumaengh khou zayloumei nai geihpui zaeng rui kaniw thouc damhmei tei san zaucna damc khwan e.

⁶Eleazar lev Ithamar kikta tei san zaucna liangc liangc swna taanc khwan e. Levimei tuang hymeipu Nethanel nac mpouh Shemaia rui mi liangc tei hy bam khwan e. Guangh, tuang meicdaihmei guay, amuh Zadok, Abiathar nac mpouh Ahimelek khatni amuh kaimei kaikhunhpouc guay khatni Levimei kaikhunhpouc guay rui hei tei sakhi sw khwan e.

⁷Kaikhunh 24 liang kiu heikumna tii bam khwan the: 1. Jehoiarib 2. Jedaia

⁸3. Harim 4. Seorim

⁹5. Malkija 6. Mijamin

¹⁰7. Hakkoz 8. Abija

¹¹9. Jeshua 10. Shekania

¹²11. Eliasib 12. Jakim

¹³13. Huppa 14. Jeshebeab

¹⁴15. Bilga 16. Immer

¹⁵17. Hezir 18. Happizzez

¹⁶19. Pethahia 20. Jehezkel

¹⁷21. Jakin 22. Gamul

¹⁸23. Delaia 24. Maazia

¹⁹Mi nunc hei Ravkai thangc tatna RINGHPOUC Isarael Racguangc tuang latdanv theilayna kaniw pupouc Aron rui taanc thauloumei thouc tei taanh khang zanh hykeyloumei nunc the.

²⁰Mi hei Levi khou rui lungc keymei baihmei kaikhunc guay tuang kapy swmei nunc e: Shebuel khou rui lungc guangmei Amram kikta Jedeia;

²¹Rehabia kikta Isshia;

²²Shelomit khou rui lungc guangmei Izhar kikta Jahat;

²³Hebron nac mpouh nunc: tingkwm theilayna Jeria, Amaria, Jehaziel, khatni Jekameam;

²⁴Mika khou rui lungc patmei Uzziel kikta Shamir;

²⁵Mika chana Isshia khou rui lungc guangmei Uzziel kikta Zekaria;

²⁶Merari kikta Mahli, Mushi, khatni Jaazia.

²⁷Jaazia tei kanac mpouh gaanv thumh— Shoham, Zakkur, khatni Ibri nai khwan e.

²⁸Mahli tei kanac mpouh gaanvnei— Eleazar khatni Kis nai khwan e.

²⁹Eleazar tei kanac mpouh maek khwan e, tiki Kis thu kanac mpouh gaanv khat: Jerameel twmeipu nai khwan e.

³⁰Mushi tei kanac mpouh gaanv thumh— Mahli, Eder, khatni Jeremot nai khwan e. Mi hei Levimei tuang kaikhunc guay the.

³¹Aron khou rui lungc keymei amuh nunc rui samei kumcna kaniw ni kaikhunh kapy swmei kathuic khatni kakainac gaanv khat gaanv khat lev kazauhna kaniw tuang thouc liang khang tei san zauc the. Guangh David, Zadok, Ahimelek, khatni amuh lev Levimei kaikhunc guay tuang kapy nunc rui sakhi sw khwan e.