Read Rongmei Naga 1 KINCHAKH 26 Bible Online

1 KINCHAKH 26 - Rongmei Naga bible

1 KINCHAKH 26

¹Mi hei Levimei Ravkai rigaanv nunc khang thouh tiiloumei liang e. Kora puinacmei khou rui Kore nac mpouh Mashelemia kazauh the. Kore hei Asap kaikhuncmei e.

²Meshelemia hei kanac mpouh gaanv chanei: Zekaria, Jediael, Zebadia, Jathniel,

³Elam, Jehohanan, khatni Eliehoenai nai khwan e.

⁴Obed Edom ni kazauh the. Ravguangc rui kakhang nah mpouh gaanv tachat suaihiam swna tiilou khwan e. Mi nunc zanc kiu gaanvthaihmei khou rui thauna: Shemaia, Jehozabad, Joa, Sakar, Nethanel.

⁵Ammiel, Isakar, khatni Peullethai hei nunc hei e.

⁶Shemaia ni kanac mpouh nunc nai khwan e, mi nunc kiu kakaikhunc nunc tuang kapy swmei nunc e kalam thu kaniw tei ramh ngammei nunc e.

⁷Shemaia nac mpouh nunc Othni, Raphael, Obed khatni Elzabad kachana Elihu khatni Semakia ni nai e.

⁸Obed Edom kai khou rui mi taanv khang hei taanc biuhmei gaanv 62 nai khwan e.

⁹Meshelemia kai khou rui taanc biuhmei gaanv 18 pat khwan e.

¹⁰Merari puinac khou rui Hosa kazauh khwan e. Hosa tei kanac mpouh gaanv padeih: Shimri (kamei mpouh gaanvthaihmei hamh sini kapu rui kata kapy swmei tiswlou the),

¹¹Hilkia, Tabalia, khatni Zekaria nai khwan e. Hosa kai kaikhunc khou rui Ravkai rigaanv khou kazauhmei guayna gaanv 13 e.

¹²Ravkai rigaanv nunc tei kaikhunh swna kakang kakang damclou khwan e. Baihmei Levimei nunc ta tei kumcna kaniw ta ni thouh liangc swna tii khwan e.

¹³Kaikhunh kathuic tei daihmei nthyammei lat maekna san zaucna san khou pat patmei raenghmun tei nkhwan the.

¹⁴Shelemia khou neihpat raengcmun pat the, khatni kanac mpouh Zekaria, latdyn gaymei tii bammeipu khou dihpy raengcmun pat the.

¹⁵Obed Edom khou dihba raengcmun tiilou the. Kumna kanac mpouh nunc ta tei ramh ryloumei kai guay gaek khang tiilou the.

¹⁶Shuppim lev Hosa khou neihkey raengcmun lev karucmei chaeng tuang Shalleket raengcmun tiilou the. Rigaanv tei liangc naina ding khwan the.

¹⁷Neihpat biak thangc tingmik pum gaanv charuk charuk rui rigaanv ding khwan the, hei tei kumcna dihpy thangc gaanv padeih dihba thangc gaanv padeih ding khwan the. Ramh rymei kai kanei khou tei rigaanv gaanv padeih louna, gaanv nei rui kai akhat khat tei rigaanv khwan the.

¹⁸Neihkey duppui bamv daeng khou chaeng khou rigaanv padeih lou e kumna duppui bamv khou tei gaanv nei lou e.

¹⁹Mi hei Kora lev Merari puinac khou rigaanv thouc tiiloumei kiu the.

²⁰Levimei baihmei guay tei rui Ravkai tuang lanvkai khatni Ravguangc khang kat guangmei puatkat loumei kai tei gaek khang lou the.

²¹Gershon nac mpouh Ladan hei kaikhunh kang mpeyna pupouc e, kanac mpouh Jehiel kai kaikhunc pupouc ni the.

²²Ladan nac mpouh gaanvnei Zetham lev Joel e. Kanei hei Ravkai tuang lanvkai lev ramh rymei kai gaekmei nei e.

²³Amram, Izhar, Hebron, khatni Uzziel kikta nunc khou ni thouh tiilou khwan e.

²⁴Mousi nac mpouh Gershom puinacmei Shebuel hei Ravkai tuang lanvkai khou daic liangmei thouh phunghmei pu the.

²⁵Gershom chana Eliezar khou rui kamei hei Shelomit lev ni kariang kaluaic pat re. Eliezar hei Rehabia pu e, Rehabia hei Jeshia pu e, Jeshia hei Joram pu e, Joram hei Zikri pu e, Zikri hei Shelomit pu e.

²⁶Shelomit khatni kakai kaikhuncmei guay hei guangh David, kaikhunh kapy nunc, puinac kapy nunc, khatni rihpy nunc rui Ravguangc khang kat guangloumei puat guay tei gaek khang kaniw thouc sw the.

²⁷Kaniw rui rih khou rui laaguangmei puat asaekc laapatna Ravkai khou sinsw khang kat gutlou the.

²⁸Ravkai khou sinsw khang katgutloumei puat guay tei Shelomit lev kakai kaikhuncmei tuang thouc swna zauc the. Mi puat pang tei muhzwng Samuel, guangh Saul, Ner nac mpouh Abner, khatni Zeruia nac mpouh Joab rui kat guangloumei puat guay ni kazauh the.

²⁹Izhar kikta pang khou, Kenania khatni kanac mpouh nunc khou ramchakh hyloumei khatni Isaraelmei pang khou latlu patmei ta katiamhmei thouc hei tiilou the.

³⁰Hebron kikta pang khou, Hashabia khatni kariang kaluaicmei ramh ngammei meic 1700 ta Jordan neihkey thangc bammei Isaraelmei guay pang khou ravchap tuang ni kandih tuang ni sin khang tiilou the.

³¹Jeria hei Hebron kiktamei nunc tuang kapy the. David rui guangh swmei tuang 40mei kwm Hebron kiktamei lam khou kathai pwkhou, mi kai kaikhuncmei tancbauhmei rihmei nunc Gilead khou Jazer kaidai khou lungc bammei ta ariw the.

³²Guangh David rui Jeria riangluaicmei kaikhunh kapy swmei langh langmei gaanv 2700 kadah patna Jordan neihpat thangc Reuben, Gad khatni Neihpat biak thangc bammei Manase tuang ramv khou tei ravchap tuang ni kandih tuang ni sin khang tiilou the.