Read Rongmei Naga 1 KINCHAKH 27 Bible Online

1 KINCHAKH 27 - Rongmei Naga bible

1 KINCHAKH 27

¹Mi hei Isaraelmei kaikhunc tangv kapy nunc khatni puinac tuang kapy swmei nunc khatni guanghdih khou taanv phunghmei meicdaihmei nunc ta hyloumei tuang e. Bw kathuic meic gaanv 24,000 rui mi bw tuang kapy swmei akhat bangc khou rihmei thouc phunghmei tuang e.

²Kabangc khou hyloumei nunc hei bw pum tuang kapy swmei nunc the:

³reymei bw: Zabdiel nac mpouh Jashobeam (kamei hei Juda kaikhwangmei Perez puinacmei e)

⁴Kaneimei bw: Ahohi kikta Dodai (Miklot hei kabangc khou bammei rihpy e)

⁵Kathumhmei bw: Amuh Jehoiada nac mpouh Benaia; kamei hei “Gaanv

⁶30” kang tuang kapy akhat re (kanac mpouh Amizzabad rui kaphaan rihpy sw lyn dat khwan e)

⁷Padeihmei bw: Joab chana Asahel (kanac mpouh Zebadia rui kaphaan lyn dat khwan e)

⁸Panguhmei bw: Izhar kikta Shamhut

⁹Charukmei bw: Tekoamei Ikkes nac mpouh Ira

¹⁰Chaneimei bw: Ephraimmei Pelon puinacmei Helez

¹¹Tachatmei bw: Zerahi kaikhwangmei Hushamei Sebbdekai

¹²Chakiumei bw: Benjamin kaikhwangmei Anathotmei Abiezer

¹³Ruhmei bw: Netopha kaidaimei Maharai (kamei hei Zera puinacmei e)

¹⁴11mei bw: Ephraim ramv khou naimei Pirathon kaidaimei Benaia

¹⁵12mei bw: Netopha kaidaimei Heldai (kamei hei Othniel kikta e)

¹⁶Isaraelmei kaikhwang tuang Reuben puinacmei khou Zikri nac mpouh Eliezar rui dihsinpouc e, Simeon puinacmei khou rui Maaka nac mpouh Shephatia e.

¹⁷Levi puinacmei khou Kemuel nac mpouh Hashabia e, Aron puinacmei khou Zadok;

¹⁸Juda puinacmei khou guangh David chana Elihu e; Isakar puinacmei khou Mikael nac mpouh Omri e;

¹⁹Zebulun puinacmei khou Obadia nac mpouh Ishmaia e; Naphtali puinacmei khou Azriel nac mpouh Jeremot e.

²⁰Ephraim puinacmei khou Azaria nac mpouh Hosea e; Neihkey biakmei Manase puinacmei khou Pedaia nac mpouh Joel e;

²¹Neihpat biakmei Manase puinacmei khou Zekaria nac mpouh Iddo e; Benjamin puinacmei khou Abner nac mpouh Jaasiel e;

²²Dan puinacmei khou Jeroham nac mpouh Azarel e; Mi guay hei Isaraelmei kaikhwang guay tuang dihsinpouc nunc the.

²³Tingkwm 20 bangc khou mei guay ta thu meic sing phuhmei khou tei guangh David rui phuc kazauhlou mak ge, kalam thu RINGHPOUC rui Isaraelmei ta tingpuk khou naimei gaanchuangcna zu tigeiclou puni twna nrianhlou khwan e.

²⁴Kapui Zeruia rui puanhmei Joab rui meic sing phuc kahouh khwan e, tiki kamei phuc luailou mak khwan e. Mi meic sing phuhmei zaeng khou tei rui Ravguangc rui Isaraelmei ta riap the kum tina guangh David tuang chakh buk khou meic sing hylou mak ge.

²⁵Mi hei guangh tuang lanv guay sinmei nunc zanc e: Guangh tuang puatrykai: Adiel nac mpouh Azmavet Namv tuang puatrykai: Uzzia nac mpouh Jonathan

²⁶Lau khou taanvtaanhmei: Kelub nac mpouh Ezri

²⁷Drakhalau: Ramamei Shimei Drakhadui kai: Shephammei Zabdi Olive khatni Sikamor bang (neihkey chyngphay thangc):

²⁸Geder kaidaimei Baal Hanan Olive thauc loumei bamv: Joas

²⁹Sharon nzaengc khou loumei guaih pang: Sharonmei Shirtai nzaengc khou loumei guaih pang: Adlai nac mpouh Shaphat

³⁰Guaikuan pang: Ismaelmei Obil kuanniam pang: Meronot kaidaimei Jedaia Ziuh lev lauziu pang: Hagrimei Jaziz

³¹Mi guay hei guangh tuang lanv guay sinmei nunc the.

³²Guangh David pu alauc Jonathan hei latdinc thaymei ramh thay geihmei akhat re. Kamei lev Hakmoni nac mpouh Jehiel rui guangh nac mpouh nunc ta nchamloumei taanv khou kanei thouc sw the.

³³Ahithophel hei guangh tuang latdinhpouc gaanv khat re, kumna Arkimei Hushai hei guangh tuang duangda khatni lat kaphianh nduanghmeipu e.

³⁴Ahithophel theihmei tangv, Benaia nac mpouh Abiathar lev Jehoiada rui guangh tuang latdinhpouc nei sw dat the. Joab hei guang tuang rihpy the.