Read Rongmei Naga 1 KINCHAKH 4 Bible Online

1 KINCHAKH 4 - Rongmei Naga bible

1 KINCHAKH 4

¹Kabangc khou hyloumei hei Juda tuang kikta gaanvsaekc: Perez, Hezron, Karmi, Hur, khatni Sobal hei nunc e.

²Sobal rui Reaia ta puanc e, Reaia rui Jahat, Ahumai, khatni Lahad ta puanc khwan e. Mi nunc hei Zora khou lungc bammei nunc tuang pupouc nunc e.

³Elam nac mpouh nunc kiu mi guay hei e: Jezreel, Isma khatni Idbas. Kaniw tanpui zanc rui Hazzeleponi tw e.

⁴Penuel rui Gedor puanc e khatni Ezer rui Husha ta puanc e. Hur kikta nunc kiu mi guay hei e; Bethlehem kaidai kasiamh thaulou kanmeipu Ephranat, Hur hei Kaleb nac mpouh kanow Ephrat rui puanhmei gaanvthaihmei e.

⁵Tekoa kaidai kasiamh thaumeipu Ashhur tei kanow gaanvnei, Hela lev Naara nai khwan e.

⁶Naara rui kanac mpouh gaanv padeih, Ahuzzam, Hepher, Temeni, khatni Hahashtari ta puanclou khwan e.

⁷Hela rui ni nah mpouh gaanv thumh— Zeret, Izhar, khatni Ethnan ta puanclou khwan e.

⁸Koz rui Anub lev Zobeba ta puanclou khwan e, kaney hei Harum nac mpouh Aharhel khou rui lungc keymei puinac nunc tuang pupouc e.

⁹Kazanc Jabez twmeipu kakai kaikhunc khou chakhwang champouh swliangna bammeipu gaanv khat nai khwan e. Kapui rui kazanc Jabez twna phuaklou khwan e, kalam thu kata puanhmei tei ryanra sihna puanc khwan e.

¹⁰“He Ravguangc, ata suaihiamlou o, kumna akhang ramh mpeyna tiilou o. Ata bam nduanghlou o kumna ata tiryanra nimei simei guay khou rui kanlou o,” twna Jabez rui Isarael Racguangc khou huayney khwan e. Kamei rui neymei tei Ravguangc rui tiilou khwan e.

¹¹Shuha chana Kaleb tei kanac mpouh Mehir twmeipu gaanv khat nai khwan e. Mehir hei Eshton pu e.

¹²Eshton hei kanac mpouh gaanv thumh— Bethrapha, Pasea, khatni Tehinna nai khwan e. Tehinna hei Nahas kaidai kasiamh thaumeipu e. Mi nunc kikta guay hei Reka khou lungc bam khwan e.

¹³Kenaz hei kanac mpouh gaanvnei, Othniel lev Seraia nai khwan e. Othniel ni kanac mpouh gaanvnei, Hathat lev Meonothai nai khwan e.

¹⁴Meonothai hei Ophra pu khwan e. Seraia hei Joab pu e, Joab hei Baanhthaymei nunc tuang nzaengc, baanhthaymei rana lungc bammei bamv tei kasiamh thaumeipu e.

¹⁵Jephunne nac mpouh Kaleb tei kanac mpouh gaanv thumh— Iru, Ela, khatni Naam hei nunc hei nai khwan e. Ela hei Kenaz pu e.

¹⁶Jehallelel hei kanac mpouh gaanv padeih: Zip, Zipha, Tiria, khatni Asarel hei nunc hei nai khwan e.

¹⁷Ezra nac mpouh nunc hei kabangc khou hyloumei guay hei e: Jether, Mered, Epher khatni Jalon e. Mered rui Izipmei guangcna aluh Bithia ta kawna kanac aluh akhat Miriam, kanac mpouh kanei Shammai khatni Ishba ta puanclou khwan e.

¹⁸Ishba rui Eshtemoa kaidai kasiamh thau khwan e. Mered rui Juda kaikhwangmei luc ta kawna nah mpouh gaanv thumh— Jered: Gedor kaidai kasiamh thaumeipu, Heber: Soko kaidai kasiamh thaumeipu, khatni Jekuthiel: Zanoa kaidai kasiamh thaumeipu ta puanc khwan e.

¹⁹Hodia rui Naham tanpui ta kaw khwan e. Kaney kikta tei Keila kaidai khou lunghmei Garm kaikhwang khatni Eshtemoa kaidai khou lunghmei Maakat kaikhwang pupouc nunc e.

²⁰Shimon tei kanac mpouh gaanv padeih: Amnon, Rinna, Benhanan, khatni Tilon hei nunc hei nai khwan e. Ishi tei ni kanac mpouh gaanv nei: Zohet khatni Benzohet nai khwan e.

²¹Shela hei Juda nac mpouh gaanv khat re. Kakikta hei Leka kaidai kasiamh thaumeipu Er; Maresha kaidai kasiamh thaumeipu Laada, Beth Ashbea kaidai khou lunghmei linen phey dakmei puinacmei;

²²Jokim lev Kozeba kaidai khou lungc bammei nunc; khatni Moabmei luc ta kawna katang thangc Bethlehem khou lungcloumei Joas lev Sarap hei guay hei ni kazauh e. (Mi ruanry hei rey nungc rui rac guangmei ruanry e.)

²³Kaniw hei guangh tuang taanv swna lai kasiamhna Netaim lev Gedera kaidai khou lungclou khwan e.

²⁴Simeon tei kanac mpouh gaanv panguh: Nemuel, Jamin, Jarib, Zera, khatni Shaul hei nunc hei nai khwan e.

²⁵Shaul nac mpouh rui Shallum e, katou rui Mibsam e, khatni katak rui Misma e.

²⁶Misma khou rui lungc keymei riang rui Hammuel, Zakkur, khatni Shimei hei e.

²⁷Shimei tei kanac mpouh gaanv 16 khatni aluh gaanv charuk puanc khwan e, tiki kariang kaluaic guay thu kaniw nac rau khwan e, kum tina Simeon kaikhwangmei hei Juda kaikhwangmei kumcna daic katumc mak ge.

²⁸Guangh David zuk nganv khou Simeon tuang kikta hei kabangc khoumei kaidai guay khou lungc bam khwan e: Beersheba, Molada, Hazarshual,

²⁹Bilha, Ezem, Tolad,

³⁰Bethuel, Horma, Ziklag,

³¹Beth Markabot, Hazarsusim, Bethbiri, khatni Sharaim.

³²Kaniw tei Etam Ain, Rimmon, Token, Ashan,

³³khatni kadaeng daeng khou naimei namv guay khou dihba neihkey thangc Baalat kaidai nganv lungc tangc bam khwan e. Mi hei kakai kaikhunc khang lou duhmei chakh ge khatni kaniw lungcloumei bamv guay e.

³⁴Meshobab, Jamlek, Amazia nac mpouh Josha,

³⁵Joel, Jehu (Joshibia nac mpouh, Seraia nac mpouh, Asiel nac mpouh),

³⁶Elioenai, Jaakoba, Jeshohaia, Asaia, Adiel, Jesimiel, Benaia,

³⁷Ziza (Shiphi nac mpouh, Allon nac mpouh, Jedaia, Shimri, khatni Shemaia kikta)

³⁸Karuc khou hyloumei guay kakai kakai khwang tuang kapy nunc e. Kaniw kai puinac guay tei kasing geic thau khwan e.

³⁹Kaniw tei neihkey biak thangc lungc keyna Gerar daeng nganv lungc key tangc khwan e, kumna nzaengc tuang neihpat biak thangc kaidai naimei bamv khou tei kaniw tuang lauziu pang lou khwan e.

⁴⁰Rimh rimmei nchu nrimei ramv gaymei ramvpuk khou lauziu byn bamv khang daicna ariw khwan e. Mi bamv khou tei kahu nungc lungcloumei tei Hamimei khwan e.

⁴¹Judamei guangc Hezekia zuk khou karuc khou kazanc hyloumei nunc hei Gerar thangc tatna mi bamv khou lungc bammei nunc tuang pheykai khatni kai guay sw kasic khwan e. Kaniw rui mi khou tei bammei nunc ta alay ganc lana kaniw rui lungc lyn the, kalam thu mi khou tei lauziu byn bamv geicna nai khwan e.

⁴²Simeon kaikhwangmei meic 500 neihpat biak Edom thangc tat khwan e. Kaniw ta tei Ishi nac mpouh nunc, Pelatia, Nearia, Rephaia, khatni Uzziel kaniw rui kapy swna tat khwan e.

⁴³Mi khou tei theic nsaekcloumei Amalekmei nunc ta swluaina kaniw ntaw nganvna mi bamv khou tei lungc bam e.