Read Rongmei Naga 1 KINCHAKH 7 Bible Online

1 KINCHAKH 7 - Rongmei Naga bible

1 KINCHAKH 7

¹Isakar tei kanac mpouh gaanv padeih: Tola, Pua, Jashub, khatni Simron nai khwan e.

²Tola tei kanac mpouh gaanv charuk: Uzzi, Rephaia, Jeriel, Jamai, Ibsam, khatni Shemuel nai khwan e. Kaniw hei Tola puinacmei tuang kaikhunc guay tuang kapy nunc e khatni kazanc tatmei rihmei nunc e. Guangh David ganv khou kaniw tuang mei sing hei 22,600 khwan e.

³Uzzi hei kanac mpouh gaanv khat— Izrahia nai khwan e. Izrahia khatni kanac mpouh gaanv padeih: Mikael, Obadia, Joel khatni Isshia tei kaikhunh kapy nunc khwan e.

⁴Kaniw tei kaniw now nac geic khwan e kumna kaniw kikta rui rihmei khang meic 36,000 tiipat ngam khwan e.

⁵Hyloumei buk tuang theilayna Isakar kai kaikhwangmei hei rihphyan 87,000 nai khwan e.

⁶Benjamin tei kanac mpouh gaanv thumh— Bela, Beker, khatni Jediael nai khwan e.

⁷Bela tei kanac mpouh gaanv panguh: Ezbon, Uzzi, Uzziel, Jerimot, khatni Iri nai khwan e. Kaniw tei kaikhunh tuang kapy nunc khatni kazanc tatmei rihmei nunc khwan e. Kaniw kikta hei rihphyan 22,034 nai khwan e.

⁸Beker tei kanac mpouh gaanv chakiu nai khwan e. Mi nunc kiu thu: Zemira, Joas, Eliezar, Elioenai, Omri, Jeremot, Abija, Anathot, khatni Alemet hei nunc hei e.

⁹Hyloumei buk theilayna kakai kaikhuncmei rihphyan 20,200 nai khwan e.

¹⁰Jediael tei kanac mpouh gaanv khat— Bilhan nai khwan e, kumna Bilhan tei kanac mpouh gaanv chanei: Jeus, Benjamin, Ehud, Kenaana, Zethan, Tarsis, khatni Ahishahar nai khwan e.

¹¹Kaniw guay hei kakai puinac khou kaikhunh kaipouc nunc khatni rih khou kazanc tatmei nunc e. Kaniw kikta hei rihphyan 17,200 nai khwan e.

¹²Shuppim khatni Huppim hei mi kaikhwang tuang mei e. Dan tei kanac mpouh gaanv khat— Husim nai khwan e.

¹³Naphtali tei kanac mpouh gaanv padeih: Jahziel, Guni, Jezer, khatni Shallum nai khwan e. (kaniw hei Bilha kikta e.)

¹⁴Manase tuang laamvnow Aramaikmeipui rui nah mpouh gaanvnei, Asriel lev Makir ta puanclou khwan e. Makir hei Gilead pu e.

¹⁵Makir rui Huppim lev Shuppim khang now phulou the. Katanpui zanc rui Maaka twna kaw e. Makir nac mpouh kaneimeipu zanc rui Zelophehad twna kaw khwan e, kumna mipu nac tei aluh rana khwan e.

¹⁶Makir now Maaka rui mpouh gaanv nei puanclou khwan e, kumna mi nac nei zanc tei Peres khatni Sheres twna phuaklou khwan e. Peres tei kanac mpouh gaanvnei, Ulam lev Rakem nai khwan e.

¹⁷Ulam tei kanac mpouh Bedan twmeipu nai khwan e. Mi hei Manase tou Makir nac Gilead kikta e.

¹⁸Gilead tanpui Hammoleket tei kanac mpouh gaanv thumh— Ishod, Abiezer, khatni Mahla nai khwan e.

¹⁹(Shemida tei kanah mpouh gaanv padeih: Ahian, Sekem, Likhi, khatni Aniam nai khwan e.)

²⁰Ephraim kikta meickin meickin swna chak keymei kiu mihei e: Shuthela, Bered, Tahat, Eleada, Tahat,

²¹Zabad, Shuthela. Ephraim tei Shuthela hamhna baihmei nah mpouh gaanvnei, Ezer lev Elead ni nai khwan e. Gatmei tuang guaih houh khang sw bam khou rui kaney ta swluai kan khwan e.

²²Kaney pu Ephraim rui kaney khang tingmik mpeyna huay khwan e, kumna kachana nunc rui kata guang swm khwan e.

²³Mi tangv tei kanow tei kapumc nrit datna nah mpouh gaanv khat puanc dat khwan e. Mi nac zanc tei Beria twna kaw khwan e, kalam thu kakai khou ryanramei guanglou khwan e.

²⁴Ephraim tei kanac aluh Sheera twmeipui ni nai khwan e. Mipui tei rui kabangcmei lev karucmei Beth Horon khatni Uzzen Sheera kaidai guay hei kasiamh thau khwan e.

²⁵Ephraim tei kanac mpouh Repha twmeipu gaanv khat nai khwan e. Repha kikta kiu mi hei e: Reshep, Tela, Tahan,

²⁶Ladan, Ammihud, Elishama,

²⁷Nun, Joshua.

²⁸Kaniw rui lungcloumei kaidai guay kiu Bethel khatni mi daeng khou nai haengvmei kaidai guay tei e. Kaniw rui laamei ramv hei neihpat thangc Naaran nganv, neihkey thangc Gezer khatni mi kaidai daeng khou naimei kaidai guay nganv e. Mi khou tei Sekem lev Ayya kaidai khatni kadaeng daeng khou nai haengvmei kaidai guay kazauh the.

²⁹Manase kikta rui Beth Shan, Taanak, Megiddo, khatni Dor kaidai guay khatni kadaeng daeng khou naimei kaidai guay sin khwan e.

³⁰Kabangc khou hyloumei nunc hei Aser kikta e. Aser tei kanac mpouh gaanv padeih: Imna, Isva, Isvi, khatni Beria, khatni aluh gaanv khat Sera twmei nai khwan e.

³¹Beria tei kanac mpouh gaanvnei, Heber lev Malkiel nai khwan e. (Malkiel rui Birzait kaidai kasiamh thau khwan e.)

³²Heber tei kanac mpouh gaanv thumh— Japhlet, Shomer, khatni Hotham; khatni aluh Shua twmei nai khwan e.

³³Japhlet tei ni kanac mpouh gaanv thumh— Pasak, Bimhal, khatni Ashvat nai khwan e.

³⁴Kakainac Shomer tei nah mpouh gaanv thumh-Rohga, Jehubba, khatni Aram nai khwan e.

³⁵Kakainac Hotham ni nah mpouh gaanv padeih: Zopha, Imna, Sheles, khatni Amal nai khwan e.

³⁶Zopha kikta rui Sua, Harnepher, Shual, Beri, Imra,

³⁷Bezer, Hod, Shamma, Shilsha, Ithran, khatni Beera hei guay hei e.

³⁸Jether kikta rui Jephunne, Pispa, khatni Ara hei e.

³⁹Ula kikta rui Ara, Hanniel, khatni Rizia e.

⁴⁰Mi guay hei Aser kikta the. Kaniw hei kaikhunh tuang kapy nunc, rih khou tancbauhmei nunc, khatni ntu kalakh lakmei kapy swmei nunc e. Aser kikta hei rihphyan 26,000 nai khwan e.