Read Rongmei Naga 1 KINCHAKH 9 Bible Online

1 KINCHAKH 9 - Rongmei Naga bible

1 KINCHAKH 9

¹Isaraelmei guayna ta kaikhunh kaikhunh swna zanh hylou the, hei tei Isaraelmei guangc nunc tuang chakh buk khou hylou the. Judamei nunc ta tei kaniw paap tuang dandi swna Babilon kandic thangc phungc tat khwan e.

²Kaniw tuang kaidai khou guang lungc dat reymei pang tei meichamc nunc, amuh nunc, Levimei nunc, khatni Isaraelmei khou taanvtaanhmei nunc khwan e.

³Judamei, Benjaminmei, Ephraimmei, khatni Manasemei nunc tei Jerusalem khou guang datna lungc khwan e.

⁴Amihud rui Uthai puanc e, Amihud hei Omri nac e, Omri hei Imri nac e, kumna Imri hei Bani nac e. Kaniw hei Juda nac mpouh Perez kikta nunc e.

⁵Shilonimei kikta guay khou Asaia hei nareimei khatni mi khou tei rui kanac mpouh nunc nailou geic khwan e.

⁶Zera kikta nunc hei Jeuel khatni kakhou rui patdatmei nac nunc e kakai sing chak pwkhou meic 690 e.

⁷Kabangc khou zanh hyloumei guay hei Benjaminmei Jerusalem khou lunghmei nunc the. Meshullam nac mpouh Sallu, kamei hei Hodavia nac mpouh, Hassenua nac mpouh e

⁸Jeroham nac mpouh Ibneia Uzzi nac mpouh, Mikri tou Ela Shephatia nac mpouh Meshullam, kamei hei Reuel nac mpouh, Ibnija nac mpouh e.

⁹Benjamin kaikhwangmei Jerusalem khou lunghmei kailaak 956 ge. Karuc khou kazanc pancloumei guay hei kaikhunh tuang kapy nunc the.

¹⁰Kabangc khou zanh hyloumei amuh guay hei Jerusalem khou lunghmei nunc e: Jedaia, Jehoiarib, khatni Jakin

¹¹Hilkia nac mpouh Azaria (Isaraelmei khou daic liangmei e), kapu kapouc rui Meshullam, Zadok, Meraiot, khatni Ahitub e.

¹²Jeroham nac mpouh Adaia, kapu kapouc rui Pashhur khatni Malkija e. Adiel nac mpouh Maasai, kapu kapouc hei Jahzera, Meshullam, Meshillemit, khatni Immer e.

¹³Kaikhunh kapy swmei amuh nunc hei kaguayna 1,760 ge. Kaniw tei Isaraelmei khou taanc nimei taanv guay nthuihna taanc ngammei nunc e.

¹⁴Kabangc khou zanh hyloumei Levimei nunc hei Jerusalem khou lunghmei nunc e: Hasshub nac mpouh Shemaia, kapu kapouc hei Azrikam khatni Merari puinacmei Hashabia e

¹⁵Bakbakkar, Heres, khatni Galal Mika nac mpouh Mattania, kapu kapouc hei Zikri lev Asap be.

¹⁶Shemaia nac mpouh Obadia, kapu kapouc hei Galal lev Jeduthun e. Elkana tou, Asa nac mpouh Berekia, Netopha kaidai tuang ramv khou lunghmeipu e.

¹⁷Kabangc khou kazanc hyloumei Ravkai rigaanv nunc hei Jerusalem khou lunghmei nunc e: Shallum, Akkub, Talmon, khatni Ahiman. Shallum tei kaniw tuang kapy the.

¹⁸Ntaw nganvna kaniw puinacmei hei neihpat biak thangc Guangh Raengckat khou kaniw bamv swna bam e. Thaurey khou kaniw hei Levimei nunc kairaengvmun khou rigaanv dingmei nunc khwan e.

¹⁹Ebiasap tou, Kore nac mpouh Shallum tei Kora puinacmei guay lev twna, kaniw pupouc nunc RINGHPOUC tuang zypui kai rigaanvmei kumcna, kaniw tei RINGHPOUC ta kalummei pheykai rigaanvmei hei kaniw tuang thouc khwan e.

²⁰Eleazar nac mpouh Phinehas tei thaurey khou kaniw ta zauhmei sw bam khwan e, kumna RINGHPOUC rui kata nduanghlou khwan e.

²¹Meshelemia nac mpouh Zekaria ni RINGHPOUC ta kalummei pheykai kaimun khou rigaanv dingmei e.

²²Meic gaanv 212 ta raenghmun guay rigaanv khang kadahlou the. Kaniw guay ta tei namv namv swna zanh hylou the. Guangh David khatni muhzwng Samuel rui kaniw pupouc nunc ta tei mi thouc hei taanh khang nsinloumei tuang e.

²³Kaniw pupouc nunc khatni kaniw tei mi kumcna Ravkai tuang chaengmun guay tei gaekna bammei tuang e.

²⁴Dihpy, dihba, neihpat neihkey raenghmun naimei khou tei rigaanv py akhat akhat lou e.

²⁵Mi rigaanv nunc ti hei kaniw puinacmei namv namv thangc bammei nunc rui liangc liangc swna zaeng chanei chanei guangna rigaanv dingna nkhav the.

²⁶Rigaanv py gaanv padeih tei Levimei nunc e. Rigaanvmei khou tei kaniw thouc the. Ravkai khou naimei kailangv guay khatni mi khou tei tu zangv tuang rylou bammei guay tei nkhwanmei kaniw thouc the.

²⁷Kaniw Ravkai daeng khou lungc e, kalam thu Ravkai gaekmei khatni lauthwan pum raenghmun guay tei laancpatmei hei kaniw tuang thouc khwan e.

²⁸Baihmei Levimei guay tei rui kalummei khou sinsw nimei mu-lai guay tei kaniw sin e. Mi guay tei sinsw ni khou tii patmei khatni laalou datmei hei guay hei kaniw thouc e.

²⁹Baihmei guay tei rui nthanmei taanvna, gehubuay, drakhadui, Olive thauc, agaw khatni maruai hei guay hei kaniw thouc swna sin e.

³⁰Tiki maruai tei kasiamhmei hei thu amuh nunc tuang taanv e.

³¹Kora puinacmei, Shallum nac mpouh gaanvthaihmei Levimei Mattithia rui ntyan puatkat kasiamhmei tei kathouc e.

³²Kohat puinacmei nunc tei Sabbathneic pum Ravkai khou lou khang nthanmei ntyan kasiamhmei hei kaniw thouc e.

³³Levimei kaikhunc asaekc tei Ravkai khou lupaengdingmei khou kathouc sw khwan e. Mi kaikhunc guay tuang kapy nunc tei Ravkai khou naimei kai asaekc khou lungc bam khwan e, kalam thu kaniw tei zingbangc kalaanv taanv naina bam khwan e.

³⁴Karuc khou zanh hyloumei nunc hei kaniw pupouc riang suic keymei theilayna Levimei kaikhunc guay e. Kaniw hei Jerusalem khou lunghmei kapy swmei nunc e.

³⁵Jeiel rui Gibeon kaidai tei kasiamh thauna lungc the. Kanow zanc rui Maaka twna kaw khwan e.

³⁶Kanac mpouh gaanvthaihmei zanc rui Abdon e, kumna kanac mpouh baih baihmei rui Zur, Kis, Baal, Ner, Nadab,

³⁷Gedor, Ahio, Zekaria, khatni Miklot hei nunc hei e.

³⁸Miklot hei Shimea pu e. Kaniw kikta guay tei Jerusalem khou kakai puinacmei nunc daeng khou lungc khwan e.

³⁹Ner tei Kis pu e, khatni Kis tei Saul pu e. Saul tei kanac mpouh gaanv padeih— Jonathan, Malkishua, Abinadab, khatni Eshbaal hei nunc hei nai khwan e.

⁴⁰Jonathan hei Meribbaal pu e, Meribbaal hei Mika pu e.

⁴¹Mika tei kanac mpouh gaanv padeih— Pithon, Melek, Tarea, khatni Ahaz twna nai khwan e.

⁴²Ahaz tei Jara pu e. Jara tei kanac mpouh gaanv thumh— Alemet, Azmavet, khatni Zimri twna nai khwan e. Zimri tei Moza pu e,

⁴³Moza tei Binea pu e, Binea tei Rephaia pu e, Rephaia tei Eleasa pu e, Eleasa tei Azel pu e.

⁴⁴Azel tei kanac mpouh gaanv charuk: Azrikam, Bokeru, Ismael, Shearia, Obadia, khatni Hanan hei nai khwan e.