Read Rongmei Naga 2 KINCHAKH 3 Bible Online

2 KINCHAKH 3 - Rongmei Naga bible

2 KINCHAKH 3

¹Solomon pu, guangh David rui Ravkai kaiphwn khang tei thu kasiamhlou tang the. Hei tei Jerusalem tuang Moria chyng khou khatni Jebusimeipu Arauna tuang laudybamv khou tei e.

²Guangh Solomon rui kai tei kamei guangh swmei tuang padeihmei kwm kaneimei bw khou taanc kahouh the.

³Solomon rui kasiamhmei Ravkai tei chowbuk 60 saengc 20 daic e.

⁴Kaisangh tei Ravkai kaidai kapwm twmei thu chowbuk 20 daic e kumna chowbuk 120 kauh e. Kainung kapwm tei kachaekc nthanmei rui lup be.

⁵Kaidwnmei kainung tei sidar thingpaek rui daengcna hei tei kachaekc nthanmei rui luplou e, kumna mi khou tei tadanvbang maengc khatni ramh maengc lou tarina kasiamhlou e.

⁶Guangh rui Ravkai tei howgaymei kunghmei ntauh khatni Parvaim kandic khou rui laaguangmei kachaekc rui karuhlou e.

⁷Kamei mi kachaekc tei rui ngaengsaengc, kaiphuang, kaimun tiangc khatni kaikhamv guay tei tey the. Ngaengsaengc guay khou tei baanhthaymei nunc rui kerubim maengc pang hiaklou the.

⁸Kalungcmei kailangv, Nthan Liangmei Bamv twna kawmei tei chowbuk 20 saengc, 20 daic e, hei tei Ravkai dai kapwm tei the. Nthan Liangmei Bamv tuang ngaengsaengc tei lup khang gaymei talent 600 metrik ton 20 mbu gut re;

⁹juatpi tuang karith tei kachaekc shekel 50 e, kumna kailangv karucmei tuang ngaengsaengc guay tei ni kachaekc rui lup be.

¹⁰Guangh rui katuang taanvtaanhmei nunc ta ntanh tuang kerubim kanei kasiamh lana hei tei kachaekc rui lupna Nthan Liangmei Bamv khou lou khang sa the.

¹¹Kerubim tuang kasw kapwm tei chowbuk 20 saengc e. Reymei Kerubim akhat tuang kasw tei chowbuk panguh saengc e khatni hei tei ravkai ngaengsaengc ta kahi e. Baihmei kasw tei chowbuk panguh saengc muay e khatni baihmei Kerubim kasw ta kahi tangc e.

¹²Hei tei kumcna kaneimei Kerubim kasw akhat tei ni chowbuk panguh saengc e khatni ravkai ngaengsaengc ta kahi e baihmei kasw akhat tei ni chowbuk panguh saengcna reymei Kerubim kasw ta pat alamv tangc e.

¹³Kumna kaney swkaeng twan akhat khat tei ngaengsaengc kahi tangcna chowbuk 20 daihmei kai tei lamc padik the.

¹⁴Nthan Liangmei Bamv daengc langcloumei khamvthinghphey tei linen khatni baihmei langc rui kasiamhmei nrymmei, haengcnrymmei, khatni haenghmei ring nsanghlouna kasiamh the kumna mi khou tei ni kerubim maengc pang kasiamhlou the.

¹⁵Guangh rui chowbuk 35 saenghmei tiangdaic kanei kasiamhna mi kanei tei ravkai kaihu khou tei lou the. Mi tiangc kanei py khou tei chowbuk panguh kauhmei pykhim kasiamhlou e.

¹⁶Mi ntiangh pykhim twan khou tei pareiriang kasiatclouna tanzinc tuang puc-heithai 100 ni thaengclou e.

¹⁷Mi tiangc kanei tei ravkai kainung gut nimei kaimun tuang baanzat baandau khou dungclou e. Dihba biak tiangc zanc tei Jakin khatni dihpy biakmei tiangc zanc tei Boaz twna kaw e.