Read Rongmei Naga 2 KINCHAKH 4 Bible Online

2 KINCHAKH 4 - Rongmei Naga bible

2 KINCHAKH 4

¹Guangh Solomon rui chowbuk 20 saengc, 20 daic, ruh kauhmei tanzinc tuang ravchapaeng akhat tikasiamh the.

²Ngguicmei tanzinc tuang duiduangc akhat ni kasiamh the. Hei tei chowbuk panguh kauh e, katin akhat khou rui akhat nganv tei chowbuk ruh e, kumna katin ngguicmei tei chowbuk 30 e.

³Katin kapaengc biak tei karuhloumei kin kanei nai e. Hei tei guaituamchic pang maengc duiduangc pum tei lev akhat na swna kasiamhloumei tuang e.

⁴Mi duiduangc tei guaituamchic 12 nam khou mbaenglou e; guaituamchic kathumh kathumh tei neihpat, neihkey, dihpy, dihba karih raph rapna ding e.

⁵Mi duiduangc tei kw khat nsu e. Kachy tei buangh chy kumcna, mwnpwang puangc patmei kumcna kapaengc thangc pak pat re. Mi khou tei dui liter 6000 dou lou e.

⁶Kaniw rui kaikhuang ruh ni kasiamh e, hei tei panguh rui Ravkai tuang dihpy thangc, panguh akhat tei rui dihba biak thangc lou khang e. Hei tei khaengmei khouringc zanc tei khiu khang e. Duiduangc daihmei dui tei rui amuh nunc duilow khang e.

⁷Kaniw rui kumna taanc o twna dincloumei theilayna kachaekc tuang thaucmai hyang ruh ni kasiamh the, kumna hei tei Ravkai lungc khou tei panguh rui dihpy biak, panguh rui dihba biak lou the.

⁸Kaniw rui loupaeng ruh ni kasiamh lana hei tei Ravkai lungc khou panguh rui dihba biak, panguh rui dihpy biak lou the. Kaniw rui kachaekc tuang tamkuak 100 ni kasiamh the.

⁹Kaniw rui kalungcmei kaimav amuh nunc khang kasiamh the kumna kapaengcmei kaimav ni kasiamh the. Mi kaimav kanei kak khou naimei kaimun guay tuang kaikhamv guay tei tanzinc rui duam e.

¹⁰Duiduangc tei Ravkai tuang dihba neihpat kwn khou lou e.

¹¹Huram rui lai guay, suakkuak guay, khatni kaikhuang guay ni kasiamh khwan e, kamei rui Ravkai khang kasiamhlou ni twna guangh Solomon khou saloumei puat guay tei kasiamhlou khwan e. Mi guay kiu thu:

¹²Tiangdaic kanei Tiangdaic pykhim kanei Tiangdaic pykhim khou kasiatcloumei riang

¹³Tiangdaic pykhim khou kakin kanei kanei loumei tanzinc tuang puc-heithai 400

¹⁴Guaih gari ruh kaikhuang ruh Duiduangc

¹⁵Duiduangc phunghmei guaituamchic 12

¹⁶Lai guay, suakkuak guay, khatni zanh nrwang guay Baanhthaymei kapypu Huram rui mi puat guay hei RINGHPOUC tuang Ravkai khou piu khang Guangh Solomon rui latdanv tiimei kumcna tanzinc nthanmei rui kasiamh the.

¹⁷Mi guay hei Jordan nzaengc khou Sukkot lev Zereda kak khou naimei ntanh kasiamhmei bamv khou rui guangh rui tikasiamh the.

¹⁸Kasiamh kanmei puat tei geic langv tina tanzinc azuh dou gut kan tu cho twmei sing meic gaanv khat na sini thay dat mak khe.

¹⁹Guangh Solomon rui Ravkai khou lou khang kachaekc rui kasiamhmei tuang puat ni kabangc khoumei puat guay tikasiamh the: ravchapaeng khatni Ravguangc khang katloumei ntyan loumei paeng kanei,

²⁰thauhmai tiangc khatni Nthan Liangmei Bamv hu khou daancloumei kachaekc nthanmei rui kasiamhmei thauhmai guay,

²¹karuhloumei mwnpwang, thauhmai guay, khatni tiangkap guay;

²²mairiang tiap nthanmei tiangkap, tamkuak, agaw kuak khatni maithyn haenghmei puanhmei kuak. Mi puat guay hei kachaekc nthanmei rui kasiamh the. Ravkai tuang kapaengcmei kaikhamv guay khatni Nthan Liangmei Bamv tuang kaikhamv guay tei kachaekc rui lup be.