Read Rongmei Naga EZRA 10 Bible Online

EZRA 10 - Rongmei Naga bible

EZRA 10

¹Ezra rui Ravkai mav khou nkhum keyna huayneyna, kapna mi paap guay hei kalauhna bam khou Isaraelmei kangdai—ntumei, nggaanvmei, alauc nunc kadaeng huamcna kap ranvna kapna bam the.

²Khoutei Jehiel rui puanhmei Shekania, Elam puinacmei gaanv khat rui Ezra khou sa the, “Aniw rui zaatc baihmei luc nunc ta kaw laana aniw rui Ravguangc khou lwm nuh makmei tuang taanv taanc dyng the, kum bam sini Isaraelmei nunc ta kanduaklou nuhmei chaeng thu nai de he cho.

³Ntaw aniw rui mi zaatc baihmei luc nunc ti hei kaniw nac nunc ta kazauhna mu ganc ni the twna aniw Ravguangc khou ntipmei latdyng sw ni the. Nang rui khatni Ravguangc tuang latdanv guay ta chakhwang swna bammei nunc rui sa samei aniw piu ni the. Ravguangc tuang Riakdanv rui sa samei aniw piu ni the.

⁴Taanv swna taanc key khang nang thouc the. Kumhpui zaeng rui tat gutna taanc tho, aniw nang thei khou ding puni the.”

⁵Kumhpui zaeng rui Shekania rui samei tei taanc ni the twmei amuh nunc, Levimei nunc khatni meic nunc tuang kapy nunc ta tei latdyng tisw the.

⁶Khoutei aniw rui Ravkai kaimav khou tei rui tat dat lana Eliasib rui puanhmei Jehohanan kai thangc tat the, kumna hanc guang datmei nunc tuang lwm nuh makmei taanv guay khang tei lungh kabiuna bam thangc the. Aniw ramhkhat sini tuzangv mak khe.

⁷Kangmei khou rui guang datmei nunc Juda khatni Jerusalem khou bammei kathuic khou Jerusalem khou guang kaduai khang kaniw rui latdanv pat khwan e.

⁸Thow pwni zaeng neihthumh lungc khou guang mak ge thei kapy nunc khatni gaanvthaih nunc tuang latdanv theilayna kapuat kachei guay tei laa puni khatni kamei kahak tei kangmei pang khou rui kalangv loubaic puni.

⁹Mi zaeng neih thumh lungc khou tei, chakiumei bw tuang zaeng 20mei nungc Juda khatni Benjamin ramv khou lungc bammei nggaanvmei kaguayna Jerusalem khou guangna Ravkai kaimav khou bam kaduai the. Mi ganv khou tei tingriu ranvna riu khwan e, kumna nchumei rui lev pingmei rui meic kathuicna kadunhna bam the.

¹⁰Amuh Ezra rui ding thauna kaniw khou sa the, “Nangniw zaatc baihmei luc nunc ta kaw laana nangniw hei lwm nuh makmei sw the khatni Isaraelmei ruc khou paapc tiguang the.

¹¹Kumhpui zaeng rui ntaw thu, RINGHPOUC, nangniw pupouc nunc Racguangc khou nangniw paap guay kalauh tho, kumna kamei rui ningmei tei taanc dat tho. Aniu kandic khou lungc bammei zaatc baihmei nunc khou rui kalangv pat tho kumna zaatc baihmei nangniw now nunc ti hei ganc pat tho.”

¹²Meic nunc rui kaucna mundaw the, “Nang rui sa samei aniw taanc ni the.

¹³Tiki meic geic the khatni ting ni riu the, kum thena aniw kapaengc khou ding saengc ngam mak khe. Mi hei zaeng neih khat neih nei na lungc khou rui taanc ngam nimei tuang taanv ni hamh the, kalam thu aniw meic heizumei rui mi paapc hei taanc bam tuang di the.

¹⁴Aniw tuang kapy nunc Jerusalem khou bam lana mi hei kaniw thouc sw kan di tho. Kumna zaatc baihmei ta kawmei guay tei kaniw tuang kaidai tuang kapy nunc khatni latzanpouc nunc lev kazauhna kaganv akhat khou guang kaduai kan di tho. Heikumna Ravguangc tuang lungpuam tei laa ganc nina the.”

¹⁵Asahel rui puanhmei Jonathan lev Tikva rui puanhmei Jahzeia na hamhna hei tei nuh makmei maek khe. Levimei Meshullam lev Shabbethai rui kaney biak liangc the.

¹⁶Meic nunc tei sw bammei raeng tei nuh the, kumna amuh Ezra rui kaikhwang kapy pang khou rui meic kapah lana kaniw guay zanc tei hy keylou the. Ruhmei bw tuang reymei tingmik nungc kaniw tei kathai thau the,

¹⁷kumna bw kathumh lungc khou zaatc baihmei luc nunc ta kaw laamei guay ta phu pat the.

¹⁸Mi hei zaatc baihmei luc nunc ta kaw laamei nggaanvmei nunc kiu e: amuh nunc, puinac swna hy keymei kiu mi hei e: Joshua khatni kachana nunc puinac nunc, Jehozadak nac nunc: Maaseia, Eliezar, Jarib, khatni Gedalia.

¹⁹Kaniw rui kaniw now now tei mu ni the twna latdyng sw the, kumna kaniw paap khang lauziuchic akhat khaeng the.

²⁰Immer puinacmei: Hanani khatni Zebadia.

²¹Harim puinacmei: Maaseia, Elija, Shemaia, Jehiel khatni Uzzia.

²²Pashhur puinacmei: Elionai, Maaseia, Ismael, Nethanel, Jozabad, khatni Elasa.

²³Levimei: Jozabad, Shimei, Kelaia (Kelita twna ni kaw e), Pethahia, Juda, khatni Eliezar.

²⁴Ludowmei: Eliasib. Ravkai rigaanv: Shallum, Telem, khatni Uri.

²⁵Baihmei nunc: Paros puinacmei: Ramia, Izzia, Malkija, Mijamin, Eleazar, Malkija, khatni Benaia.

²⁶Elam puinacmei: Mattania, Zekaria, Jehiel, Abdi, Jeremot, khatni Elija.

²⁷Zattu puinacmei: Elioenai, Eliasib, Mattania, Jeremot, Zabad, khatni Aziza.

²⁸Bebai puinacmei: Jehohanan, Hanania, Zabbai, khatni Athlai.

²⁹Bani puinacmei: Meshullam, Malluk, Adaia, Jashub, Sheal, khatni Jeremot.

³⁰Pahat Moab puinacmei: Adna, Chelal, Benaia, Maaseia, Mattania, Bezelel, Binnui, khatni Manase.

³¹Harim puinacmei: Eliezar, Isshija, Malkija, Shemaia, Shimeon

³²Benjamin, Malluk khatni Shemaria.

³³Hashum puinacmei: Mattenai, Mattatta, Zabad, Eliphelet, Jeremai, Manase, khatni Shimei.

³⁴Bani puinacmei: Maadai, Amram, Uel,

³⁵Benaia, Bedaia, Keluhi,

³⁶Vania, Meremot, Eliasib,

³⁷Mattania, Mattenai, khatni Jaasu.

³⁸Binnui puinacmei: Shimei,

³⁹Shelemia, Nathan, Adaia,

⁴⁰Maknadebai, Shashai, Sharai,

⁴¹Azarel, Shelemia, Shemaria,

⁴²Shallum, Amaria, khatni Josep.

⁴³Nebo puinacmei: Jeiel, Mattithia, Zabad, Zebina, Jaddai, Joel, khatni Benaia.

⁴⁴Mi nunc hei zaatc baihmei luc ta kawmei nunc the. Kaniw rui kanow kanow ta kaniw nac nunc ta lev twna mu ganc the.