Read Rongmei Naga NEHEMIA 11 Bible Online

NEHEMIA 11 - Rongmei Naga bible

NEHEMIA 11

¹Kaikhunh ruh kathuic kaikhunh akhat rui nthanmei Jerusalem kaidai khou lungh khang kumna baihmei guay tei rui baih baihmei kaidai khatni namvdai guay khou lungh khang Jerusalem khou lungc bammei kapy nunc khatni meic nunc tei san zaucna kadah the.

²Jerusalem khou lungc ni twna kamei kamei rui nuhna patmei guay ta tei meic nunc rui thuanc the.

³Baih baihmei kaidai khatni namvdai guay khou Isaraelmei nunc, amuh nunc, Levimei nunc, Ravkai siamruaimei nunc khatni Solomon tuang siamruaimei kikta nunc tei katuang katuang namv khou katuang katuang kaiphwn khou lungc the. Kabangc khoumei nunc hei Juda ramv khoumei Jerusalem khou lunghmei nthukmei mei nunc e:

⁴Juda kaikhwangmei nunc: Uria rui puanhmei, Zekaria tou Athaia. Kapu kapouc baih baihmei rui Amaria, Shephatia, khatni Juda rui puanhmei Perez kikta Mahalalel hei nunc hei e.

⁵Baruk rui puanhmei, Kolhoze tou Maaseia. Kapu kapouc baih baihmei rui Hazaia, Adaia, Joiarib, khatni Juda rui puanhmei Shela kikta Zekaria hei nunc hei e.

⁶Perez kikta tancbauhmei gaanv 468 Jerusalem khou lungc e.

⁷Benjamin kaikhwangmei nunc: Meshullam rui puanhmei, Joed tou Sallu. Kapu kapouc baih baihmei rui Pedaia, Kolaia, Maaseia, Ithiel khatni Jeshaia hei nunc hei e.

⁸Gabbai lev Sallai hei Sallu lev zeiriang ana dianghmei e. Benjamin kaikhwangmei Jerusalem khou lunghmei meic guayna 928 e.

⁹Zikri rui puanhmei Joel hei kaniw tuang kapy e, khatni Hassenua rui puanhmei Juda hei mi kaidai tuang kaneimei meicdaihmei akhat re.

¹⁰Amuh nunc: Joiarib rui puanhmei Jedaia, khatni Jakin.

¹¹Hilkia rui puanhmei, Meshullam now Seraia. Kapu kapouc nunc hei Zadok, Meraiot, khatni Tingkuh swlou khwanmei Ahitub hei nunc hei e.

¹²Mi puinacmei meic 822 rui Ravkai khou siamruai sw e. Jeroham rui puanhmei, Pelalia tou Adaia. Kapu kapouc nunc hei Amzi, Zekaria, Pashhur, khatni Malkija hei nunc hei e.

¹³Mi puinacmei tuang kaikhunc kapy kaguayna meic 242 e. Azarel rui puanhmei, Ahzai tou Amashsai. Kapu kapouc nunc hei Meshillemot khatni Immer hei the.

¹⁴Mi puinac khou rui rih khou tancbauhmei meic 128 nai khwan e. Kaniw tuang kapy hei Haggedolim rui puanhmei Zabdiel hei e.

¹⁵Levimei nunc: Hasshub rui puanhmei, Azrikam tou Shemaia. Kapu kapouc hei Hashabia khatni Bunni hei nunc hei e.

¹⁶Ravkai paengc khou taanv phunghmei nthukmei Levimei gaanv nei Shabbethai khatni Jozabad mi nei hei e.

¹⁷Mika rui puanhmei, Zabdi tou, Asap kiktamei Mattania hei e. Kamei hei huayneymei khatni thuanckumei lu suanmei ganv khou lupaeng dingmei nunc tuang lupy dingmei e. Mattania ta nkhavloumeipu Bakbukia. Shammua rui puanhmei, Galal tou, Jeduthun kiktamei Abda.

¹⁸Nthanmei Jerusalem kaidai khou lunghmei Levimei hei meic 284 e.

¹⁹Ravkai Rigaanv nunc: Akkub, Talmon, khatni kaney tuang riangluaicmei guay, meic guayna 172 e.

²⁰Baih baihmei Isaraelmei guay khatni nsaekcloumei amuh nunc khatni Levimei nunc tei Juda tuang namvdai khatni kaidai baih baihmei khou katuang katuang kaiphwn lauphung khou lungc the.

²¹Ravkai siamruaimei nunc tei Jerusalem khou Ophel twna kawmei bamv khou lungcna Ziha lev Gispa bangc khou taanvtaanc the.

²²Jerusalem khou lunghmei Levimei nunc ta Bani rui puanhmei, Hashabia tou Uzzi rui zauc the. Kapu kapouc nunc hei Mattania khatni Asap puinacmei Mika hei e. Asap puinacmei hei Ravkai khou ludowmei khou kathouc swmei nunc e.

²³Mi kai puinacmei nunc tei rui Ravkai khou ludowmei tei liangc liangc swnimei tuang tei akumhna sw nina cho twmei hyloumei tuang nai e.

²⁴Juda kaikhwangmei, Zera puinacmei Meshezabel rui puanhmei Pethahia rui Persiamei tuang latzankai khou Isaraelmei tuang meickhyn swna bam the.

²⁵Kaniw meic mpeyna rui kaniw tuang laupuk daeng daeng khou naimei namvdai guay khou lungc the. Juda kaikhwangmei nunc rui Kiriath Arba, Dibon, khatni Jekabzeel, khatni mi kaidai guay daeng khou naimei namv guay khou lungc the.

²⁶Kaniw tei Jeshua, Molada khatni Bethpelet,

²⁷Hazarshual, Beersheba khatni mituang namv guay khou tei ni lungc the.

²⁸Kaniw Ziklak kaidai khou, Mekona khou khatni mi tuang namv guay khou lungc the.

²⁹Enrimmon, Zora, Jarmut,

³⁰Zanoa khatni Adullam namvdaih guay khou khatni mi namvdaih guay daeng khou naimei namv guay khou lungc the. Kaniw Lakis kaidai khou khatni mi daeng khou naimei laupuk guay khou, khatni Azeka kaidai khatni mi tuang namv guay khou ni lungc the. Judamei nunc hei dihba biak thangc Beersheba khatni dihpy biak thangc Hinnom nzaengc kak khou naimei ramv khou tei lungc the twna sa nuh di the.

³¹Benjamin kaikhwangmei nunc tei Geba, Mikmas, Ai, Bethel khatni mi daeng khou naimei namv guay khou,

³²Anathot, Nob, Anania,

³³Hazor, Rama, Gittaim,

³⁴Hadid, Zeboim, Neballat,

³⁵Lod khatni Ono kaidai guay khou khatni Baanhthaymei nunc tuang nzaengc khou lungc the.

³⁶Judamei ramv khou lungc bammei Levimei gaanvsaekc ta Benjamin kaikhwangmei nunc lev lungh khang thouclou the.