Read Rongmei Naga NEHEMIA 3 Bible Online

NEHEMIA 3 - Rongmei Naga bible

NEHEMIA 3

¹Kaidai raengc kiu heikumna kasiamh thau datmei tuang the. Tingkuh Eliasib khatni baihmei amuc nunc rui Lauziu raengcmun tei kasiamh dat the, kumna hei tei kat gutlouna raengh kaikhamv tei duanclou dat the. Kaniw rui kaidai raengc tei rihmei 100 tuang Rigaanvkai khatni Hananel Rigaanvkai nganv kasiamhlouna kat gutlou the.

²Mi twan tei Jerikomei nunc rui taanc nsuk dat the. Imri rui puanhmei Zakkur rui mi tangv tei taanc nsuk dat the.

³Hassena puinacmei rui Khav Raengcmun tei kasiamh the. Kaniw rui raenghmun tiangc khatni raengh kaikhamv tei duanclou the, kumna raengh khamvtaan tei kasiamhlou the.

⁴Uria rui puanhmei, Hakkoz tou Meremot rui mi twan tei taanc nsuk dat the. Berekia rui puanhmei, Meshezabel tou Meshullam rui mi twan tei taanc nsuk the. Baana rui puanhmei Zadok rui mi twan tei taanc nsuk dat the.

⁵Tekoa kaidaimei nunc rui mi twan tei taanc nsuk dat the, tiki mi kaidai tuang meicdaihmei nunc thu kapouc karaamc swmei nunc rui langloumei taanv tei kaniw taanc muna taanh mak ge.

⁶Pasea rui puanhmei Joiada lev Besodeia rui puanhmei Meshullam rui Jeshana Raengcmun tei kasiamh dat the. Kaniw rui raenghmun tiangc khatni raengh kaikhamv tei lou the. Kumna raengh khamvtaan guay ni lou the.

⁷Gibeon kaidaimei Melatia, Meronot kaidaimei Jadon, Gibeon kaidaimei nunc, khatni Mizpa kaidaimei nunc rui mi twan tei taanc nsukna Euphratis Neihkey ramv tuang guanghkhyn tuang kai nganvna taanc tangc the.

⁸Harhaia rui puanhmei kachaekc dymeipu Uzziel rui mi twan tei taanc nsukc dat the. Mwndui thauc kasiamhmeipu Hanania rui mi twan tei taanc nsuk dat the, kumna Raengh Daihmei tei nganv taanc tangc the.

⁹Hur rui puanhmei Rephaia, Jerusalem ramv kapaek akhat sinmeipu rui mi twan tei taanc nsuk dat the.

¹⁰Harumap rui puanhmei Jedaia rui mi twan tei, kakai daeng khou naimei langv akhat tei taanc nsuk dat the. Hashabneia rui puanhmei Hattus rui mi twan tei taanc nsuk the.

¹¹Harim rui puanhmei Malkija lev Pahat Moab rui puanhmei Hasshub rui mi twan langv kanei tei lev Maimangh rigaanvkai tei taanc the.

¹²Hallohes rui puanhmei Shallum, Jerusalem ramv kapaek akhat sinmeipu rui mi twan tei taanc nsuk dat the. (Kanac aluh nunc rui mi taanv tei nkhavlou khwan e.)

¹³Hanun lev Zanoa kaidaimei nunc rui Nzaengc Raengcmun tei kasiamh dat the. Kaniw rui raengh kaikhamv khatni raengh khamvtaan lou the. Kaniw rui raengh tei chowbuk 1000 saenghmei Mphuam tanacmei Raengcmun nganv kasiamh tangc the.

¹⁴Rekab rui puanhmei Malkija, Beth Hakkerem tuang ramv langv sinmeipu rui Mphuam tanacmei Raengcmun tei kasiamh thau dat the. Kamei rui raengh kaikhamv khatni raengh khamvtaan guay tei duanclou dat the.

¹⁵Kolhoze rui puanhmei Shallum, Mizpa ramv langv sinmeipu rui Duipuakkai Raengcmun tei kasiamh dat the. Kamei rui mi raengckat tei khuplou the, raengh kaikhamv tei louna raengh khamvtaan ni taanclou the. Kamei rui Shela Zeic daeng khou naimei guangh pikwan daeng khou raengh tei David kaidai khou rui tat keymei kailaak nganv taanc the.

¹⁶Azbuk rui puanhmei Nehemia, Bethzur ramv langv kapaek akhat sinmeipu rui mi twan tei taanc nsuk the, kumna David tarou, zeih, khatni rihmei nunc kai nganv tei taanc the.

¹⁷Kabangc khoumei Levimei nunc hei rui mi tuang raengc langv mpeyna taanc nsuklou the: Bani rui puanhmei Rehum rui mi twan tei taanc nsuk the; Hashabia, Keila ramv langv kapaek akhat sinmeipu rui katuang ramv khou bammei nunc phaan mi twan tei taanc nsuk the;

¹⁸Henadad rui puanhmei Bavvai, Keila ramv langv kapaek akhat sinmeipu rui, mi twan langv tei taanc the;

¹⁹Jeshua rui puanhmei Ezer, Mizpa ta sinmeipu rui mi twan, rih na ryloumei kaihu khou tei rui raengh kwn tei nganv taanc the;

²⁰Zabbai rui puanhmei Baruk rui mi twan tei taanc nsukna Tingkuh Eliasib kai chaengmun nganv taanc tangc the.

²¹Uria nac mpouh, Hakkoz tou Meremot rui mi twan tei taanc nsukna Eliasib kai luaimei nganv taanc tangc the.

²²Kabangc khoumei amuh nunc hei rui raengh tei kalangv mpeyna taanclou e: Jerusalem daeng khou bammei amuh nunc rui mi twan tei taanc nsuklou the;

²³Benjamin khatni Hasshub rui mi twan, kaney kai kaimav khou naimei langv tei taanc the; Maaseia rui puanhmei Azaria, Anania tou rui mi twan kakai kaimav khou naimei langv tei taanc the;

²⁴Henadad rui puanhmei Binnui rui mi twan, Azaria kai khou rui thauna raenghkwn tei nganv taanc the;

²⁵Uzai rui puanhmei Palal rui mi twan, raenghkwn khatni rigaanv bamv daeng khou naimei guanghkai karucmei tuang rigaanvmei tuang pheykai khou tei rui taanc thau the;

²⁶Paros rui puanhmei Pedaia rui mi twan tei, neihpat biak thangc Dui Raengckat khatni Ravkai rigaanvkai tei nganv taanc nsuk the. (Mi hei Ophel twna kawmei bamv, Ravkai taanhmei nunc lungc bammei bamv daeng khou tei e.)

²⁷Tekoa kaidaimei nunc rui mi twan tei, kaniw tuang kaneimei swna Ravkai rigaanvkai daihmei kwn khou tei rui thauna Ophel raengc nganv taanc tangc the.

²⁸Amuh kang akhat rui mi twan tei taanc the. Takuanh Raengcmun khou rui dihpy biak thangc nganghmei langv tei kaniw kathuicna kakai kakai kaanv khou taanc the.

²⁹Immer rui puanhmei Zadok rui mi twan, kakai kaimav khou naimei langv tei taanc the. Shekania rui puanhmei Shemaia, Neihpat raengcmun nkhwanmeipu rui mi twan tei taanc nsuk the.

³⁰Shelemia rui puanhmei Hanania khatni Zalap rui puanhmei mpouh gaanv charukmeipu Hanun rui mi twan tei kaniw tuang kaneimei langv swna taanc the. Berekia rui puanhmei mpouh Meshullam rui mi twan tei, kakai kaimav khou naimei langv tei taanc nsuk the.

³¹Malkija, kachaekc dymeipu rui mi tuang twan khou tei rui taanc nsukna Miphkad Raengcmun daeng khou, dihpy neihpat biak thangc raengh kaanv khou naimei kai daeng khou naimei Ravkai taanvtaanhmei nunc khatni lanvguanhmei nunc bammei kai tei nganv taanc tangc the.

³²Kachaekc dymei nunc khatni lanvguanhmei nunc rui nkhamh liangmei langv, raengh kwn kai khou tei rui thauna Lauziu raenghmun nganv taanc the.