Read Rongmei Naga JOB 21 Bible Online

JOB 21 - Rongmei Naga bible

JOB 21

¹Mi tangv tei Job rui mundaw dat the.

²Ai rui sa bammei hei nkinglou o; nangniw rui ata swmlou nimei kiu mi na hei di the.

³Ata ni tisalou o kumna ai rui sa tang pwkhou, nuic nii e thei ni nuic bam o.

⁴Ai rui agay bammei hei maansei ta hamh e; ai akhaengv bam ngam lakmei lam naina e.

⁵Ata zauc tho. Mi hei nangniw khang hahlahlaana ramh lat sa khang thay mak biuh mak hena cho?

⁶Akhou guanglou bammei lam khou hei ai kakhanh pwkhou, ai hei ping kadunh the.

⁷Tabui swna meicgay makmei nunc tei gaanvsuh gaanvthaih lungc tangcna kangamv naina lungc bam tu cho?

⁸Kaniw tei kaniw tounac nunc saengcthau daicthau bammei ta howna lungc bam e.

⁹Ravguangc rui kaniw kai khou tei sw kasic-karoucmei tiguang mak ge; kaniw ramh ping ramh rouhna lungh mak ge.

¹⁰Ngguay, kaniw tuang khouringc khounac guay kingckiucna lungc pat bam e.

¹¹Kaniw nac nunc tei lauziunac nunc kumcna pakna palup bam e,

¹²khatni nlim lev nrah downa alaamh bam e.

¹³Kaniw panty khou nchu-nzaenghna lungc bam e, sucnu ryanra tuang maekna theic e.

¹⁴Meicsimei nunc rui kaniw rana ta mpatlou o twna Ravguangc khou sa e; Ravguangc chwn tei kaniw thay nii mak ge.

¹⁵Ngamparymeipu tuang siamruai swna bammei tabui khang cho? Kakhou huayney bammei rui tabui tuang gay mbumei naina cho?

¹⁶Kaniw tuang pumtan paan rui kaniw ngam tuang de twna kaniw kakhanh e, kumna kaniw rui sa bammei tei ai nuh mak ge.

¹⁷Meicsimei tuang maibungc tei sw amit bu cho? Kaniw ta sw kamut kamailou bu cho? Ravguangc rui kalungpuamcna meicsimei ta dandi tii bu cho,

¹⁸khatni mpwan rui napgou phungc ganh kumc, khatni pwanzingh rui mbut nliu ganh kumc kaniw ta dandi tii bu cho?

¹⁹Ravguangc rui kapu paap dandi kanac khang tii e twna nangniw rui sa e. Kiuc hamh e! Ravguangc rui paapcmei nunc ta dandi tii kan diu; kaniw tuang paap zaeng rui e twmei kamei rui lyanlou kan diu.

²⁰Paapcmei nunc tei kaniw rana kaniw tuang paap dandi phungc kan diu; Ngamparymei Ravguangc tuang lungpuam tei karuc khou keylou kan diu.

²¹Maansei akhat tuang panty hei luai pwkhou, kanac nunc neihlana bam khang kamei kadan bam dai cho?

²²Bamv kauh khou bammei nunc ta nganvna latzan swmeipu Ravguangc ta maansei rui ncham nuh dina cho?

²³Maansei gaanvsaekc thu theihmei nganvna pumh gayna lungc e;

²⁴pumh karav gayna, neihlana sucnu makna theic e.

²⁵Gaanvsaekc khang thu neihlamei twmei khat na sini maek ge; lungh ryanrana lungcna theic e.

²⁶Tiki meic guayna theicna tarou khou phuplou de; meic guayna nthanv taek sw kan de.

²⁷Nangniw lungning tei ai thay e, ata sw kasic khang sw bammei raeng tei thay e.

²⁸Nangniw rui sa the, “Mi meicdaihmeipu kai tei tabui thangc tatlou kan thav, simei taanv taanhmeipu kai tei?”

²⁹Nggin tat bammei nunc khou tei nangniw kumna sa bam makna cho? Kaniw rui phungc guang datmei chamv tei nangniw thay makna cho?

³⁰Ravguangc rui kalungpuamcna dandi tiimei ganv khou, meicgay makmei mei ta nsaekclou e.

³¹Meicsimei khuay tei sa nimei meic maek ge, kataanv guay tuang khwm khangclou nimei meic maek ge.

³²Katuang gaek chuyna gaek bammei tarou bamv thangc kata puanc tat pwkhou,

³³meic ching ching rui nlwan tat re, taniang rui nganvna karuc khou nzaengna zip key e.

³⁴Kabah maekmei lat rui ata swm khang nangniw sw e. Nangniw rui sa bammei lat guayna hei saraamhmei lat rana de.