Read Rongmei Naga JOB 35 Bible Online

JOB 35 - Rongmei Naga bible

JOB 35

¹Elihu rui kaluan swna sa key e,

²Joble, nang hei Ravguangc mikzaw khou nkhuai mak ge twna nang sa bammei hei nchumh mak ge,

³“Apaap rui nang khang tabui tuang simei nai thena cho? paapc taanh makna lunghmei rui tabui tuang akhang gaengna cho?” twna Ravguangc khou sa bammei hei nkhuaimei e.

⁴Ai rui nang khou ni nang champanv nunc khou ni daw puni.

⁵Tingpuk khou tei zauc o! Muangh tei adih kauh kan tu cho?

⁶Nang rui paapc taanc tina Ravguangc khang simei tuang maek ge. Nang rui nkhuaimei taanv taanc geic bam tina hei tei rui kakhang simei tuang nai punina cho?

⁷Nang rui ravchap tat chuymei rui Ravguangc khang nkhavlou nuhna cho? Ravguangc khang nang khou rui gaengmei laatowmei ramhkhat na sini maek ge.

⁸Nang paap khou rui ryanramei ariw bammei thu maansei nchamc de, nang tuang taanv gaymei tei rui ni maansei khang gaeng e.

⁹Maansei nunc ta rai pwkhou kaniw kalangh e; kaniw ta kanlou khang maansei khou kauc the.

¹⁰Tiki kaniw ta damhmeipu Ravguangc Zinghmei ganv khou tineihlaloumeipu khou kaniw guang mak khe,

¹¹Aniu ta tiningtyngloumeipu, khouringh, nruay thauruay khang suangc tiningtyngloumeipu Ravguangc khou guang mak khe.

¹²Nkhavlou khang kaniw rui kauc e, tiki Ravguangc rui dawlou mak ge, kalam thu kaniw hei daihriw swmei meicsimei nunc e.

¹³Kaniw rui kaucna bammei tei nsa di the; Ngamparymei Racguangc rui chulou mak ge khatni howlou mak ge.

¹⁴Joble, nang Ravguangc ta how mak ge twna sa e; akhaengvna nkhwan o, nang tuang lat tei kahu khou nai bam the.

¹⁵Ravguangc thu dandi tii mak ge, kamei rui paapc ta chak bam mak ge twna nang kakhanh e.

¹⁶Nang heikumna sa bammei hei nsa di the; nang rui sa bammei hei tabui sw bam tu cho twmei nang thay mak khe.