Read Rongmei Naga JOB 39 Bible Online

JOB 39 - Rongmei Naga bible

JOB 39

¹Chalung nunc kanac puanhmei tei nang thay dai cho? Asanh kanac puanhmei tei nang how dai cho?

²Kaniw asaanh nah phungc tu cho, tabui nungc puanc puni cho twmei nang thay dai?

³Tabui nungc kaniw nkuan keyna kanac puanc pat puni cho twmei nang thay dai?

⁴Kanac nunc tei nwmbangc khou daicthau the; kaniw tat kanmei tei hanc guang dat mak khe.

⁵Thow rui nwmbangc kuanniam nunc ta kanyng tiswlou tina cho? Thow rui kaniw ta mpatlouna tiruanlou tina cho?

⁶Ai rui kaniw bam khang ramvkaeng tiilou the kumna tazei khou tilungclou the.

⁷Kaidai khwan chu makmei bamv thangc kaniw tat kan the, kumna kaniw ta sw ngiuna sinsw dat ngam mak khe.

⁸Chyngbut guay hei kaniw tuang byn bam e, thingnuy ndiakcmei phu tupui bamv e.

⁹Ravguaituamchic ta nang sinsw ngam dina cho? kamei rui nang tuang guaickai khou zingbangc akhat na sini bam keylou ngam dai cho?

¹⁰Nang rui kaniw ta kariang ntalouna lau titaanc ngam dai cho?

¹¹Kaniw pumtan khou tei nang ngangvlou nuh dai cho khatni nang tuang taanvdaih taanh khang lwm nuh dai cho?

¹²Kaniw ta nang tuang nap tei laudybamv khou tiphungc guang diw dai?

¹³Ostrich ruay hei kasw kalaapc katumcna kalaapc be, tiki aluakc kumcna thu samc ngam mak ge.

¹⁴Syniang tuang lumhmei rui tilumc bam khang Ostrich ruay rui syniang pung khou kaduy nduihlou e.

¹⁵Hei tei meic tan rui bac piak pwng e hamh e thei khouringh rui swbak pwng e twmei kamei kakhanh mak ge.

¹⁶Kamei rui hei tei kaduy hamh kumcna sw e, khatni kalauna tei nsa amaan pwng e twmei kamei kakhanh mak ge.

¹⁷Kumna kata ti-mpangloumei tei ai rui de, ai rui kakhou ningting tiilou mak ge.

¹⁸Tiki kamei rui kaswkaeng laamv patna pak pwkhou, kamei takuanh khatni takuanh tuanghmei nunc ta nuic e.

¹⁹Joble, takuanh tuang pumtan tiiloumei khatni kasungc nouh noumei tiiloumei hei nang rui dina cho?

²⁰Hei tei nkav kumcna kachakc thay khang khatni kara rui maansei ta tiping khang nang rui damclou tu cho?

²¹Kaniw kasang karang patna kandih khou kachuamh the; katanh patna rih bamv khou saeng gut the.

²²Pingmei twmei ta kaniw thay mak ge, baengsaeng hu khou kaniw pak mak ge.

²³Takuanh ricmei nunc rui kaniw tuang buy-baeng kadyang the.

²⁴Kareic patna takuanh nunc tei pak gut the; bianggun amuan tisini nthaekc dat ngam mak khe.

²⁵bianggun amuanmei kathuic kathei patna rah the, rih bamv guang tangh mak khou rui rih bamv rym namh the, khatni rihpy nunc rui latdanv kauhmei chu e.

²⁶Mouc nunc rui kaswkaeng laamv patna dihba biak thangc kaliapc key bammei tei samc thay khang nang rui tiilou tina dai?

²⁷Nang tuang latdanv khou rui mouckauh tei chyngtwan kauh thangc kuna kabou dwan bam dai?

²⁸Kauh liang liangmei khowpy khou kakai sw e, khatni chyngtwan tei katuang rihphaankai sw e.

²⁹Khoutei rui duhmei anamei kabamv kathuicna khou phaengc howna kataek phu e.

³⁰Ramh theicloumei bamv guay khou tei kaniw bam the, kanac nunc rui zei zangv the.