Read Rongmei Naga JOB 41 Bible Online

JOB 41 - Rongmei Naga bible

JOB 41

¹Nang rui thaanngangc ta khavkhuay rui nym diwna cho, hamh e thei kabaley ta riang rui nta diwna cho?

²Nang rui kanukwang khou riang ntalou diwna cho, hamh e thei kakhabaeng khou khavkhuay goulou diwna cho?

³Kata mpatlou o twna nang khou sa puni dai cho? Kata zauc nzianlou o twna nang khou sa puni dai cho?

⁴Kamei rui nang khou gutlou puni dai cho khatni nang bangc sw ni the tu puni dai cho?

⁵Nang rui kata nruaihmei nruayna ta kumcna kariang ntalouna nang bangcpui tuang palupmei puat kumcna sw nuh puni dai cho?

⁶Achuanh nunc rui kata zuanc puni dai cho? Lanvguanhmei nunc rui kazanc dimna zuanc puni dai cho?

⁷Nang rui kapy khou nruang rui biw ngam puni dai cho?

⁸Nang rui kata kahilou guai e thei tariakc dat bau pw lak khe; heikumna akhangvloumei ram akhangv tei nang amuc dat pw lak khe.

⁹Thaanngangc ta howmei guay rui pingna kandih khou pun phuap key e.

¹⁰Kareic thau pwkhou kathei patmei tuang de; meic gaanv khat na sini kahu khou ding bauh mak ge.

¹¹Thow rui kata tariakclouna duak ngam nina cho? maansei akhat na rui sini ntan bauh mak ge.

¹²Thaanngangc tan lam khou ai dinclou me, kamei hei adih daic adih tanc cho twmei dinclou me.

¹³Kagic tei meic rui siatkaek ngam mak ge, katuang rihpwan tei chum phou ngam mak ge.

¹⁴Kanei thau ngguic bammei meic pingmei mwang tei thow rui phaek pat ngam nina cho?

¹⁵Kanam tei nggih kumcna kasap kasap nsaplou e, hei tei ntauh kumc tanc e.

¹⁶Khat khat khou nap ntipna naplouna samlu kaeng di na sini kalap maek ge.

¹⁷Kaguayna tei nap ntipna naplouna hei tei ramh akhat na rui sini thaek pat dat ngam mak khe.

¹⁸Kamei kathey pwkhou kariu pat re, kamik tei neih kumc gaanc e.

¹⁹Kamwang khou rui maibwang pat re, mai kiak kiak dui mphiu kumc pat re.

²⁰Kanukwang khou rui maikhou mphiu pat re, ntou maimangc khou rui khou patmei maikhou kumcna.

²¹Kathiu khou rui mai chuangc thau the; kamwang khou rui maibwang chuangc pat the.

²²Kapumtan hei kaguang khou nai e, kumna kata ariwmei guay rui ping the.

²³Kagic khou mbuaihmei bamv khat na sini maek ge; hei tei ntanh kumc tanc e.

²⁴Ntauh kumhmei kalung thw hei ntauh kumcna tanc e khou tei pingmei maek ge, napriak tauc kumc tanc e.

²⁵Kamei thau pwkhou, tancbauhmei nunc ni ping e; kaniw swangmav maekna ping e.

²⁶Kata dowluai nuhmei baengsaeng maek ge; kata phian luai nuhmei buy ni maek ge.

²⁷Kakhang thu ntanh hei napgou kumh tuang de, khatni tanzinc hei thingraamv kumh tuang de.

²⁸Kata nthau ganc nuhmei saucpai maek ge; kata ntauh bang ndatmei hei napgung keylou kumh tuang na de.

²⁹Kakhang thingdangv hei napgou kumc tuang de, kata buy phian pwkhou kamei nuic e.

³⁰Kabung lip guay tei lai kiak ntukmei kumc e, guaihphu kumcna hei tei rui bih tei suakna tat re.

³¹Kamei rui duipui ta dui bat kumc kabuat thau e, kumna hei tei thauh bat kumc kabuat thau e.

³²Kachaenglwan tei duiphwan rui mphwan phumh phum tat re, kumna duipui ta duiphwan ti-mbaihlou e.

³³Mi ti hei kida khang kandih khou ramh maek ge; mi hei pingmei maekmei khouringc e.

³⁴Liam siamh siammei khouringc guay ta sini kamei mala e; kamei hei nwmbangc khouringc guay tuang guangc e.