Read Rongmei Naga KALUMLU 101 Bible Online

KALUMLU 101 - Rongmei Naga bible

KALUMLU 101

¹Alu hei nzianmei khatni nzihmei tuang lu e, ai mi hei nang khou suanlou e, he RINGHPOUC.

²Khuay maekna lungh khang sw ni. Nang tabui nungc akhou guanglou puni cho? Ai akai khou nthanmei panty khou lungc ni,

³khatni simei ta khat sini nuhlou lak ge. Ravguangc khou rui tat kanmei nunc tuang taanv guay ta ai karaeng e; ai kaniw lev khat sini kariu lak ge.

⁴Ai lungh nthanna lungc ni, simei lev kariu lak ge.

⁵Meickai ta nkamhna sa kasic tat bammei nunc ta daeklou lak ge, daihriw swmei khatni kagaengh swmei ta ai zauc bam ngam lak ge.

⁶Ravguangc khou lwmlou nuhmei nunc ta ai laalou puni, kaniw ta atuang guangckai khou tilungclou puni. Lungh nthanmei nunc ta asiamruai tisw puni.

⁷Meicguatmei gaanv khat na sini atuang guangckai khou lungc bam lak ge; gaylwn swmei gaanv khat na sini amav khou bam lak ge.

⁸Ai rui meicsimei nunc ta tingmik tingmik khou akandih khou rui swmaan gut puni; meicgay makmei guay ta RINGHPOUC tuang kaidai khou rui alay ganc puni.