Read Rongmei Naga KALUMLU 108 Bible Online

KALUMLU 108 - Rongmei Naga bible

KALUMLU 108

¹Ai lwm kakh kak ge, he Ravguangc! Ai lu suanna nang ta thuanc ni! Thau tho, he abumaengc!

²Thau tho, he atuang rac! Ai neihmik ta nchyang thau ni.

³He RINGHPOUC, ai nang ta zaatc guay pang khou thuancku ni, zaatc guay pang khou ai nang ta thuanc ni.

⁴Nang ramzian tingpuk tangc e, nang tuang lwmnuhmei tingpuk kauh tangc e.

⁵He Ravguangc, nang tik nang gunc tingpuk khou lyanlou o, nang hym kandih kapwm khou ndauhlou o.

⁶Nang rui nzianmei nunc ta nang pumtan rui kanduaklou khang ai huayneymei dawlou o.

⁷Katuang nthanmei bamv khou rui Ravguangc rui sa the, “Rih ngamna ai rui Sekem ta nzanh puni, Sukkot nzaengc ta amei nunc khang nzanhlou puni.

⁸Gilead hei atuang e, Manase hei ni atuang e; Ephraim hei atuang tanhmei rihmei nunc e; khatni Juda hei atuang dihsinmei kaikhwang e.

⁹Tiki ai rui Moab ta phaykhiu kaikhuang ta kumc, atuang malamei bangc tisw puni, Edom hei atuang e twna aphaythuapc rui mpiangmalac daanclou puni. ai rui Philistinmei ta rih ngamna hozam kauc puni.”

¹⁰He Ravguangc, mi raengh raeng piangh piangloumei kaidai lungc khou tei thow rui ata zaylou ni? Thow rui ata Edom khou nduangh gut ni?

¹¹Nang rui aniw ta ganclou changh thena cho? Nang aniw tuang ricmei nunc ta lwan nchamclou dat lak khena cho?

¹²Ata zauczihmei nunc ta akhangv nkhavlou o; maansei ramkhalou rui nsa de.

¹³Ravguangc rui nkhavlouna aniw ngam ni; aniw ta zauczihmei nunc ta kamei rui nii binlou puni.