Read Rongmei Naga KALUMLU 11 Bible Online

KALUMLU 11 - Rongmei Naga bible

KALUMLU 11

¹RINGHPOUC khou ai duplou e. Nang akhou mi kumcna sa bammei hei adih mpang tu cho: “Nruayna kumcna chyngbut thangc samc tat la tho.

²Kalam thu zinghmei bamv khou rui kaap pat khang, meicsimei tei katuang saucpai mbwng patna khaanc bam the.

³Kadyng bamv tei pangv ngam kan pwkhou, ravchaptatmei nunc rui tabui sw ngam nina cho?”

⁴RINGHPOUC katuang nthanmei Ravkai khou bam e; RINGHPOUC tingkauh guangc bamvpaeng khou bam e, maansei katana ta kamei kathaina zauc bam e.

⁵Kamei meicgaymei ta ni, meicsimei ta ni kathatna zauc bam e; meicngam meicliammei ta kalung kapwm rui karaeng e.

⁶Meicsimei nunc ruc khou maithyn haenghmei khatni chuanghmei maipu bun key puni, mai mpwan rui kamei rui kaniw ta dandi tii puni.

⁷RINGHPOUC thu nchumhmei e khatni nchumhmei taanv ta kahaw e; nchumhna lunghpui mei tei kahu khou lungc bam puni.