Read Rongmei Naga KALUMLU 110 Bible Online

KALUMLU 110 - Rongmei Naga bible

KALUMLU 110

¹“Ai rui nang ta zauczihmei nunc ta nang phaypav bangc khou lou mak saanv nang abaanzat khou dungc bam o,” twna aPoubauhmei Guangh khou, RINGHPOUC rui sa the.

²RINGHPOUC rui guangh ngamv Zaion khou rui tidaiclou puni. “Nang ta zauczihmei nunc ruc khou guangh sw o,” twna kamei rui sa e.

³Nang ta zauczihmei nunc ta nang adowpui nungc, nang mei nunc rui adowlou puni. Lauthwan zikdui kumc nthanmei chyngbut guay khou chabwan nunc nang khou guang puni.

⁴“Nang Melkhizedek phaan lynna tingsaeng amuh sw puni,” twna RINGHPOUC rui tanhmei latdyng swlou kan the; hei tei kalaic dat lak khe.

⁵Nang ta nkhavlou khang RINGHPOUC bam e; kamei lungpuam thaupui nungc, kamei rui guangh guay ta dap puatlou puni.

⁶Kamei rui zaatc nunc ruc khou latzan sw puni, rihbamv khou phouh rui padik puni. Kamei rui kandih kapwm khou guangh guay ta swmutlou puni.

⁷Guangh tei chaeng daeng khou duithuak khou rui zangvna kazaeng tanc puni. Kamei rih ngam bam puni.