Read Rongmei Naga KALUMLU 111 Bible Online

KALUMLU 111 - Rongmei Naga bible

KALUMLU 111

¹Kamei nunc kariumei bamv khou, RINGHPOUC ta thuanc o! Alung kapwm rui RINGHPOUC ta ai thuanc ni!

²RINGHPOUC taanv hei adih charyn cho! Mi ti hei kahawmei guay rui mi guay tei kathai bam e.

³Kataanv guay hei champouhmei khatni chingkhiuhmei rui padik ge; kamei thu tingsaeng nchumhmei e.

⁴RINGHPOUC rui katuang charynmei taanv guay aniu ta tiningtowlou e; kamei hei nzianthaymei e khatni zauzianthay e.

⁵Kamei rui kata champouhmei nunc khang taektw tiilou e; kamei kalatdyng amuc zat mak ge.

⁶Kamei rui kamei nunc khou zaatc baihmei nunc ramv kaniw khang tiilouna kapumtan lyanlou e.

⁷Kamei rui taanhmei guay hei suai zat mak ge, khatni nchumh e; kalatdanv guay hei suai mak ge.

⁸Mi guay tei tingsaeng nai e, mi guay tei nzihna khatni nchumhna tiilou khwan e.

⁹Kamei rui kamei nunc ta ric patlouna kaniw khang tingsaeng latdyng dinglou the. Kamei hei nthanmei khatni tanc bauhmeipu e!

¹⁰RINGHPOUC ta pingmei hei; ningting bangbi e. kalatdanv piumei guay khou, nchumhna kakhanh thay khang tiilou e. Kata tingsaeng thuanc bam puni.