Read Rongmei Naga KALUMLU 12 Bible Online

KALUMLU 12 - Rongmei Naga bible

KALUMLU 12

¹He RINGHPOUC, aniw ta nkhavlou o, meicgaymei gaanv khat na sini maek khe; kalung nthanmei ta phutow dat mak khe.

²Kaniw meic guayna khat lev khat khou saraamc the; kapaengc khou sachuyna khat khat ta guat the.

³He RINGHPOUC, kapaengc khou na sa chuy bammei baley guay tei dan ganclou o!

⁴“Aniw mwang rui aniw ngam e. Aniw sa nii niimei sa puni; meic gaanv khat na rui sini aniw ta thingc ngam mak ge,” twna gaenghsw bammei mwang guay tei thingclou o.

⁵RINGHPOUC rui sa the, “Suanmei ta rai bammei zaeng rui, lungcsimei nunc ryanrana kalangh bammei zaeng rui, ntaw thu ai thau puni the, kumna kaniw rui machunh bammei giuga dat lakmei bamv khou ai rui kaniw ta lou puni.”

⁶RINGHPOUC lat guay hei kaling e; mi guay tei mai khou langc nthan luan chaneimei daandi kumc kaling e.

⁷Meicsimei nunc hei ruan lik sikh sik bam e, khatni simei ta meic kathuicna thuanc bam e.

⁸Mi zaeng rui, he RINGHPOUC, aniw ta kaganv kathuic gaeklou o, mi kumhmei mei nunc khou rui kanlou o.