Read Rongmei Naga KALUMLU 124 Bible Online

KALUMLU 124 - Rongmei Naga bible

KALUMLU 124

¹RINGHPOUC rui aniu ta nkhavlou mak khwan e thei, tabui kumh puni cho? Dawlou o, he Isaraelmei!

²“Aniu ta zauczihmei nunc rui aniu ta adow pwkhou, RINGHPOUC rui aniu ta nkhavlou mak khwan e thei,

³kaniw reic thauna aniu ta lunghpuamhmei khou, kaniw rui aniu ta nringh aluakc kan ni tuang di the;

⁴duidai rui aniu ta phungc tat kan ni tuang di the, dui rui aniu ta liak bin kan ni tuang di the.

⁵Reih thauna luangc bammei duimuat khou tei, aniu hei alip luai kan ni tuang di the.”

⁶Aniu RINGHPOUC ta thuancku kho, aniu ta zauczihmei nunc taek tiswlou makmeipu ta thuancku kho.

⁷Phah khou rui duak patmei nruayna kumc aniu duak the; phah tei swbaulou the, kumna aniu duak the!

⁸Aniu ta nkhavloumei hei tingpuk kandih ta damcloumeipu RINGHPOUC khou rui guang e.