Read Rongmei Naga KALUMLU 125 Bible Online

KALUMLU 125 - Rongmei Naga bible

KALUMLU 125

¹RINGHPOUC khou lwmloumei nunc tei kanukc kalung dat zat lakmei, kalung dat zat lakmei Zaion Chyng tei kumc e.

²Chyngbut guay rui Jerusalem ta bam haengv bammei kumc, ntaw khatni tingsaeng, RINGHPOUC rui kamei nunc ta bam haengv bam e,

³Meicsimei nunc rui ravchaptatmei nunc kandic ta sin tanh tan bam ni tu hamh e. Kum bam ti thei, ravchaptatmei nunc tei ni simei taanc nuh e.

⁴He RINGHPOUC, gaymei nunc khou tei, nang latdanv guay piumei nunc khou tei, gaymei taanclou o.

⁵Tiki meicsimei nunc ta nang rui dandi tii pwkhou, nang tuang nchumhmei chaeng mpatlouna tat kanmei nunc ta ni dandi tiilou o. Isarael khou chuzaenghmei nai diu!