Read Rongmei Naga KALUMLU 130 Bible Online

KALUMLU 130 - Rongmei Naga bible

KALUMLU 130

¹Kasyng tangcna ryanramei syng thangc rui, ai nang ta kaw e, he RINGHPOUC.

²Ai rui kauhmei chulou o, he RINGHPOUC; nkhavlou khang ai kawmei nkinglou o!

³Nang rui aniw paap guay hylou bam khwan e thei, thow ding ngam ni cho?

⁴Tiki aniw nang ta pingna bam khang nang rui aniw ta kuaklou e.

⁵RINGHPOUC rui nkhavlou khang, ai tarina nkhwan e; kalat ta ai lwm e.

⁶Rigaanvmei nunc rui tinggaanhmei ta agwnmei suangc agwnna, ai RINGHPOUC ta nkhwan e; rigaanvpouc nunc rui tinggaanhmei ta nkhwanmei suangc agwn e.

⁷He Isarael, RINGHPOUC khou lwm o, kalam thu taek makna kamei aniu ta nzian bam e, khatni kamei kaganv thuic kanlou niina bam e.

⁸Kamei rui kamei Isaraelmei ta kaniw paap khou rui kanlou puni.