Read Rongmei Naga KALUMLU 137 Bible Online

KALUMLU 137 - Rongmei Naga bible

KALUMLU 137

¹Babilon duithuak paengc khou, aniw dungc keyna, Zaion ta ningna kap bam khwan e.

²Khoutei zayzupbang khou aniw tuang rac goulou khwan e.

³Kalam thu aniw ta nym guangmei nunc tei rui aniw ta lu suan khang sa khwan e; kaniw ta tineihlalou khang Zaion lu akhat suanlou o twna aniw khou sa khwan e.

⁴RINGHPOUC khou suanmei lu tei akumhna aniw ginramc khou suan ngam nina cho?

⁵He Jerusalem, ai nang ta amuc khwan e thei, ai nrah zay thay dat mak kan di tho!

⁶Ai nang ta ningtow mak ge thei, Jerusalem ta akhang neihlamei swna laa mak ge thei, ai lu suan thay dat mak kan di tho!

⁷He RINGHPOUC, Jerusalem ta kuakmei ganv khou tei, Edom rui taanc kanmei tei ning towlou o. “Swra key tho, swpangv key tho, kandih tangcna swra tho,” twna kaniw sa bammei tei ning towlou o.

⁸He Babilon, nang ta amuclou puni the. Nang rui aniw khou taanclou kanmei khwm khangcloupui mei tei sangaymei e;

⁹nangniw nac nunc ta nymna ntauh ruc khou kathamv puat paruatloumei nunc tei sangaymei e.