Read Rongmei Naga KALUMLU 138 Bible Online

KALUMLU 138 - Rongmei Naga bible

KALUMLU 138

¹He RINGHPOUC, alung kapwm rui nang ta thuancku e; rav baihmei guay mav khou, nang ta thuanckuna suan e.

²Nang ramzian khatni suai zat makna taanclou bammei khang rui, nang tuang nthanmei Ravkai biak zaw puanc karihna nkhum keyna nang zanc thuanc e; kalam thu nang zanc khatni nang latdanv guay hei daic liangmei e twmei nang rui lyanlou the.

³Ai nang ta kaw pwkhou nang rui dawlou e; nang rui ata titanc tibauclou e.

⁴He RINGHPOUC, kandih khou guangh guay rui nang ta thuanc puni; kalam thu aniw nang latdyng guay tei chu kan the.

⁵Kaniw nang taanv khatni daihmei nang hym ta lu swna suan puni.

⁶Nang hei heidi kauh bam sini, nthanmei nunc ta nang kadanlou e, khatni daihriw swmei nunc nang khou rui nkamh ngam mak ge.

⁷Theic sucnumei bamv heizumei khou ai tatlou bam sini, nang rui ata kabiu kabaeng makna gaeklou e. Lunghpuamc bammei, ata zauczihmei nunc ta, nang rui akhangvlou e, khatni nang pumtan rui ata kanlou e.

⁸Nang rui nrianhlou kanmei guay nang taanclou puni; he RINGHPOUC, nang ramzian hei tingsaeng e; nang rui kahouhloumei taanv tei taanc suaklou o.