Read Rongmei Naga KALUMLU 140 Bible Online

KALUMLU 140 - Rongmei Naga bible

KALUMLU 140

¹He RINGHPOUC, meicgay makmei nunc khou rui ata kanlou o; meicngam meicliammei nunc khou rui ata gaeklou o.

²Kaniw kaganv thuic sw kasic khang kathouh thau bam e.

³Kaniw baley tei nrui baley kumc ntuk ge; kaniw lat tei ruigam khay kumc e.

⁴He RINGHPOUC, meicgay makmei nunc baanc khou rui ata gaeklou o; ata swkey khang raengc bammei, meicngam meicliammei nunc khou rui ata kanlou o.

⁵Daihriw swmei nunc rui akhang phah zawlou the; kaniw rui nkih zawlou the khatni ai manh khang chaengluang khou phah zaw padiklou the.

⁶Ai Ravguangc khou sa e, “Nang hei aRacguangc e.” He RINGHPOUC, nkhavlou khang ai kapna huaymei chulou o!

⁷He RINGHPOUC, aRacguangc, tanhmei ata gaekloumeipu, nang rui ata rihbamv khou rui gaeklou the.

⁸He RINGHPOUC, meicsimei nunc khang kaniw rui kahawmei tiilou rio; kaniw raeng tei tiguang tangclou rio.

⁹Ata zauczihmei nunc ta rih tingamlou rio; kaniw rui aruc khou kapin bammei hei kaniw ruc khou tikeylou o.

¹⁰Chuanghmei maithyn kaniw ruc khou bun keylou diu; pat dat ngam lakmei khunc khou kaniw ta phaic keylou diu.

¹¹Meic baihmei ta saraamcna nkhamlou bammei nunc tei, kaniw ningmei guang tangh mak kan diu khatni kaniw ta swmutlou diu.

¹²He RINGHPOUC, nang lungcsimei khang dinglou e, khatni lungcthuy lakmei khang nchumhmei swlou e twmei ai thay e.

¹³Ravchaptatmei nunc rui nang ta thuanc changh puni; kaniw nang mav khou lungc bam puni.