Read Rongmei Naga KALUMLU 142 Bible Online

KALUMLU 142 - Rongmei Naga bible

KALUMLU 142

¹Nkhavlou khang ai RINGHPOUC ta kaw e; ai kakhou huayney e.

²Akhang kunghmei guay ai kakhou phungc guang e; akhang ryanramei guay ai kakhou poulou e.

³Ai alung key reih reina bam khou, tabui sw nina cho twmei kamei thay e. Ai tat nimei chaeng khou, ata zauczihmei nunc rui akhang phah zawlou the.

⁴Ai adaeng zauc haengv pwkhou, ata nkhavlou nimei maek khe twmei ai how the, ata gaeklou nimei maek khe. Meic gaanv khat na rui sini akhang kadanlou mak khe.

⁵He RINGHPOUC, nkhavlou khang ai nang khou kapna huay e; he RINGHPOUC, nang hei ata gaekloumeipu e; apanty khou ai kahawmei kiu nang na di the.

⁶Nkhavlou khang ai kapna huaymei chulou o; kalam thu ai hei ramh swlou khang thay mak khe. Ata zauczihmei nunc khou rui ata kanlou o; kaniw hei akhang suangc tanc e.

⁷Aram ryanra khou rui tiduaklou o, kum e thei nang rui akhang gayna taancloumei khang rui, nang mei nunc kariumei bamv khou ai nang ta thuanc ni.