Read Rongmei Naga KALUMLU 145 Bible Online

KALUMLU 145 - Rongmei Naga bible

KALUMLU 145

¹Nang hym kauc ndauh ni, he aguangc, aRacguangc; ai nang ta tingsaeng thuanc ni.

²Tingmik kathuic ai nang ta thuanc ni; nang ta tingsaeng thuanc ni.

³RINGHPOUC hei daic e khatni thuanc kauhna thuanc nina e; katik kahym hei maansei thay tangh mak ge.

⁴Nang taanv hei meickin meickin khou thuanc ni; daihmei nang taanv kaniw kauc ndauh ni.

⁵Kaniw nang hym khatni nang tik gunc rac ni, khatni charynmei nang taanv guay ta ai makumh ni.

⁶Nang tuang taanvdai ta meic nunc rui rac ni, khatni nang hym ai kauc ndauh ni.

⁷Nang ramgai ta kaniw rac bam ni, khatni nang rui zauc nzianloumei ta suan bam ni.

⁸RINGHPOUC hei nzian e khatni zauzianthay e, lunghpuamh khang nzaeng e khatni nzianmei rui padik ge.

⁹Kamei meic kathuic khou gay e, khatni kamei rui damcloumei kathuic khou nzianlou e.

¹⁰He RINGHPOUC, nang rui damcloumei kaguay rui nang ta thuanc ni, khatni nang mei guay rui nang ta thuanc ni.

¹¹Nang guangcdic hym kaniw dinc puni, khatni nang pumtan rac puni.

¹²Kumna meic kathuic rui nang tuang taanvdai guay khatni nang guangcdic tuang gunc daihmei hym tei thay puni.

¹³Nang guangcdic hei tingsaeng e; khatni nang hei tingsaengzaeng guangh e. RINGHPOUC thu kalatdyng guay ngaek ge, khatni kamei rui taanhmei kaguayna gay e.

¹⁴Ryanramei nunc ta kamei rui nkhavlou e; bowmei nunc ta kamei rui zay thaulou e.

¹⁵Ringhmei kathuic lwmgayna nang ta zauc e, kaganv thei layna nang rui kaniw tu khang tiilou e.

¹⁶Kaniw khang biuhmei nang rui tiilou e, kumna ringhmei kathuicna ta ndaapc tarimei tipianlou e.

¹⁷RINGHPOUC hei kamei rui taanhmei guay nchumh e, kataanv guay khou zauzian padik ge.

¹⁸Lungh nthanna kata kawmei guay khou kamei ana bam e.

¹⁹Kata pingmei nunc khang kage naimei guay kamei tiilou e; kaniw kapna huaymei kamei chulouna kaniw ta kanlou e.

²⁰Kata nzianmei kathuic ta kamei rui gaeklou e, tiki meicgay makmei nunc ta kamei rui swmutlou puni.

²¹Ai RINGHPOUC ta thuanc tanh tan ni; kamei rui damcloumei katana rui kazanc nthanmei ta tingsaeng thuanc bam kan diu.