Read Rongmei Naga KALUMLU 149 Bible Online

KALUMLU 149 - Rongmei Naga bible

KALUMLU 149

¹RINGHPOUC ta thuanc o! RINGHPOUC khou lu thanh suan o; lwmnuhmei kamei nunc kariumei bamv khou kata thuanc o!

²Nang ta damcloumeipu zaeng rui, zaenggay o, he Isarael; nangniw guangc zaeng rui, neihla o, he Zaionmei nunc!

³Alaamhna kazanc thuanc o; nrah zayna khuangh hiwna kata thuanc o!

⁴RINGHPOUC rui kamei nunc khou neihla e; kamei rui niamhmei nunc khang rihngammei tiilouna champouhlou e.

⁵Ravguangc mei nunc kaniw rihngamna neihla kandiu, khatni neihlana lu suan thangc bam kan diu.

⁶Kaniw baanc khou kamun kaneimei baengsaeng sinna; Ravguangh ta thuancna kauc ranvna kauc kan diu,

⁷zaatc guay ta khwm khangh khang khatni meic nunc ta dandi tii khang,

⁸kaniw tuang guangc nunc ta pareiriang rui, kaniw tuang kapy swmei nunc ta ntanh tuang pareiriang rui bangclou khang

⁹kaniw ruc khou Ravguangh tuang latdanv thei layna dandi tii khang e; Mi hei Ravguangh mei nunc tuang rihngammei e. RINGHPOUC ta thuanc o!