Read Rongmei Naga KALUMLU 16 Bible Online

KALUMLU 16 - Rongmei Naga bible

KALUMLU 16

¹Ata gaeklou o, he Ravguangc; ai nang khou duplou e.

²“Nang hei aPoubauhmei e, nang khou rui hamhna akhang gaymei khat sini maek ge,” twna ai rui RINGHPOUC nang khou sa the.

³Kandih nam ruc khou lungc bammei ravchaptatmei nunc hei chingkhiuh e! Kaniw lev bammei hei akhang pianmei e.

⁴Rav baihmei khou pakloumei nunc tei kaniw rana kaniw khou ryanramei tiguang e. Kaniw rui zei bun keyna khaengmei khou tei ai kazauh lak ge; ai kaniw tuang rav nunc zanc saanc lak ge.

⁵He RINGHPOUC, akaipouc kiu nang na de, atuang thei dwan guay nang baanc khou nai e.

⁶Nang rui akhang tiimei kaipat hei charyn tuang e; mi guay tei adih gay kan tu cho!

⁷RINGHPOUC ta ai thuanc e, kalam thu kamei rui ata zaylou e, zingbangc azy zaengh khou nganv alungning rui ata nchamlou e.

⁸RINGHPOUC adaeng khou bam tanh tan bam e; gaeklou khang adaeng khou ana bam e; kumna ata ramhkhat na rui sini kanukc kalung ngam lak khe.

⁹Mi zaeng rui ai neihla e, abumaengc zaenggay e, ai khat sini giuga mak khe,

¹⁰kalam thu nang rui ata theihmei khou rui gaeklou e, khatni nang rui nzianmei ata taruaih khou ganclou mak ge.

¹¹Ringhmei khou zayloumei chaeng nang rui akhou dinclou e; nang bammei bamv khou neihlamei padik ge. khatni mbaanvthaymei tingsaeng nai e.